Yohaane 14:27 - Emakhuwa Bible

²⁷ Kinoohiyerani murettele; murettelaaka kinimoovahani. Miyo nkinoovahani ntoko elapo ya vathi emvahaaya. Sihituthuwe mirimasanyu, hata muhoove.

Yohaane 14:27 Iomraidhean Croise

2 Nyaha 20:30

Omwene wa Yehoxafati waakhala mmuretteleni, niwoko Mulukwaawe, aamvaha murettele mmwiinanonimwaya moothemwene.

Yobi 34:29

Vaheera Owo apwaherera omaala, taani anaamuthorihe? Iipithiha ekhove, taani eniiwere omoona? Vanonto, Owo onaalamula atthu ni miloko moota mmohamoharu yoowo,

Icipo 11:1

Kintthawela mwa Yave. Heeni mukeerenlaanyu: “Mutthawele vamwaakoniwanyu ntoko mwaapalame?”

Icipo 112:7

Owo khoova ihaali soonanara; murimaawe ti woohihoveleya, amuroromelaka Yave.

Icipo 27:1

Yave ti waarawaka ni ovuluxiwawaka – taani kineeraaka kimoove? Yave ti wootthawelawaka woolipa – taani aneera akoopopihe?

Icipo 28:3

Muhikivahe nttaruxo ahiyeriwaaya atakhali ni wa yaale ampaka soonanara – yaale anuuluma ntoko nthamwene ni aximwaattamanaaya, mene mirimasaya soosareya soonanara.

Icipo 29:11

Yave omvaha ikuru mulokwaawe; Yave onreeliha mulokwaawe ni murettele.

Icipo 56:11

kinimuroromela Muluku. Nkoova – anaakipakeleni mutthu onkhwa?

Icipo 56:3

Miyotho, koovaka, nkoororomeleni Nyuwo.

Icipo 72:2

weera owo athorihe mulokwaanyu mweekhaikhaiyini ni aathorihe oohasuliwaanyu moota woororomeleya.

Icipo 72:7

Mmahukunimwawe oororomeleya anoottuva ni weetteleya nnene onimwaatta mpaka ommaleloni wa mweeri.

Icipo 85:10

Osivela ni ororomeleya onookumanela; ekhaikhai ni murettele sinoobeecana.

Icipo 91:5

Khoontthuneya nyuwo woova soowoopiha sa ohiyu naari muupa onuumbihiwa othana,

Masu a Miruku 3:25

Khoontthuneya woova ehasara yootutuxereya hata ophwata onaaphwanya atakhali.

Yesaya 12:2

Vekhaikhai Muluku ti ovuluxiwawaka. Kinoororomela kihoovaka. Yave, aani, Yave ti ikurusaka ni ecipwaaka; Owo ti ovuluxiwawaka.”

Yesaya 41:10

Vano muhoove niwoko Miyo kiri ni nyuwo; muhitteenguwe niwoko Miyo ti Mulukwaanyu. Miyo kinimoolipihani ni kinimookhaviherani. Kinimoovarelani ni ntatanaka noolopwana noowina.

Yesaya 41:14

Muhoove, muungu Yakobe, Ii! Yixrayeli mukhaani, niwoko Miyo muneenaaka kinimookhaviherani,” onghima Yave, Mvuluxaanyu, Ootteela a oYixrayeli.

Yesaya 54:13

Anamwaniinyu asilopwana ootheene anooxuttihiwa ni Yave ni murettele wa anamwaniinyu onuukhale mutokotoko.

Yesaya 55:12

Munookhuma moohakalalani ni munoohooleliwa mmuretteleni; nyaako ni mattumuxa anoopacera wiipa ohoolowanyu ni nyiri sootheene sa ntuphini sinimwiipa makuphi.

Yesaya 57:19

kiwerihaka ottottopela vayanoni wa anamalalamika a oYixrayeli.” Yave oneera: “Murettele, murettele wa yaale ari ottai ni vakhiviru. Vano wa yaawo ni Miyo kinimwaalamiha.”

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yeremiya 1:8

Muhiwoove yaawo, niwoko Miyo kiri ni nyuwo ni kinimookosoopani,” onghima Yave.

Icipo Soolalamika 3:17

Ookaakha murettele; koottiwala weetteleya nnene.

Ezekiyeli 2:6

Nyuwo, mwaana a mutthu, muhiwoove atthu awo hata maswaayeenetho. Muhiwoove, naari yooricakani ni rupulula ni nyiiwa, ni nyuwo mukhalaka eriyari ya awalisi. Muhoove yeeyo anghimaaya, hata mwaawoonaka, muhitteenguwe, arookhalaru muloko woovaanya.

Daniyeli 4:1

Ya mwene Nebukadenezari, wa atthu a ilapo, miloko ni muulumo ootheene ankhala mweelaponi ya vathi: murettele ni mpuha okhale ni nyuwosa!

Daniyeli 6:25

Vano mwene Dareyexi aalepela miloko sootheene ni atthu a muulumo ootheene mweelaponi yootheene: “Mpuha okhaleke ni nyuwo!

Zakariya 6:13

Ti yoowo aneera ateke Empa ya Yave ni owo onoowarihiwa ni ovuwa, alamulaka akilaathiyeene vahiceniwawe ya emwene. Ni owo onookhala musaserdoti* vahiceniwawe. Vano onookhala murettele variyari wa esaserdotaawe ni emwenaawe.’

Nuumeru 6:26

Yave ooweheeni ni oovaheeni murettele.

Matheyo 10:26

Tivawo, muhiwoove yaawo. Itthu sootheene soowiipithiheiya nsooneiye, ni itthu sootheene sookhuneeliwa, nsisuwelihiwe.

Luuka 1:79

weera aamwaleele yaale ari mpiphini ni mmunttuusini wa okhwa, ni weera aneettihe mphironi ya murettele.”

Luuka 10:5

Mwaavolowaka mpaani, mweerele toko: ‘Murettele wa empa ela.’

Luuka 12:4

Miyo kinooleelani, asinthamwenaaka, muhiwoove yaawo aniiva erutthu ni vahoolowaya kheewo angweraaya.

Luuka 2:14

“Ovuwa okhale wa Muluku Musulusulu, ni vathi vaava murettele wa yaale animusiveliha Muluku.”

Yohaane 14:1

Mirimasanyu sihikacamiheye. Munroromele Muluku, mukiroromeletho Miyo.

Yohaane 16:33

Miyo kooleenleni itthu iya weera mukhalane murettele mwa Miyo. Mweelaponimu mmwikhaleno soohooxa, wa soothesene, mulipihere murima. Miyo koowina elapo ya vathi.”

Yohaane 20:19

Wiilaka nihuku nenne noopacera na esimana ni ethukumanneene oohusera mpaani ni milako soowaliweene niwoko na owoova aYuda, Yeesu aavolowa, aakhala eriyaraaya, anaweerela: “Murettele okhale ni nyuwo.”

Yohaane 20:21

Yeesu aaweerela veeli: “Murettele okhale ni nyuwo. Ntoko Atiithi akirumihale, hiihotho Miyo kinimoorumihani.”

Yohaane 20:26

Yaaviralaaya esimana emoha, oohuseraawe yaaritho vaavaale ni Tomaxi vamoha ni yaawo. Saarookhalaru milako soowaliwasene, Yeesu aavolowa, aaheemela eriyaraaya, anaweerela: “Murettele okhale ni nyuwo.”

Miteko 10:36

Nyuwo moosuwela mutthenga orumihiwe ni Muluku wa muloko wa aYixrayeli, onuuluma sa masu ooreeraxa a murettele mwa Yeesu Kristu, Apwiya a ootheene.

Miteko 18:9

Ohiyu mmoha Apwiya yaahuuluma ni Pawulo mmooneloni, yeeraka: “Muhoove, mupwaherere wuuluma ni muhiitthuuwe,

aRooma 1:7

Wa ootheene oRooma ari oosiveleya a Muluku ni aniitthaniwa weera ekhale ootteela: Wa nyuwo, mahala ni murettele onrweela wa Muluku Atithihu ni Apwiya Yeesu Kristu.

aRooma 15:13

Muluku a nroromelo oosariheni ni ohakalala ni murettele wootheene nyuwo munroromelaka Yoowo, weera mwaatte munroromeloni niwoko na ikuru sa Munepa Wootteela.

aRooma 5:1

Vano, naakhuleliweene ni Muluku niwoko na nroromelo, nookhalano murettele ni Yoowo mwa Apwiyaahu Yeesu Kristu.

aRooma 5:10

Naaraahu nlelo amwiittana a Muluku, niiraanyihiwe ni Yoowo niwoko na okhwa wa Mwanawe, wootepaxa vano, nireene oowiiraanyihiweene, nnivuluxiwe ni okumaawe!

aRooma 8:6

Muupuwelo wa erutthu yootthekeya onruuha okhwa, mene muupuwelo oneettihiwa ni Munepa onruuha okumi ni murettele.

1 aKorinto 1:3

Wa nyuwo, mahala ni murettele wa Muluku Atithihu ni wa Apwiya Yeesu Kristu.

aGalata 1:3

Wa nyuwo mahala ni murettele onrweela wa Muluku Atithihu ni Apwiya Yeesu Kristu,

aGalata 5:22

Vaheera yoowiima ya Munepa ti osivela, ohakalala, murettele, opixa murima, waahelela akina, murima wooreera, ororomeleya,

aGalata 6:16

Murettele ni ikharari sikhale ni ootheene aneetta ekwaniheraka nlamulo nna, nitho ni aYixrayeli a Muluku.

aFilipi 4:7

Ni murettele wa Muluku ompwaha soowuupuwela sootheene onuuthokorore mirimasanyu ni soowuupuwelasanyu mwa Kristu.

aKolosi 1:2

wa ootteela ni axunna oororomeleya mwa Kristu ari oKolosi: mahala wa nyuwo, ni murettele onrweela wa Muluku Atithihu.

aKolosi 1:20

ni weera niwoko na Yoowo siiraanyihiwe itthu sootheene ni Muluku, sikhalaka sa wiirimu, hata sa vathi. Aawenre yeeyo akhalihaka murettele niwoko na ephomaawe evuuvihiwe vamuttandani.

aKolosi 3:15

Murettele wa Kristu okhale mphuki mmirimanimwanyu, woonaka weera nyuwo mwiitthaniwe weera mukhale mmuretteleni ntoko mipatta sa erutthu emoha paahi. Ni mutthapeliwe.

2 aTesalonika 1:2

mahala wa nyuwo, ni murettele onrweela wa Muluku Atiithi ni Apwiya Yeesu Kristu.

2 aTesalonika 3:16

Apwiya aneenaaya a murettele yoovaheeni murettele ehuhu yootheene ni moota wootheene. Apwiya ekhale ni nyuwo ootheene.

2 Timootheyo 1:7

Vekhaikhai, Muluku khanivanghe munepa woowoova, mene munepa wa ikuru, osivela ni wa wiisuumaaliha.

aHeberi 13:20

Ti ohaawelawaka weera Muluku a murettele omvenyererihale Yeesu Apwiyaahu, Mukukhuli mutokweene a ikhondoolo, mwa Yoowo owenre ni ephomaawe wiiraanyiha woohimala,

aHeberi 7:2

Vano, Abrahaamu aamvaha yanaamuloko ya soothesene. Woopacera nsinanawe nintaphulela ‘mwene a ekhaikhai,’ ni vahoolowaya ‘mwene a oSalemi’ entaphulela ‘mwene a murettele.’

Ethupululo 1:4

Ya Yohaane, wa ikerexa ithannapiili siri wAsiya: Wa nyuwo mahala ni murettele onrweela wa Yoole ori, aari, ni anaarwe, ni wa minepa mithannamiili siri ohoolo wa ehicaawe,

Ethupululo 2:10

Muhoove wa itthu muneeraanyu muhaawe. Miyo kinooleelani: Diyabu* anaavonyere akina a nyuwo mukaliposo weera aweerereni, ni nyuwo mmwihaawe osoondiwa woomalaka mahuku muloko. Mukhale oororomeleya mpaka okhwa ni Miyo nkoovaheeni ecireemba ya okumi.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”