Yohaane 14:16 - Emakhuwa Bible

¹⁶ Miyo nkaavekele Atiithi ni Awo eniyoovaheeni Namalaka mukina weera akhale ni nyuwo mahuku ootheene,

Yohaane 14:16 Iomraidhean Croise

Matheyo 28:20

mwaaxuttihaka wiiwelela sootheene Miyo koolamulenlaakani. Ni Miyo kinookhala ni nyuwo mahuku ootheene, mpaka ommaleloni wa ehuhu.”

Yohaane 14:14

Yeeyo nyuwo muneeraanyu mvekele mwa Nsinanaka, Miyo nkipake.”

Yohaane 14:18

Miyo nkirwa koohiyaani akwaasuni; nkoohokoleeleni.

Yohaane 14:26

Namalakatho, Munepa Wootteela Atiithi eneeraaya erumihe mwa Nsinanaka, ngwooxuttiheni itthu sootheene ni onuuwuupuxereni sootheene kooleenlaakani.

Yohaane 15:26

Namalaka awa, mwa Yoowo kineeraaka koorumiheleni wa Atiithi, Munepa wa ekhaikhai onrweela wa Atiithi, Owo onuukikhalele onamoona Miyo.

Yohaane 16:22

Enkhumelela hiihotho ni nyuwo: vano eri ehuhu yoothanana wa nyuwo, mene Miyo nkiwooneeni emaara ekina, ni nyuwo mmwihakalale ni khaawo aneera avenxe ohakalala iwo.

Yohaane 17:15

Nkindyoonttelela weera mwaavenxe mweelaponi ya vathi, mene weera ngwaakihe wa namatakhala.

Yohaane 17:20

Nivekelonaka khanihiyono paahi wa yaawo. Kindyoonttelelatho wa yaale eniikiroromele niwoko na mutthengaaya

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Yohaane 7:39

Owo aahima mwaha wa Munepa yeeraaya yaakhele yaawo animuroromela Yeesu. Mpaka ehuhuweene yeele Munepa nlelo weera ohinaaye ovahiwa, niwoko Yeesu khaanaaye ovuwihiwa.

Miteko 1:4

Ehuhu emoha, acaaka vamoha ni yaawo, aahaavaha nlamulo nna: “Muhivenye oYerusaleemu, mene muweherereke yoororomelihiwa ya Atithaka mwa yeeyo kooleenlaakani.

Miteko 13:52

Oohusera yaapwaherera esareiyeene ohakalala ni Munepa Wootteela.

Miteko 9:31

Ekerexa yaakhalano ehuhu ekina ya murettele oYudeiya, oGalileiya ni oSamariya wootheene. Eyo yaamwiipuhiha ni, elipihiweene ni Munepa Wootteela, yaandyeerereya atthu oororomela, yeettaka mowoovani Apwiya.

aRooma 14:17

Omwene wa Muluku khoohiyono yooca, naari yoowura, mene waakhuleliwa, murettele ni ohakalala mMunepani Wootteela,

aRooma 15:13

Muluku a nroromelo oosariheni ni ohakalala ni murettele wootheene nyuwo munroromelaka Yoowo, weera mwaatte munroromeloni niwoko na ikuru sa Munepa Wootteela.

aRooma 5:5

Ni oweherera wu khaninrowa wooceela, niwoko Muluku ooniyeehera osivelawawe mmurimanimwahu ni Munepa Wootteela Owo onivanghaawe.

aRooma 8:34

Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo.

aGalata 5:22

Vaheera yoowiima ya Munepa ti osivela, ohakalala, murettele, opixa murima, waahelela akina, murima wooreera, ororomeleya,

aFilipi 2:1

Vano, Kristu oolipiha mirimasanyu; osivelawawe woowoovahani opepesa; nyuwo mookhalano wiiwanana ni Munepaawe, mookhalano osivela ni ikharari,

2 aTesalonika 2:16

Apwiya Yeesu Kristu aneenaaya ni Mulukwaahu Atiithi, mwa Yoowo onisivenle ni onivanghe opepesa woohimala ni ororomela wooreera niwoko na mahala,

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.

1 Yohaane 2:1

Anamwanaaka, kinoolepelani itthu iya weera nyuwo muhittheke. Mukinatho attheka, nookhalano Namwaakiha vamoha ni Atiithi – Yeesu Kristu oororomeleya.

1 Yohaane 2:27

Vano, mwaha wa nyuwo, yoottikittheliwa mwaakhenlaanyu wa Munepa Wootteela enkhala mwa nyuwo, ni khoontthuneya weera ooxuttiheni mukina. Ntoko yoottikitthela ela ya ekhaikhai ni yoohilokottha enooxuttihani mwaha wa itthu sootheene, mukhale mwa Muluku, ntoko eyo yooxuttinghaayani.

2 Yohaane 1:2

Ti ekhaikhai ela enkhala mwa hiyo, ni eniikhale ni hiyo mahuku ootheene.