Yohaane 16:13 - Emakhuwa Bible

¹³ Vano, waarwaaka Munepa wa ekhaikhai, Owo onuuweettiheni mweekhaikhaiyini yootheene. Khoorwa wuuluma yawayaru, oniwuulume paahi yeeyo oneeraaya wiiwe ni oniwoolaleereni seiyo sineera sirwe.

Yohaane 16:13 Iomraidhean Croise

Yesaya 11:2

Munepa wa Yave onookhala ni yoowo – Munepa wa miruku ni wiiwexexa; Munepa wa olaka ni ikuru; Munepa wa osuwela ni omoova Yave

Yoweli 2:28

“Vahoolowaya nkaayehere Munepaaka atthu ootheene. Anamwaniinyu asilopwana ni asithiyana eniithalihere otthuna wa Muluku, anamuuluvalaanyu eniilohe ni amiravowaanyu eniikhaleno nyoonelo.

Yohaane 12:49

Vano nkiixuulumenle muneenaaka, mene Atiithi akiruminghe yaakilamulela yoohima ni yoowuuluma.

Yohaane 14:17

eyo tiiyo Munepa wa ekhaikhai. Amalapo khaangwera waakhela niwoko khaanoona, hata khaansuwela. Vaheera nyuwo moosuwela, niwoko Owo onkhala ni nyuwo ni onuukhale mwa nyuwo.

Yohaane 14:26

Namalakatho, Munepa Wootteela Atiithi eneeraaya erumihe mwa Nsinanaka, ngwooxuttiheni itthu sootheene ni onuuwuupuxereni sootheene kooleenlaakani.

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Yohaane 15:26

Namalaka awa, mwa Yoowo kineeraaka koorumiheleni wa Atiithi, Munepa wa ekhaikhai onrweela wa Atiithi, Owo onuukikhalele onamoona Miyo.

Yohaane 16:12

Kookhalano sincipale sowooleelani, mene vaanaano vaava khamungwera ovilela seiyo.

Yohaane 3:32

Owo onkhalela onamoona yeeyo oonnaawe ni iiwalaawe, mene khaawo anaakhulela onamoonaawe.

Yohaane 8:38

Miyo kinooleelani yeeyo koonnaaka kaakhalaaka ni Atthiiti ni nyuwo mumpaka yeeyo mwiiwalaanyu wa atithinyu.”

Miteko 11:28

Mmoha a yaawo iitthaniwa Agabo, aaheemela ni aahima mwa Munepa weera eniikhale etala etokoko mweelaponi yootheene ya oRooma, ni eyo yaakhumelenle ehuhu ya olamula wa Klawudiyu.

Miteko 20:23

ohikhanle paahi weera musidadeni sootheene, Munepa Wootteela onnakooperera weera otthukiwa ni soohooxa sinookiweherera.

Miteko 27:24

‘Pawulo, muhoove. Ontthuneya weera nyuwo muphiye ohoolo wa Seesari. Muluku aahoovahani mmahalanimwawe okumi wa ootheene anlapuwa ni nyuwo.’

2 aTesalonika 2:12

ni ethorihiwe ootheene yaawo ahiroromenle ekhaikhai, mene yaatthuna sootakhala.

2 aTesalonika 2:3

Ahikhale mutthu onoolokotthani hata vakhaani. Nihuku nno khaninrwa ophiya ohinaaye ohiiwelela otokotoko wookisera, ni wooniheriwa wa mutthu a yoottheka*, mwaana a oriheya.

aHeberi 1:1

Khalayi Muluku aahuuluma ni makholowaahu imaara sincipale ni moota woohiyanahiyana ni iyano sa maprofeeti;

1 Yohaane 2:20

Nyuwotho mohaakhelela yoottikittheliwa enrweela wa Munepa Wootteela, ni ootheene nyuwo moosuwela ekhaikhai.

1 Yohaane 2:27

Vano, mwaha wa nyuwo, yoottikittheliwa mwaakhenlaanyu wa Munepa Wootteela enkhala mwa nyuwo, ni khoontthuneya weera ooxuttiheni mukina. Ntoko yoottikitthela ela ya ekhaikhai ni yoohilokottha enooxuttihani mwaha wa itthu sootheene, mukhale mwa Muluku, ntoko eyo yooxuttinghaayani.

1 Yohaane 4:6

Hiyo nri a Muluku, ni khula mutthu omusuwenle Muluku onniiwa, mene yoole ohirwiiye wa Muluku khaniiwa. Hiiho noosuwela Munepa wa ekhaikhai ni munepa woolokottha.

1 Yohaane 5:6

Yeesu Kristu ti Yoole orwiiye, aviraka mmaahini ni mphomeni. Khoohiyono paahi mmaahini, mene mmaahini ni mphomeni. Ni Munepa ti Yoowo onkhalela onamoona, niwoko Munepa ti ekhaikhai.

Ethupululo 1:1

Ethupululo ya Yeesu Kristu, Muluku aamvanghaawe weera awoonihere arumeiyaawe mwaha wa seiyo sineera sikhumelele woowaakuveya. Amurumihelaka ndyelowaawe, Owo aamusuweliha murumeiyaawe Yohaane,

Ethupululo 1:19

Mulepe itthu moonnaanyu, seiyo sinkhala ni seiyo sineera sikhumelele.