Yohaane 10:36 - Emakhuwa Bible

³⁶ ankha Yoole Atiithi amutteelinghaaya ni amuruminghaaya mweelaponimu? Vano, heeni nyuwo munkootheraanyu weera kinooveiha keeraka weera kiri Mwaana a Muluku?

Yohaane 10:36 Iomraidhean Croise

Icipo 2:2

Mamwene a mweelaponi animvaanya Yave ni anamalamula anoomvaanelela Yoowo ni oottikittheliwaawe, yeeraka:

Yesaya 42:1

“Ola murumeiyaaka kinimukhaviheraaka; oothanliwaaka, mwa yoowo onkihakalaliha; mwa yoola kinoohela Munepaaka ni Owo onooruuhela miloko ekhaikhai.

Yesaya 42:3

Owo khasinsa ettheere yoowinteya, naari khacipiha mutthambo ontthuwaxa. Owo onookwanihera ekhaikhai moororomeleyani.

Yesaya 55:4

Moone, koompaka namoona a miloko, muhooleli ni namalamula a miloko.

Yeremiya 1:5

“Miyo kihinaaye woopakani mmirimani mwa amayinyu, kaahoosuwelani. Nyuwo muhinaaye oyariwa, Miyo kaahoothanlani ni kaahookhalihani ntoko mprofeeti wa miloko.”

Matheyo 27:43

Owo aamuroromela Muluku, vano Muluku amvuluxe amutthuna, niwoko Owo eenre: ‘Miyo ti Mwaana a Muluku.’”

Matheyo 27:54

Oonakaru kenturiyoni* ni yaawo yaamulipelenle Yeesu ni yoowo otetereiya ni sootheene seiye seereiye, yaahoova vancipale yeeraka: “Vekhaikhai, Ola aari Mwaana a Muluku.”

Luuka 1:35

Ndyelo aamwaakhula: “Munepa Wootteela onimoorweelani ni ikuru sa Musulusulu nsookhuneeleni ni erungwaawe. Hiiho, Yoole Ootteela anaayariwe, aniitthaniwe Mwaana a Muluku.

Yohaane 10:35

Hapo Muluku oowiitthana miluku yaale nnaarweela nsu na Muluku – ni Yoolempwa* kheenooceeleya –

Yohaane 17:18

Ntoko mwaakiruminghaanyu mweelaponi, hiihotho Miyo kohaarumiha mweelaponi.

Yohaane 17:21

weera ootheene ekhale mmoha, Tiithi, ntoko Nyuwo muraanyu mwa Miyo ni Miyo mwa Nyuwo, ni weera awo ekhaletho mwa Hiyo. Hiiho amalapo eniiroromele weera Nyuwo mwaakirumiha.

Yohaane 17:8

Miyo kohaaleela masu mukivanghaanyu ni awo ahaakhulela. Mwa yeeyo awo ansuwela vekhaikhai weera Miyo kirwiiye wa Nyuwo, ni yaaroromela weera mwaakiruma.

Yohaane 19:7

aYuda yaanyeserera: “Nookhalano nlamulo ni nlamulo nna ninnyeserera weera Owo akhwe niwoko aahiixeerela: ‘Mwaana a Muluku.’”

Yohaane 20:28

Tomaxi aamweerela: “Apwiyaaka ni Mulukwaaka!”

Yohaane 20:31

Iyatho silempwe weera nyuwo muroromele weera Yeesu ti Kristu, Mwaana a Muluku ni muroromelaka mukhalane okumi mwa Nsinanawe.

Yohaane 3:17

Muluku khaamurumihenle Mwanawe mweelaponi ya vathi weera athorihe, mene weera elapo evuluxiwe ni Yoowo.

Yohaane 3:34

Vano, Yoole Muluku omurummaawe, onuuluma masu a Muluku niwoko Owo onnavaha Munepa moota woohikhalano mwiinaano.

Yohaane 5:30

Miyo nkingwera opaka naari etthu muneenaakaru. Kinthoriha paahi ntoko kiniiwaaka ni nthorihelonaka ti na ekhaikhai niwoko nkinaasaasa wiisiveliha, mene waasiveliha Yaale yaakirumihale.

Yohaane 6:27

Muhivarele muteko yooca emmala, mene yooca enkhala mpaka mookumini woohimala, mwa yeeyo Mwaana a mutthu anoovaheeni. Muluku Atiithi aamvaha Yoowo eneneero ya waakhuleleya.”

Yohaane 6:38

Vano, kookhuruwa wiirimu khoohiyono opaka otthunawaka, mene otthuna wa Yaawo akiruminghe.

Yohaane 6:57

Mooteene yoowo Atiithi ankhalaaya ni okumi akirumihalaaya ni Miyo kinkhala niwoko na Atiithi, hiihotho yoole onca erutthwaaka anaakhale niwoko na Miyo.

Yohaane 6:69

Hiyo ninroromela ni noosuwela weera Nyuwo muri Ootteela a Muluku.”

Yohaane 8:42

Yeesu aaweerela: “Muluku aari atithinyu, nyuwo mwaamukisivela niwoko Miyo kaawiiye wa Muluku, ni vaanaano kiri va. Miyo nkiwiiye wa muneenaakaru, mene wa Awo akiruminghe.

aRooma 1:4

Owo aakhalihiwa Mwaana a Muluku ni ikuru sa Munepa wa ntteeliho niwoko na ovenyererawawe mookhwaani: Yeesu Kristu, Apwiyaahu.

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

aRooma 9:5

Anamwane a asitokweene oopacera a oYixrayeli ti awaya, ni mweerutthuni Kristu aari a ekhapiraaya. Muluku oopwaha itthu sootheene ooreelihiwa mahuku ootheene. Ame*.

aGalata 4:4

Yaaphiyalaaya ehuhu eneeneene, Muluku aamuruma Mwanawe, aayariwa mwa muthiyana, munlamuloni,