Yohaane 15:15 - Emakhuwa Bible

¹⁵ Nkingwiitthanani arumeiyi niwoko murumeiyi khansuwela yeeyo Apwiyaawe ampakaaya. Ohiyanawaya, Miyo kingwiitthanani asinthamwenaaka, niwoko sootheene kiiwalaaka wa Atithaka, Miyo kohoosuwelihani.

Yohaane 15:15 Iomraidhean Croise

Icipo 25:14

Yave onaathupululela ixiirisawe yaale ammoova; Owo onaasuweliha wiiraanawawe.

Masu a Miruku 18:24

Yoowo orino asinthamwene ancipale enoowereya omalela woophwatiwani, vaheera ookhalatho nthamwene a vamurimani waapwaha axunna.

Amosi 3:7

Vekhaikhai Yave onlamula sootheene, khampakaru etthu ahiwoonihenre yoovaanelaawe arumeiyaawe maprofeeti.

Matheyo 13:11

Owo aahaakhula: “Wa nyuwo moovahiwa osuwela ixiiri sa omwene wa wiirimu, mene wa yaawo, naari.

Luuka 10:23

Vano Owo aahaarukunuwela oohuseraawe ni aaweerela meekhaayaru: “Ooreelihiwa ti maitho anoona yeeyo munoonaanyu.

Yohaane 12:26

Yoowo onkirumeela, ontthuneya okitthara, ni kiraakawo, murumeiyaaka anaakhalewotho. Atithaka eniimuttittimihe yoowo onkirumeela.

Yohaane 13:16

Miyo kinooleelani vekhaikhai weera kheewowo epottha enaapwaha Apwiyaaya ntokotho khaawo namutthenga onimpwaha yoole omurumihale.

Yohaane 15:20

Muupuwelele masu kooleenlaakani: kheewowo epottha yoowaapwaha apwiyaaya. Awo yaakittharatthanre Miyo, animoottharattharanitho. Yiiwelenle maswaaka, eniyiiweleletho maswaanyu.

Yohaane 16:12

Kookhalano sincipale sowooleelani, mene vaanaano vaava khamungwera ovilela seiyo.

Yohaane 17:26

Miyo kohaasuweliha Nsinananyu, ni nkipwaherere opaka yeeyo weera osivelawene weiwo mwaakisivenlaanyu, okhale mwa yaawo ni Miyotho kikhale mwa yaawo.”

Yohaane 20:17

Yeesu aamweerela: “Muhikivarele niwoko nlelo nkinaaye waahokoleela Atithaka. Murowe toko wa axunnaka ni mwaaleele weera Miyo kinghokoleela wa Atithaka ni Atithinyu ni wa Mulukwaaka ni Mulukwaanyu.”

Yohaane 4:19

Muthiyana aaweerela: “Apwiya kinoona weera muri Mprofeeti.”

Yohaane 8:26

Kookhalano masu mancipale weera kihime wa nthorihelonanyu, mene Yaawo akiruminghe amphwanela ororomeliwa, ni Miyo kinghima wa elapo ya vathi paahi yeeyo kiiwalaaka wa Yaawo.”

Miteko 20:27

niwoko kohoolaleerani otthuna wootheene wa Muluku.

aRooma 7:15

Nkinsuwela kineeraaka, niwoko nkimpaka yeeyo kintthunaaka, mene yeeyo kinthanyaaka.

1 aKorinto 2:16

“Taani asuwenle soowuupuwela sa Apwiya weera aaxuttihe?” Vano, hiyo nookhalano soowuupuwela sa Kristu.

aGalata 4:6

Hapo muri anamwane a Muluku, Owo aaruma Munepa Wootteela wa Mwanawe wa mirimasanyu, mwa Yoowo oneera: ‘Aba, Tiithi!’

awEfeso 1:9

Aanisuweliha ntikhinelo na otthunawawe niwoko na oreerawawe murima Owo oonihenraawe mwa Kristu,

awEfeso 3:5

Nna khaasuwelihiwe atthu a ikhapira sikina. Mene vano, noosuweliheriwa ni Munepa arummwa ootteela ni maprofeeti a Muluku.

aKolosi 1:26

ntikhinelo niipithihiwe wa ihuhu ni ikhapira sikina, mene vano nohooniheriwa wa ootteelaawe.

Filemone 1:16

ahikhalakatho ntoko epottha, mene opwaha epotta, aani, ntoko munna oosiveleya. Owo ti oosiveleyaaka wootepaxatho wa nyuwo – ntoko mweerutthuni nitho mwa Kristu.

Yakobe 1:1

Ya Yakobe, murumeiyi a Muluku ni a Apwiya Yeesu Kristu, wa ipuumba muloko ni piili simwaramwareiye variyari wa miloko: Salaama!

Yakobe 2:23

Hiiho yookwaniheriwa Yoolempwa* eneera: “Abrahaamu aamuroromela Muluku, ni tivawo aakhuleliwaawe ni Yoowo,” ni owo aahiitthaniwa nthamwene a Muluku.

1 Pedru 1:11

Yaasaasa woonelela ehuhu ni sookhumelela ni ekhavihero ya ithoonyero saavahiwa ni Munepa wa Kristu. Vano, Munepa waari mwa yaawo waalaleiya soohaawa Kristu eeraawe avilele ni ovuwa eeraawe aakhele.

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

Yuda 1:1

Ya Yuda, murumeiyi a Yeesu Kristu, ni munneiye Yakobe, wa yaawo yiitthaniwe, yaasiveliwe ni Muluku Atiithi ni yaakosoopiwe ni Yeesu Kristu:

Ethupululo 1:1

Ethupululo ya Yeesu Kristu, Muluku aamvanghaawe weera awoonihere arumeiyaawe mwaha wa seiyo sineera sikhumelele woowaakuveya. Amurumihelaka ndyelowaawe, Owo aamusuweliha murumeiyaawe Yohaane,