Yohaane 10:1 - Emakhuwa Bible

¹ Miyo kinoororomelihani weera yoole ohimvolowa munikhoolani na ikhondoolo aviraka vamulako, mene ongwela nipuro nikina, owo ti namwiiya ni mutakhali.

Yohaane 10:1 Iomraidhean Croise

Yeremiya 14:15

Tivawo Yave oneeraawe ha mwaha wa maprofeeti anthalihera masu a maprofeeti mwa Nsinanaka: Miyo nkaaruminghe, hata hiiho awosa aneera: ‘Kheewowo ekatana naari etala eneera etave elapo ela.’ Vano maprofeeti yaaweene animwiiviwa ni ekatana ni etala.

Yeremiya 23:21

Nkaaruminghe maprofeeti awo, mene awosa aarowa etthimakaka okuxa mutthengaaya; kihuulumme ni yaawo, mene awosa aathalihera otthuna wa Muluku.

Yeremiya 23:32

Vekhaikhai nkiniiwananano yaawo anthalihera sooloha soowootha,” oneera Yave. “Awo anghima ni anghapuxa mulokwaaka ni soowoothasaya soohimuteko. Miyo nkaaruminghe naari nkaalamulenle. Awosa khaanruuhelaru mureerelo muloko ola,” oneera Yave.

Yoweli 2:9

Siniivonyera musidade situphaka exiri. Simvolowa mpaani ntoko anamwiiya amvoleelaaya vaxanelani.

Matheyo 7:15

Mwiipasoope ni maprofeeti oolokottha. Awo angwa wa nyuwo ewanreene ixapala sa ikhondoolo, mene mpuwa ari miici soolumaxa.

Yohaane 10:7

Vano Yeesu aahima veeli: “Kinooleelani ekhaikhai: Miyo ti mulako wa ikhondoolo.

Yohaane 3:3

Yeesu aamwaakhula: “Kinooleelani ekhakhai: khaawo ongwera woona omwene wa Muluku owo ahiyariwetho wa osulu.”

aRooma 10:15

Ni eniilaleiye hai ehirumihiwe? Ntoko elempwalaaya: “Ti sooreeraxa inaawo sa yaale anlaleiya masu ooreeraxa!”

aRooma 16:18

Vano atthweene yaawo khaanimurumeela Kristu Apwiyaahu, mene soohaawelasaya asineenaaya. Ni masu oosiva ni ooreera omokoni awo anlokottha mirima sa atthu oohisuwela.

Titu 1:11

Vano, ontthuneya weera awo emaalihiwe, niwoko annanariha imusi sikina, exuttihaka itthu soohitthuneya niwoko na wiinlela mihakhu.

aHeberi 5:4

Khaawo omvara nttittimiho nna mwaneenaawe, mene ontthuneya wiitthaniwa ni Muluku ntoko iitthaniwaawetho Aharoni.

1 Pedru 1:10

Maprofeeti, mwa yaawo yuulumale sa mahala mwaakhenlaanyu, yaahaasa ni yaasomela ovuluwawene wu.

2 Pedru 2:1

Vano, yaakhumelela maprofeeti oolokottha variyari wa muloko, ntokotho eneeraaya ekhumelele maprofeeti oolokottha variyariwanyu. Awo eniiruuhe muxiirini mahusiho oolokottha oophwata, mpaka yaakhoottaka Apwiya anlamula sootheene, mwa Yaawo awooponle. Hiiho eniyiiruuhele ophwateyawaya woowaakuveya.

2 Pedru 2:3

Mwa mililisaya atthweene yaawo eniiwiiyeeni ni andiisi oolokottha. Mene okhuma khalayi othorihiwawaya waakhala vamoha ni yaawo, ni ophwateyawaya khoonkona.

1 Yohaane 4:1

Oosiveleya, muhiroromele sakhalaru minepa, mene musomele minepa weera moone iyo saawiiye wa Muluku, niwoko maprofeeti ancipale oolokottha aakhumelela mweelaponi.