Yohaane 13:8 - Emakhuwa Bible

⁸ Pedru aaheera: “Hoye! Khamurwa murapiha inaawosaka!” Yeesu aamwaakhula: “Miyo kaahirapiha, nyuwo khamunkhala mpattaaka.”

Yohaane 13:8 Iomraidhean Croise

Epacerero 42:38

Yakobe aamwaakhula: “Mwanaka kharowa vamoha ni nyuwo, niwoko amunnawaawe ahookhwa, ni ohanle yoola paahi. Yamukhumelela erisa munkwahani muneeraanyu mweette, nthowa nnikhale nawinyu weera namuuluvala ola akhwe moothananani.”

2 Samuweli 20:1

Vanonto aakhalawo mulopwana mmoha ookukureya iitthaniwa Xeba, mwaana mulopwana a Bikeri, muBenyamini. Aahiipa nipalapatta akhuwelaka: “Khaninono mpatta wa Davide! Mwaana mulopwana a Yixai khannimpwattha! Khula muYixrayeli aroweke owaani!”

1 Mamwene 12:16

aYixrayeli ootheene yoonakaru weera mwene khaatthuna owiiwa, yaamwaakhula: “Kheewo enaattamme ni Davide, mwaana mulopwana a Yixai! Muroweke oheemaniwanyu aYixrayeli! Mwiipasoope vaatewanyu, ekhapira ya Davide!” Vano aYixrayeli yaarowa mmawannyaya.

Icipo 51:2

Mukirapihe wa soonanarasaka sootheene ni mukitteelihe wa sootthekasaka.

Icipo 51:7

Mukitteelihe ni hisopo* ni kinootteeliheya; mukirapihe ni kinookhala ootteelaxa opwaha etthabwe.

Yesaya 4:4

Yave onoorapiha ohitteela wa asithiyana a oSiyoni; onootteeliha ephome eyeehiwe oYerusaleemu ni munepa wa othoriha ni wa mooro.

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Zakariya 13:1

“Vanihukuni nenenenno anaattuuttu anoopiluwela ekhapira ya Davide ni amaki a oYerusaleemu weera yaatteelihe mwa soottheka ni soohitteela.

Matheyo 16:22

Pedru amwiitthanaka Yeesu okhwipi, aapacera omooperera: “Hoye Apwiya! Iyo khasiweereelani!”

Matheyo 21:29

Ni owo aamwaakhula: ‘Nkintthuna.’ Vahoolotho vakhaani aaceendya soowuupuwelasawe ni aarowa.

Matheyo 26:33

Pedru aamwaakhula: “Hata ootheene yoohiyeeni, miyo nkinoohiyani!”

Matheyo 26:35

Pedrutho aaheera: “Hata otthuneyaka weera miyo kikhwe vamoha ni Nyuwo, miyo nkinoorunani.” Ni oohusura akina ootheene yaaheeratho yeeyo.

Yohaane 13:6

Aaphiya wa Simeyoni Pedru aamweerenle: “Apwiya mmwirapihe inaawosaka?”

Yohaane 13:9

Simeyoni Pedru aamwaakhula: “Vano Apwiya, khasihiyono paahi inaawosaka, menetho matataaka nitho muruwaaka.”

Yohaane 3:5

Yeesu aamwaakhula: “Kinooleelani ekhaikhai: khaawo ongwera ovolowa moomweneni wa Muluku owo ahiyariwe wa maahi ni wa Munepa.

Miteko 22:16

Vano, heeni mumpisaanyu? Muvenye, mupatisiwe ni murapihe sootthekasanyu, mwiitthanaka Nsinanawe.’

1 aKorinto 6:11

Hiiho yaari akina a nyuwo. Mene nyuwo moorapihiwa, mootteelihiwa, mohaakhuleliwa ni Muluku mwa Nsina na Apwiya Yeesu Kristu ni mwa Munepa wa Mulukwaahu.

awEfeso 5:26

weera atteelihe, arapihaka ni maahi niwoko na masu,

Deuteronomiyo 12:12

Mwahakalalewo ohoolo wa Yave Mulukwaanyu – nyuwosa, anamwaniinyu asilopwana ni asithiyana, ipotthasanyu asilopwana ni asithiyana ni aLeevi ankhala mmittetthenimwanyu mwa yaawo ahikhanleno elapo hoye hoye yoohiyeriwa.

aKolosi 2:18

Muhimuhiye mukina oniixeera oowiiyeviha ni onaalapa andyelo awooceelihakani owina ntthuvelo. Mutthweene yoowo onthaliha nnenesene nyoonelosawe ni soowuupuwelasawe sa erutthu sinthatuwa soowiixoona.

aKolosi 2:23

Ikano seiyo sookhalano wiixeera wa miruku, niwoko siniixeera moota wa ediini, wa wiiyeviha ni wa wiixuumaaliha erutthu. Vaheera iyo khasimvareleya muteko, niwoko khasingwera olamula soohaawela sa erutthu.

Titu 3:5

Owo oonivuluxa ni otteelihiwa wa oyariwa wanaaveeli, ni orehereriwa wa Munepa Wootteela, ohikhanle niwoko na miteko sa ekhaikhai naapankaahu, mene niwoko na ikhararisawe.

aHeberi 10:22

Tivawo, nimwaattamele Muluku ni murima wa ekhaikhai ni noosareya ni nroromelo, nikhalanaka mirima soomisiwa sa mathowa, ni nikhalanaka irutthusahu soorapihiwa ni maahi ootteela.

Ethupululo 1:5

ni wa Yeesu Kristu ori Namoona oororomeleya, Ntthaara mwa anamakhwa, Namalamula a mamwene a elapo yootheene. Wa Yoole onnisivela ni onivulunxe wa sootthekasahu niwoko na ephomaawe, ni

Ethupululo 7:14

Miyo kaamwaakhula: “Apwiya nyuwo moosuwela.” Mutokweene ole eenre: “Awo ari yaawo avinre moosoondiwani otokotoko ni yaakattha mikaandyosaya ni yaatteeliha iyo mwa ephome ya Eputtiputthi.