Yohaane 1:3 - Emakhuwa Bible

³ Itthu sootheene saapattuxiwe ni Nsu nno. Kheewoworu etthu ekhanle nihipankaaya nenno.

Yohaane 1:3 Iomraidhean Croise

Epacerero 1:1

Ompacereroni Muluku aapattuxa erimu ni vathi.

Epacerero 1:26

Vano Muluku aahiixeerela: “Nimpattuxeke mulopwana niilikanxaka moota wooweera akhalaneke ekhalelowaahu. Alamuleke ihopa sootheene siri mphareiyani; ipalame sootheene sa wiirimu; inama soohuwiwa sootheene ni seiye sootheene siniipurula.”

Icipo 102:25

Ompacereroni mwaakhaliha mathipelo a elapo ya vathi ni wiirimu woopakiwa ni matataanyu.

Icipo 33:6

Erimu yaapattuxiwa ni nsu na Yave; ithenyerisaya saapattuxiwa ni iphumu sa eyanowaawe.

Masu a Miruku 8:30

Vano miyo kaari mukhwipimwawe ntoko namarattaawe ooweraxa. Khula nihuku kaari oosiveleyaawe ni kaahakalala woohihiyerera vamaithoniwawe.

Yesaya 45:12

Ti Miyo kipanke elapo ya vathi, kinaapattuxamo atthu. Matataaka ti akunge erimu; Miyo koolamulela ithenyeerisaya.

Yesaya 45:18

Vano Yave opattunxe wiirimu – Owo ti Muluku; Owo oopattuxa elapo ya vathi; ti yoowo oompe etthaya. Khaanse opattuxa, mene weera ekhaliwe. Vano Mulukweene Yoowo oneera ha: “Miyo ti Yave ni khawoworu mukina.

Yohaane 1:10

Owo aari mweelaponi, elapo epattuxiwe ni Yoowo, elapotho khayaamusuwenle.

Yohaane 1:2

Nno naari ni Muluku ompacereroni.

1 aKorinto 8:6

mene wa hiyo ookhala Muluku mmoharu paahi, Atiithi, mwa Yaawo sinkhumelela itthu sootheene, nitho wa Yaawo hiyo nnaakhalelaahu. Aritho Apwiya Yeesu Kristu amoharu paahi, mwa Yaawo saakhumelenle itthu sootheene, ni niwoko na Yaawo hiyo ninkhalaahu.

awEfeso 3:9

ni waathalihera ootheene mutekwaaya wa ntikhinelo nna, mwa nenno okhuma khalayi naahiipithihiwa mwa Muluku, mwa Yoowo opanke itthu sootheene.

aHeberi 11:3

Ni nroromelo ninniiwexexa weera ephattuwelo epattuxiwe ni nsu na Muluku, moota wooweera itthu soowooneya sikhumme mwa soohooneya.

1 Yohaane 5:1

Khula mutthu onroromela weera Yeesu ti Kristu, oyariwe wa Muluku, ni khula mutthu onaasivela Atiithi, onimusivelatho yoole oyariwe wa Muluku.

Ethupululo 3:14

“Wa ndyelo a ekerexa eri ya oLawodiseiya, mulepe: Awo ari masu a Ame*, Namoona oororomeleya ni a ekhaikhai, Namalamula a ephattuwelo ya Muluku.

Ethupululo 4:11

“Nyuwo moophwanela waakhela ovuwa, nttittimiho ni ikuru, Apwiya ni Mulukwaahu, niwoko moopattuxa itthu soothesene, ni iyo sinkhala ni sipakiwe niwoko na otthunawanyu.”