Yohaane 14:21 - Emakhuwa Bible

²¹ Yoowo okhalanne malamulowaaka ni oniiwelela, ti yoowo onkisivela. Yoowo onkisivela, anaasiveliwe ni Atithaka ni Miyotho nkimusivele ni nkiixoonihere wa yoowo.”

Yohaane 14:21 Iomraidhean Croise

2 Mamwene 18:6

Aamutthara Yave moota woororomeleya ahimuhiyaka. Aahiiwelela malamulo Yave aamuvanghaawe Moisesi.

Icipo 35:27

Yaale anghakalalela ohikhalanawaka nthowa ekhuweleke ni ohakalala; awosa yeere mahuku ootheene: “Yave avuwihiwe, mwa Yoowo ontthuna weera murumeiyaawe akhale nnene.”

Okhuma 33:18

Vanonto Moisesi aamweerela: “Mukoonihere ovuwawanyu.”

Masu a Miruku 8:17

Kinaasivela yaawo ankisivela, ni yoowo onkaasa onookiphwanya.

Yeremiya 31:31

Vano anoophiyera mahuku,” onghima Yave, “kineeraaka kikhalihere wiiraana onyowani muloko wa oYixrayeli ni wa oYuda.

Zefaniya 3:17

Yave, Mulukwaanyu, ori ni nyuwo, oolikaneene ovuluxa. Owo onootthapa mwa nyuwo; moosivelanimwawe onimoorehererani, Owo onimoohakalalelani mookhuwelani wa ohakalala.”

Luuka 11:28

Owo aamwaakhula: “Ooreelihiwa oophwaha ti yaale aniiwa masu a Muluku ni aniiwelela.”

Yohaane 14:15

Nyuwo mwakisivela Miyo, mmwiiwelele malamulowaaka.

Yohaane 14:18

Miyo nkirwa koohiyaani akwaasuni; nkoohokoleeleni.

Yohaane 15:14

Nyuwo mmwikhale asinthamwenaaka mwapaka yeeyo Miyo kinoolamulelaakani.

Yohaane 16:14

Owo onuukivuwihe niwoko oniwaakhele yeeyo eri yawaka ni oniwoosuweliheni yeeyo.

Yohaane 16:27

niwoko Atiithi aneenaaya animoosivelani, mweenre nyuwo mukisivelaka ni muroromela weera Miyo kirweenle wa Muluku.

Yohaane 17:23

Miyo mwa yaawo ni Nyuwo mwa Miyo. Kimvekela weera omoharuwaaya okhale wookwanela weera amalapo esuwele weera Nyuwo mwaakirumiha ni mwaahaasivela, hiiho ntoko mwaakisivenlaanyu.

Miteko 22:18

ni kaawoona Apwiya yaakeerenle: ‘Mwaakuveke! Mukhume oYerusaleemu woowaakuveya, niwoko atthu a wenno kheerwa yaakhulela onamoonaanyu mwaha wa Miyo.’

2 aKorinto 12:8

Kaahaadyoonttelela Apwiya imaara tthaaru weera ekivenxe mwiiwa ole,

2 aKorinto 3:18

Hiyo ootheene nri ni ekhove yookhunuliwa, ninoonihera ovuwa wa Muluku. Ni hiiho nintatuxiwa moovuwani woowunnuwa onrweela wa Apwiya ori Munepa, weera nilikanyihiwe ntoko mukhalelo wa Yoowo.

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

Deuteronomiyo 11:13

Tivawo mwiiwelela oororomeleyeene malamulo kinoovahaakani olelo, munsivelaka Yave Mulukwaanyu, munrumeelaka ni murimaanyu ni okumaanyu wootheene,

Deuteronomiyo 7:13

Owo onimoosivelani, onimooreelihani ni onoowaandyeererani. Onimoovahani anamwane ancipale, soohepha sincipale sa etrigu, eviinyu enyowani ni makhura ni muhuwo wa imombe ni wa ikhondoolo mweelaponi Owo aalipelenlaawe makholowaanyu woovahani.

2 aTesalonika 2:16

Apwiya Yeesu Kristu aneenaaya ni Mulukwaahu Atiithi, mwa Yoowo onisivenle ni onivanghe opepesa woohimala ni ororomela wooreera niwoko na mahala,

2 Timootheyo 4:22

Apwiya ekhale ni munepaawo. Mahala ekhale ni nyuwo ootheene.

1 Yohaane 2:5

Yoowo oniiwelela nsu na Muluku onoonihera weera osivelawawe Muluku wookwaniheriwa vekhaikhai mwa Yoowo. Hiiho noosuwela weera nri mwa Yoowo:

1 Yohaane 3:1

Moone moota wa osivela aTiithi anisivenlaayano, mpaka niitthaniwaahu anamwane a Muluku! Ni nri anamwanaawe vekhaikhai. Tivawo amalapo ahinisuwenlaaya, niwoko khayaamusuwenle Muluku.

1 Yohaane 5:3

Niwoko mwa yeeyo wookhala osivela wa Muluku: wiiwelela malamulowaawe. Ni malamulowaawe khaahiyono oolemela.

2 Yohaane 1:6

Ni wu ti osivela: weera hiyo niiweleleke malamulowaaya. Ntoko nyuwo mwiiwalaanyu okhuma ompacereroni, nlamulo ti nna: weera nyuwo mweetteke moosivelani.

Ethupululo 2:17

Yaawo arino maaru, yiiwe yeeyo Munepa onleelaaya ikerexa! Wa namawina nkimvahe emana* yoovithiwa. Nkimvahetho nluku nootteela ni nsina nnyowani noolempwa mwemmo, noosuweleiya paahi ni yoowo onaakhela.

Ethupululo 22:14

Ooreelihiwa ti yaawo ankattha soowarasaya, weera ewere ophiya vamwirini wa okumi, ni weera evolowe musidadeni, eviraka mmilakoni.

Ethupululo 3:20

Moone, Miyo koheemela vamulako ni kineera: “Hoodi!” Akhala mukina oniiwa nsunaka ni onghula nsele, kinoovolowa ni kinimooca vamoha ni yoowo, ni owo ni Miyo.