Yohaane 1:29 - Emakhuwa Bible

²⁹ Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

Yohaane 1:29 Iomraidhean Croise

Okhuma 28:38

Etthweene yeeyo ekhaleke vayuucini wa Aharoni ni anaakuxe nthowa na yakhalaru yoottheka aYixrayeli eneeraaya epahule mwaha wa sooveleelela sootteela. Ekhaleke vayuucini wa Aharoni mahiku ootheene weera aYixrayeli ekhale oowaakhuleliwa ni Yave.

Yesaya 53:10

Hata hiiho waari otthuna wa Yave omuhonona ni omuhooxa ni, Yave aaroopakaru okumaawe yooveleelela nthowa, Owo onimoona ekhapiraawe ni animwaandyeerereya mahukwaawe ni otthuna wa Yave onimweetteleya nnenesene mmatatanimwawe.

Yesaya 53:11

Vahoolo wa ohaawa wa munepaawe, Owo onimoona waara wa okumi ni onookhala oomaaleleya; ni mweesuweloni eyo, Murumeiyaaka oororomeleya onoopakiha weera ancipale yaakhuleliwe ni Muluku, akuxaka sootthekasaya.

Yesaya 53:7

Owo oohasuliwa ni oohooxiwa, mene khaahunle eyanowaawe; ntoko eputtiputthi eronghiwaka owiiviwani ni ntoko ekhondoolo emmaalaaya ohoolo wa anamametthaaya, hiihotho Owo khaahunle eyanowaawe.

Hoxeya 14:2

Oreherere yoohima ni ohokoleele wa Yave. Mumvekele ha: “Mulevelele sootthekasahu sootheene ni mukhararinimwanyu munaakhulele weera noovaheeni sootthapela sa iyanosahu ntoko imombe simveleeliwa.

Levitiku 10:17

“Muhikhuurenle heeni yooveleelela yoottheka vaNipuroni Nootteela*? Ti yooveleela yootteelaxa mvahiwaanyu weera mvenxe nthowa wa muloko murehererelaka wiiwanana ni Yave wa yoowo vamaithoniwawe.

Zakariya 13:1

“Vanihukuni nenenenno anaattuuttu anoopiluwela ekhapira ya Davide ni amaki a oYerusaleemu weera yaatteelihe mwa soottheka ni soohitteela.

Nuumeru 18:1

Yave aamweerela Aharoni: “Nyuwo, anamwaniinyu asilopwana ni emusi ya atithinyu, munookhalano nthowa na wakhalaru moota wa oveihiwa Nipuro Nootteela*. Nyuwo ni anamwaniinyu munookhalano nthowa mwa sakhalaru sooveiha sipakeiye mmutekoni wa esaserdoti.

Nuumeru 18:23

Ti yootthuneya ya aLeevi ovara muteko Muheemani ya Muthukumano* ni anookhalano nthowa na yakhalaru yoonanara eneera yeereiyemo. Ela ekano yoohimala wa ikhapira sootheene sineera sirwe. Awosa khayaakhelaru yoohiyeriwa eriyari ya aYixrayeli.

Nuumeru 21:9

Vano, Moisesi aapaka enowa ya ebronze*, anathomeya vanttoroni. Mukina aalummwaawe ni enowa ni aawehaawe enowa ya ebronze, aampwaherera ni okumi.

Nuumeru 7:27

mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

Nuumeru 7:39

mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

Matheyo 1:21

Owo anaamuyare Mwaana Mulopwana, ni nyuwo mmunttehe Nsinanawe Yeesu, niwoko anaavuluxe mulokwaawe mwa sootthekasaya.”

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

Yohaane 1:35

Oxaawaya Yohaane aaritho vaavaale vamoha ni eeli a oohuseraawe.

Yohaane 1:36

Amoonakaru Yeesu aviraka, aaheera: “Mmoone – Ola Eputtiputthi ya Muluku!”

Yohaane 1:43

Oxaawaya Yeesu aahuupuwela orowa oGalileiya. Aamphwannyaawe Filipe, aamweerela: “Mukitthareke.”

Yohaane 2:1

Vano, vanihukuni nanaararu waakhala okwatti oKana oGalileiya. Amayawe Yeesu yaari weiwe.

Yohaane 3:16

Vano Muluku aasivela elapo ya vathi moota wooweera aamvahalaawe Mwanawe mmoharu weera atthu ootheene animuroromela Yoowo kheeriheya, mene anookhalano okumi woohimala.

Yohaane 4:42

Yaamweerela muthiyana: “Vano hiyo khaninroromela niwoko na maswaanyu paahi, mene niwoko noomwiiwa asineenaahu ni noosuwela weera Owo ti Mvuluxa a ekhaikhai a elapo ya vathi.”

Yohaane 6:51

Miyo ti Yooca ya okumi yaakhurungwe wiirimu. Mukina aneera ace Yooca ela, anaakhale ni okumi mahuku ootheene. Yooca ela ti erutthwaaka kineeraaka kivahe weera elapo ya vathi ekhale ni okumi.”

Miteko 13:39

Niwoko na Yoowo, khula mutthu onroromela, ohooniwa weera khanono nthowa wa sootheene seiyo nlamulo na Moisesi nahaaweraaya onilevelela.

Miteko 8:32

Mulopwana owo aamweera osoma mpatta ola wa Yoolempwa*: “Aakuxiwa ntoko ekhondoolo enronghiwa vanipuroni na wiiviwa, ni ntoko eputtiputthi yoomaala vamaithoni wa namamettha, Owo khaahunle eyanowaawe.

1 aKorinto 15:3

Vano yeeyo kaakhenlaaka, miyotho kohooleelani ntoko etthu yoopacera ottittimiheya: weera Kristu okhwenle sootthekasahu ntoko Yoolempwa ehimalaaya,

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aGalata 1:4

yinnyerenre okumaaya wa sootthekasahu weera enoopole hiyo wa ehuhu ela yoonanara. Yaapaka yeeyo niwoko na otthuna wa Muluku Atithihu.

aGalata 3:13

Kristu oonivuluxa munlaphoni na malamulo, athatuwaka nlapho vanipuroniwahu, niwoko yoolempwa: “Oolaphiwa ti ootheene yaale athomeiwale vamuttandani.”

1 Timootheyo 2:6

mwa Yoowo iilenve mwaneenaawe weera awoopole atthu ootheene – onamoona waavahiwe ehuhu yootthuneya.

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

aHeberi 1:3

Mwaana ori otutha wa ovuwa wa Muluku, ni ethoonyeroweene yeeyo ya mukhalelo wa Muluku, akhalihaka sootheene ni ikuru sa nsunawe. Aakwanihenraawe otteelihiwa wa yoottheka, aakilaathi moono mulopwana wa ovuwa wa musulusulu.

aHeberi 2:17

Tivawo waatthuneya weera Owo aathatungwe ntoko axunneiye mmakhaleloni ootheene, weera akhale Mutokweene a asaserdoti* a ikharari ni oororomeleya mmutekoni mwa Muluku, ni weera iiraanyihe soottheka sa muloko.

aHeberi 9:28

hiihotho Kristu oovahereriwa ntoko Yooveleela emaara emoha paahi weera avenxe soottheka sa ancipale. Anaawe emaara yanaaveeli, ohikhanle ovenxa soottheka, mene weera aaruuhele ovuluwa yaawo aningweherera.

1 Pedru 1:19

mene ni ephome yootthuneyaxa ya Kristu, ntoko ya eputtiputthi yoohikhala ni nlepa, naari yoohirakala.

1 Pedru 2:24

Owo mwaneenaawe aavilela mweerutthuni sootthekasahu vamuttandani weera hiyo nikhwe wa soottheka, mene nikhale ni okumi wa ekhaikhai ya Muluku. Niwoko na makhwattaawe nyuwo moolamihiwa.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

1 Yohaane 2:2

Owo onooponle weera sootthekasahu sikhale sooleveleliwa, ni khasihiyono paahi sootthekasahu, menetho soottheka sa elapo ya vathi yootheene.

1 Yohaane 3:5

Nyuwo moosuwela weera Owo iixoonihenre weera avenxe sootthekasahu, ni mwa Yoowo khasiwowo soottheka.

1 Yohaane 4:10

Mwa yeeyo wookhala osivela: khoohiyono weera hiyo noomusivela Muluku, mene weera Owo oonisivela ni aamurumiha Mwanawe ntoko woopola wa sootthekasahu.

Ethupululo 1:5

ni wa Yeesu Kristu ori Namoona oororomeleya, Ntthaara mwa anamakhwa, Namalamula a mamwene a elapo yootheene. Wa Yoole onnisivela ni onivulunxe wa sootthekasahu niwoko na ephomaawe, ni

Ethupululo 12:11

Awo yaamuwina ni ephome ya Eputtiputthi, ni ni masu a onamoona akhalenlaaya. Awo khayaakhoontte oleva okumaaya asineenaaya.

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.

Ethupululo 14:1

Vano kaaweha, ni ohoolowaka yaaheemela Eputtiputthi vamwaakoni oSiyoni, ni vamoha ni Yeeyo atthu 144 000, vayuuciniwaya yaalempwale nsina na Eputtiputthi ni na Atithaya.

Ethupululo 14:10

anaawuretho eviinyu ya isara sa Muluku, mwa yeeyo emiiniwe yoohitakanseriwa ekoomixi ya isarasawe. Anaattaruxiwe ni enxofre* emvarela ohoolo wa andyelo ootteela ni Eputtiputthi.

Ethupululo 14:4

Awo ti yaawo ahiivalihale ni asithiyana, niwoko khayaakonanne asithiyana, ni antthara Eputtiputthi weiwo entthunaaya orowa. Yaathummwale variyari wa atthu ni yaavahiwa wa Muluku ni Eputtiputthi ntoko mpatta woopacera wa yaale oororomela.

Ethupululo 15:3

ni yaahiipa ecipo ya Moisesi, murumeiyi a Muluku, ni ecipo ya Eputtiputthi: “Sitokotoko ni sootikhiniheya siri mitekosanyu, Apwiya Muluku a ikuru sootheene. Soowookowa ni sa ekhaikhai siri iphirosanyu, Mwene a ilapo.

Ethupululo 17:14

Eniiwane ni Eputtiputthi, mene Eputtiputthi eniiwine, niwoko eri Apwiya a asipwiiya ni Mwene a mamwene ni oowiitthaniwaaya, oothanliwaaya ni oororomeleyaaya eniikhale vamoha ni Eyo.”

Ethupululo 19:7

Nitteeliwe murima, nihakalale ni nimvuwihe, niwoko yoophiya ehuhu ya othelana wa Eputtiputthi, ni ootthomeriwaaya ohiireherera.

Ethupululo 19:9

Ndyelo aakeerela: “Mulepe: Ooreelihiwa ti oowiitthaneliwa efesta ya othelana wa Eputtiputthi.” Aaheeratho: “Ala ti masu a ekhaikhai a Muluku.”

Ethupululo 21:14

Exiri ya esidade yaarino mathipelo muloko ni meeli, ni vasuluwaya yaari masina a arummwa muloko neeli a Eputtiputthi.

Ethupululo 21:27

Mwa yeeyo kheerwa evolowa etthu yoohitteela, hata mukina ompaka etthu yoowuuliha muru, naari yoolokottha, mene paahi yaawo masinaaya alempwale mulivuruni ya okumi ya Eputtiputthi.

Ethupululo 21:9

Mmoha a andyelo athanneeli yaarino ikoomixi ithannapiili soosareya ni soohooxa ithannapiili sookisera aakaattamela, anakeerela: “Ngweeke, kinoowooniherani otthomeriwe, mwaara a Eputtiputthi.”

Ethupululo 5:6

Kaahoona Eputtiputthi yaakhala ntoko yoowiiviwa, yeemenleene eriyari ya ehice yaarukureeriwe ni ikhalelo ixexe sa okumi ni asitokweene. Eyo yaarino manyaka mathannameeli ni maitho mathannameeli ari minepa mithannamiili sa Muluku soorumiheliwa elapo yootheene.

Ethupululo 5:8

Yaakhelaka, ikhalelo ixexe sa okumi ni asitokweene miloko miili naaxexe yaakokhorela ohoolo wa Eputtiputthi. Khula mutthu a yaale aakhalano makita ni nyaapu soopakiwa ni eyuuma yoorikaxa soosareya ni mwiixi woowunkhela, mwa yoowo ori mavekelo a atthu ootteela,

Ethupululo 6:1

Kaaweha Eputtiputthi yaahunlaaya ewalelo* yoopacera ya ithannapiili. Vano kaahiiwa ekhalelo ya okumi emoha yeera ni nsu ntoko etari: “Ngweeke!”

Ethupululo 6:16

Awo yaakhuwelela nyaako ni nyala: “Munimorele ni munivithe wa ekhove ya Yoole okilaathiye vahiceni ni wa isara sa Eputtiputthi!

Ethupululo 7:14

Miyo kaamwaakhula: “Apwiya nyuwo moosuwela.” Mutokweene ole eenre: “Awo ari yaawo avinre moosoondiwani otokotoko ni yaakattha mikaandyosaya ni yaatteeliha iyo mwa ephome ya Eputtiputthi.

Ethupululo 7:17

niwoko Eputtiputthi eri eriyari ya ehice eniikhale Mukukhulaaya. Eyo eniweettihe wa anaattuuttu a maahi makumi. Ni Muluku anaawuukutthe mmaithonimwaya maithori ootheene.”