Yohaane 14:23 - Emakhuwa Bible

²³ Yeesu aamwaakhula: “Mukina akisivela Miyo, oniiwelela maswaaka. Atithaka eniimusivele ni hiyo nnirwe wa yoowo ni nnikhale mwa yoowo.

Yohaane 14:23 Iomraidhean Croise

Epacerero 1:26

Vano Muluku aahiixeerela: “Nimpattuxeke mulopwana niilikanxaka moota wooweera akhalaneke ekhalelowaahu. Alamuleke ihopa sootheene siri mphareiyani; ipalame sootheene sa wiirimu; inama soohuwiwa sootheene ni seiye sootheene siniipurula.”

Epacerero 11:7

Nikhuruweke weera navirikanyihe nuulumonaya, weera awo ehiiwananeke mukina ni mukhwaawe.”

Icipo 90:1

Yave Nyuwo ti Ntthawelonahu wa ikhapira sootheene.

Icipo 91:1

Yoole onkhala vanipuroni noolipa na a Musulusulu onniitthuuwa mmunttuusini mwa Muluku a ikuru sootheene.

Yesaya 57:15

Vano Oosulusuluxa, Yoowo onkhala ni okumi wa mahuku ootheene, Nsinanawe Ootteela, oneera ha: “Miyo kinkhala vanipuroni noosuluxa ni nootteela, menetho ni yoowo orino murima woothananaxa ni wooyevihiwa mmunepani weera kikakamuxe munepa wa oowiiyeviha ni opepesa murima wa oothanana.

Yohaane 10:30

Miyo ni Atiithi nri mmoharu.”

Yohaane 14:15

Nyuwo mwakisivela Miyo, mmwiiwelele malamulowaaka.

Yohaane 14:17

eyo tiiyo Munepa wa ekhaikhai. Amalapo khaangwera waakhela niwoko khaanoona, hata khaansuwela. Vaheera nyuwo moosuwela, niwoko Owo onkhala ni nyuwo ni onuukhale mwa nyuwo.

Yohaane 14:21

Yoowo okhalanne malamulowaaka ni oniiwelela, ti yoowo onkisivela. Yoowo onkisivela, anaasiveliwe ni Atithaka ni Miyotho nkimusivele ni nkiixoonihere wa yoowo.”

Yohaane 14:24

Yoole ohinkisivela Miyo, khaniiwelela maswaaka. Masu ala nyuwo muniiwaanyu khaahiyono awaka; ari a Atithaka akiruminghe.

Yohaane 15:10

Nyuwo mwiiwelela malamulowaaka, munookhala moosivelanimwaka ntoko Miyo kiniiwelelaaka malamulo a Atithaka ni kinkhala moosivelanimwaya.

Yohaane 16:27

niwoko Atiithi aneenaaya animoosivelani, mweenre nyuwo mukisivelaka ni muroromela weera Miyo kirweenle wa Muluku.

Yohaane 6:56

Ootheene ankhuura erutthwaaka ni angwura ephomaaka, ankhala mwa Miyo ni Miyotho mwa yaawo.

Yohaane 8:51

Miyo kinoororomelihani weera akhala mukina oniiwelela maswaaka, kharwa akhwa mahuku ootheene.”

Yohaane 8:52

Vahoolo wa yeeyo, aYuda yaamweerela: “Noosuwela vaanaano va weera murino munepa woonanara! Abrahaamu ahookhwa nitho maprofeeti. Vano Nyuwo muneera weera mukina iiwelela maswaanyu, kharwa akhwa mahuku ootheene!

2 aKorinto 6:16

Wiiwanana heeni eraayano Empa ya Muluku ni sa miluku soolokottha? Vano hiyo nri Empa ya Muluku mukumi. Ntoko Muluku eenraawe: “Nkikhale vamoha ni yaawo, ni nkeette variyariwaya. Nkikhale Mulukwaaya, ni awosa eniikhale mulokwaaka.”

awEfeso 3:17

weera Kristu akhale mmurimanimwanyu niwoko na nroromelo. Kimvekelatho weera nyuwo, mureene oothipeliwa ni oolipihiwa moosivelani,

1 Yohaane 2:24

Vano nyuwo, mwiipasoope weera yeeyo mwiiwalaanyu okhuma ompacereroni ekhale mwa nyuwo. Mwapaka yeeyo, nyuwotho mmwikhale mwa Mwaana ni mwa Atiithi.

1 Yohaane 2:5

Yoowo oniiwelela nsu na Muluku onoonihera weera osivelawawe Muluku wookwaniheriwa vekhaikhai mwa Yoowo. Hiiho noosuwela weera nri mwa Yoowo:

1 Yohaane 4:4

Anamwane, nyuwo muri a Muluku ni mohaawina yaawo, niwoko Yoowo ori mwa nyuwo ti woopwahaxa munepa ori mweelaponi.

1 Yohaane 5:3

Niwoko mwa yeeyo wookhala osivela wa Muluku: wiiwelela malamulowaawe. Ni malamulowaawe khaahiyono oolemela.

2 Yohaane 1:6

Ni wu ti osivela: weera hiyo niiweleleke malamulowaaya. Ntoko nyuwo mwiiwalaanyu okhuma ompacereroni, nlamulo ti nna: weera nyuwo mweetteke moosivelani.

Ethupululo 21:22

Nkoonne Empa ya Muluku ekina musidadeni, niwoko Apwiya Muluku a ikuru sootheene ni Eputtiputthi ari empaaya yootteela.

Ethupululo 21:3

Kaahiiwa nsu ntokotoko naarweela vahiceni neeraka: “Vano etabernaakulu* ya Muluku eri ni atthu, ni Owo anaakhale ni yaawo. Awo eniikhale mulokwaawe ni Muluku muneenaawe anaakhale ni yaawo, ni anaakhaletho Mulukwaaya.

Ethupululo 22:3

Khoorwa okhalatho olapha okina. Ehice ya Muluku ni ya Eputtiputthi eniikhale musidadeni, ni arumeiyaawe eniimurumeele.