Yohaane 12:42 - Emakhuwa Bible

⁴² Hata hiiho, asitokweene ancipale yaamuroromela Yoowo. Khayaalapatho nroromelonaya niwoko na aFarisi*, yoovaka woomoliwa muSinagogani*.

Yohaane 12:42 Iomraidhean Croise

Masu a Miruku 29:25

Yoowo ommoova mutthu ommorela mmuraakhoni, vaheera yoowo onimuroromela Yave ori oolipeene.

Yesaya 51:7

Mukiiwe nyuwosa munsuwela yeeyo eri ya ekhaikhai, nyuwosa munkhalano nlamulonaka mmurimanimwanyu. Muhoove ohiiha wa atthu hata woopopihiwa ni oruwanawaya.

Yesaya 57:11

Yaawoopopihani ni yoothukumelihani taani weera nyuwo mukilokotthe, muhikuupuwelelaka hata muhitthokelelaka yeeyo mmurimanimwanyu? Weeraka mwahaakoovela niwoko kiroomaalaxa?

Yesaya 66:5

Mwiiwe masu a Yave, nyuwosa munthukumela woowiiwa maswaawe: “Axunninyu anoothanyani ni anookhoottani niwoko na Nsinanaka yaaheera: ‘Yave avuwihiweke weera noone ohakalalawanyu!’ Wa soothesene, awosa eneera yuulihiheye muru.

Yeremiya 38:19

Mwene Zedekiya aamweerela Yeremiya: “Kingwoova aYuda anaakhavihera aBabiloniya, niwoko apaale aBabiloniya anookinnyerera mmatatanimwaya, ni awosa anookihasula.”

Matheyo 10:32

Yoowo onkilapa Miyo variyari wa atthu, Miyo nkimuromoletho yoowo ohoolo wa Atithaka ari wiirimu.

Luuka 12:8

Miyo kinooleelani: ootheene onkilapa vamaithoni wa atthu, Mwaana a mutthutho anaamuromole vamaithoni wa andyelo a Muluku.

Luuka 23:13

Pilatu aahaathukumanyiha ahooleli a asaserdoti*, atthu anlamula nitho muloko,

Luuka 6:22

Ooreelihiwa nyuwo atthu yoothanyani, yawoomolani, yooruwanani ni yanyohola nsinananyu ntoko nsina noonanara niwoko na Mwaana a mutthu.

Yohaane 11:45

Ancipale a aYuda yaarwiiye omuxekura Mariya, yoonaka yeeyo Yeesu aapankaawe, yaamuroromela.

Yohaane 12:11

woonaka weera niwoko na yoowo ancipale yaahaahiya aYuda emuroromelaka Yeesu.

Yohaane 16:2

Nyuwo mmoomoliwe muSinagogani*. Vekhaikhai, eniiphiye ehuhu yaawo eneera ewiiveeni, eniyuupuwele weera animurumeela Muluku epakaka yeeyo.

Yohaane 19:38

Vahoolowaya Yoseefe a wAramiteiya aamvekela Pilatu muttembo wa Yeesu. Yoseefe aari oohusera a Yeesu, mene a muxiirini niwoko aangwoova aYuda. Aahoowa ni etthunihero ya Pilatu, anakuxa muttembo, anarowano.

Yohaane 3:2

Owo aahoowa wa Yeesu ohiyu eeraka: “Muhusiha, noosuwela weera Nyuwo Muhusiha ongwa wa Muluku, niwoko khaawo ongwera opaka ineneero sootikhiniheya Nyuwo mumpakaanyu, Muluku ahikhanle ni yoowo.”

Yohaane 7:13

Khaawotho yuuluma mwaatthuni sa Yoowo niwoko na owoova aYuda.

Yohaane 7:31

Wa soothesene, ancipale a muloko wa atthu ancipale yaamuroromela Yoowo. Awo yaaheera: “Krisu aawaaka, anaapake ineneero sootikhiniheya soompwaha Mulopwana Ola ompakaawe?”

Yohaane 9:22

Asinaangolowaawe yeenre yeeyo ewoovaka aYuda, niwoko ale yaalakela weera mukina alapa weera Yeesu ti Kristu, anoomoliwe muSinagogani*.

Yohaane 9:34

Awo yaamwaakhula: “Weyo waayariwe oosareya yoottheka! Ontthuna onihusiha?” Vano yaamoomola.

Miteko 5:41

Arummwa yaavenya oSineedriyuni*, ehakalanleene yaaphwanelihiwa oyevihiwa niwoko na Nsina na Yeesu.

aRooma 10:10

niwoko ni murima munroromela weera mwaakhuleliwe ni Muluku, nitho ni eyano munlapa weera mvuluxiwe.

1 Yohaane 4:15

Akhala mukina onaakhulela mwaatthuni weera Yeesu ti Mwaana a Muluku, vano Muluku onkhala mwa yoowo ni owo mwa Muluku.

1 Yohaane 4:2

Nyuwo munoowera osuwela Munepa wa Muluku moota ola: Munepa wootheene onlapa weera Yeesu Kristu owiiye mweerutthuni, orwiiye wa Muluku.