Yohaane 15:5 - Emakhuwa Bible

⁵ Miyo ti Evideira*; nyuwo muri mirai. Akhala mukina onkhala mwa Miyo ni Miyo mwa yoowo, owo onimwiimaxa, niwoko kihikhanle Miyo, nyuwo khamungwera opaka naari etthu.

Yohaane 15:5 Iomraidhean Croise

Masu a Miruku 11:30

Yoowiima ya yoororomeleya ti mwiri wa okumi, ni yoowo onaarukunxiha murima akina ti musuweli.

Hoxeya 4:8

Awosa anca sooveleela sa soottheka sa mulokwaaka ni anghakalalela ottheka wa mulokwaaka.

Matheyo 13:21

Wa soothesene, woonaka weera khanono mukwankhwaari mwaneenaawe, onoopwaherera ehuhu vakhaani paahi. Saakhumelelaka soohooxa, hoye hoye ottharatthariwa niwoko na masu ala, woowaakuveya onoohiya.

Yohaane 12:24

Miyo kinooleelani ekhaikhai weera enuku emoha ya etrigu yaahimorela vatthayani ni yaahikhwa, eniikhale emoha paahi. Yakhwatho, eniyiime soowiima sincipale.

Yohaane 15:16

Nyuwo khamukithanlale Miyo, mene Miyo kohoothanlani nyuwo weera murowe ni mwiime soowiima soohimala weera Atiithi yoovaheeni yeeyo muneeraanyu muvekele mwa Nsinanaka.

Yohaane 5:19

Yeesu aaweerela: “Miyo kinooleelani vekhaikai weera Mwaana khangwera opaka etthu muneenaawe. Paahi ongwera opaka yeeyo owoonenlaawe Atithawe epakaka niwoko yeeyo Atiithi ampakaaya, Mwaana onoopakatho.

Yohaane 9:33

Mulopwana Owo ahaakhanle a Muluku khaawera opaka etthu.”

Miteko 4:12

Khoowowo ovuluxiwa mwa mukina. Khaniwowo nsina nikina nivahiwe wa atthu mwa nenno ontthuneya weera ninivuluxe.”

aRooma 12:5

hiihotho hiyo nri ancipale, nimpaka erutthu emoharu mwa Kristu, ni mpatta ti mpatta ontthukiwa vamoha ni mipatta sootheene sikina.

aRooma 6:22

Vanonto, mweenre nyuwo mvuluxiwaka mwa yoottheka ni mukhala ipottha sa Muluku, soowiima munghephaanyu sinooronghani wa ntteeliho, ni ommaleloniwaya ti okumi woohimala.

aRooma 7:4

Hiiho, axunnaka, nyuwotho mookhwela nlamulo niwoko na erutthu ya Kristu, weera mukhale a mukina, a Yoole ovenyerenre mookhwaani, weera nimwiimihere Muluku yoowiima.

1 aKorinto 10:16

Ekoomixi ya nreeliho hiyo ninreelihaahu, kheehiyono wiiwanana ni ephome ya Kristu? Ni epaawu hiyo nimmeyanyaahu, kheehiyono wiiwanana ni erutthu ya Kristu?

1 aKorinto 12:12

Vano, hiiho ntoko erutthu eraaya emoha, eri okhalanaru mipatta sincipale, ni mipatta sootheene siri mwaattaru simpaka erutthu emoha, hiihotho ni Kristu.

1 aKorinto 12:27

Vano, nyuwo muri erutthu ya Kristu ni mpatta wa erutthweene yeeyo.

2 aKorinto 13:8

Vano khaningwera ovaanya ekhaikhai, mene waakhulela yeeyo paahi.

2 aKorinto 9:10

Yoole onimvaha mmiso yoowo onaala ni yooca wa yoowo onca, Owo anoovaheeni ni anaandyeerere mmiso, ni anunnuwihe soowiima sa waakhuleliwawanyu ni Muluku.

aGalata 5:22

Vaheera yoowiima ya Munepa ti osivela, ohakalala, murettele, opixa murima, waahelela akina, murima wooreera, ororomeleya,

awEfeso 5:9

niwoko yoowiima ya waara eri oreera murima, ororomeleya, ni ekhaikhai.

aFilipi 1:11

Kimvekela weera musareye ni yoowiima ya ekhaikhai. Yoowiima ela enrweela niwoko na Yeesu Kristu wa ovuwa ni ottottopela wa Muluku.

aFilipi 4:13

Kingwera soothesene mwa Yoowo onkilipihera.

aFilipi 4:17

Khoohiyono weera miyo kinaasaasa soovaha, mene kinghaawela yeeyo eneera yaandyeerere ntthuvelonanyu.

aKolosi 1:10

Nimvekela yeeyo weera mweettelowaanyu okhale woowaaphwanelela Apwiya, ni weera mwaasivelihe Yaawo mwa soothesene, mwiimaka soowiima sa miteko sooreera, munnuwaka mwa esuwelo ya Muluku.

aKolosi 1:6

yoophwannyeni. Mwa elapo yootheene ya vathi masu ooreeraxa aniima soowiima yunnuwaka, ntoko oneereyaaya variyariwanyu okhuma ehuhu mwiiwalaanyu masu ooreeraxa, ni mwiiwexenxaanyu mahala a Muluku mwa ekhaikhai.

Yakobe 1:17

Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.

1 Pedru 2:4

Ngwaattamele Apwiya, Nluku nikumi, nikhoottiwe ni atthu, mene nithanliwe ni Muluku ni noottittimiheyaxa wa Yoowo.

2 Pedru 3:18

Wa soothesene, munnuwe mmahalani ni moosuwelani mwa Apwiyaahu ni Mvuluxa Yeesu Kristu. Wa Awo okhale ovuwa wa vaanaano ni woohimala. Ame*.