Yohaane 13:4 - Emakhuwa Bible

⁴ Hiiho Yeesu aavenya vameesa, aakuxa mukaandyowaawe ni aahiitthukela etuwaaliya muyuununi.

Yohaane 13:4 Iomraidhean Croise

2 Mamwene 3:11

Vaheera Yehoxafati aamukoha: “Weeraka khawowo va mprofeeti a Yave weera nimukoherere Yave mwa yoowo?” Mutokweene mmoha a anakhotto a mwene a oYixrayeli aamwaakhula: “Elixa, mwaana mulopwana a Xafati, ori va. Aari namakhavihera a Eliya.”

Luuka 12:37

Ooreelihiwa ti arumeiyi awo apwiyaaya yaaphiyakaru eneeraaya yaaphwanye elipelelaka. Miyo kinoororomelihani weera apwiya ale eniiwarele yoorumeela, eniyaakilaathihe vameesa ni eniyaarumeele.

Luuka 17:7

Noone ha mukina a nyuwo akhalanneene murumeiyi alimaka, naari mukukhuli awehawehaka ikhondoolo. Vano, owo aaphiyaka akhumaka omatta, anaamweerele: Oweke ni okilaathi weera oce?

Luuka 17:8

Hoye! Anaamweerele ha: ‘Opake yoocaaka, oolikanyihe ni okirumeele miyo kicaaka ni kiwuraka. Kaamalihaka, weyotho oceeke ni owureke.’

Luuka 22:27

Vano, taani mutokweene: yoole ori vameesa, hoye hoye yoole onrumeela? Khahiyono yoole ori vameesa? Miyotho kiri variyariwanyu ntoko yoole onrumeela.

Yohaane 13:12

Amalihaka orapiha inaawosaya, Yeesu aawara mukaandyowaawe ni aahokoleela vanipuroniwawe. Vano aahaakoha: “Nyuwo mohiiwexexa yeeyo Miyo koopakenlaakani?

2 aKorinto 8:9

Nyuwo moosuwela mahala a Apwiyaahu Yeesu Kristu, weera arookhalaru oopuha, yaahiipaka oohaawa weera, niwoko na ohaawawaya, nyuwo muthatuwe oopuha.

1 Yohaane 3:11

Ola mutthenga nyuwo mwiiwalaanyu okhuma ompacereroni: weera nisivelane mukina ni mukhwaawe.