Yohaane 12:49 - Emakhuwa Bible

⁴⁹ Vano nkiixuulumenle muneenaaka, mene Atiithi akiruminghe yaakilamulela yoohima ni yoowuuluma.

Yohaane 12:49 Iomraidhean Croise

Yohaane 14:10

Nyuwo khamunroromela weera Miyo kiri mwa Atiithi ni Atiithi mwa Miyo? Masu kinooleelaakani khaahiyono awaka. Ohiyanawaya, ti Atiithi ankhala mwa Miyo ankwanihera mutekwaaya.

Yohaane 14:24

Yoole ohinkisivela Miyo, khaniiwelela maswaaka. Masu ala nyuwo muniiwaanyu khaahiyono awaka; ari a Atithaka akiruminghe.

Yohaane 14:31

Wa soothesene, elapo ya vathi entthuneya osuwela weera kinaasivela Atiithi ni kimpaka nnenesene yeeyo Atithaka akilamulenlaaya. Muvenye ni nrowe.

Yohaane 15:15

Nkingwiitthanani arumeiyi niwoko murumeiyi khansuwela yeeyo Apwiyaawe ampakaaya. Ohiyanawaya, Miyo kingwiitthanani asinthamwenaaka, niwoko sootheene kiiwalaaka wa Atithaka, Miyo kohoosuwelihani.

Yohaane 17:8

Miyo kohaaleela masu mukivanghaanyu ni awo ahaakhulela. Mwa yeeyo awo ansuwela vekhaikhai weera Miyo kirwiiye wa Nyuwo, ni yaaroromela weera mwaakiruma.

Yohaane 3:11

Kinoororomelihani weera hiyo ninuuluma sa yeeyo ninsuwelaahu ni ninkhalela onamoona sa yeeyo nnoonaahu, hata hiihotho, mulokwaanyu khoonaakhulela onamoonaahu.

Yohaane 3:32

Owo onkhalela onamoona yeeyo oonnaawe ni iiwalaawe, mene khaawo anaakhulela onamoonaawe.

Yohaane 5:19

Yeesu aaweerela: “Miyo kinooleelani vekhaikai weera Mwaana khangwera opaka etthu muneenaawe. Paahi ongwera opaka yeeyo owoonenlaawe Atithawe epakaka niwoko yeeyo Atiithi ampakaaya, Mwaana onoopakatho.

Yohaane 5:30

Miyo nkingwera opaka naari etthu muneenaakaru. Kinthoriha paahi ntoko kiniiwaaka ni nthorihelonaka ti na ekhaikhai niwoko nkinaasaasa wiisiveliha, mene waasiveliha Yaale yaakirumihale.

Yohaane 6:68

Simeyoni Pedru aamwaakhula: “Apwiya, wa taani nneeraahu nirowe? Nyuwo murino masu a okumi woohimala.

Yohaane 7:16

Yeesu aawaakhula: “Nihusihonaka khanihiyono nawaka muneenaaka. Ningwa wa Yaale akirumihale.

Yohaane 8:26

Kookhalano masu mancipale weera kihime wa nthorihelonanyu, mene Yaawo akiruminghe amphwanela ororomeliwa, ni Miyo kinghima wa elapo ya vathi paahi yeeyo kiiwalaaka wa Yaawo.”

Yohaane 8:28

Vano Yeesu aaweerela: “Nyuwo mwaamuttukhulaka Mwaana a mutthu, mmwisuwele weera Miyo kiri, ni kheewo kimpakaaka ya muneenaakaru. Vekhaikhai, kinuuluma yeeyo paahi Atiithi akixuttinghaaya.

Yohaane 8:42

Yeesu aaweerela: “Muluku aari atithinyu, nyuwo mwaamukisivela niwoko Miyo kaawiiye wa Muluku, ni vaanaano kiri va. Miyo nkiwiiye wa muneenaakaru, mene wa Awo akiruminghe.

Deuteronomiyo 18:18

Kinimwaavahasa mprofeeti ntoko nyuwo variyari wa axunnaya kihelaka maswaaka mmwaanomwawe ni owo onimwaathalihera sootheene kineeraaka kimulamulele.

Ethupululo 1:1

Ethupululo ya Yeesu Kristu, Muluku aamvanghaawe weera awoonihere arumeiyaawe mwaha wa seiyo sineera sikhumelele woowaakuveya. Amurumihelaka ndyelowaawe, Owo aamusuweliha murumeiyaawe Yohaane,