Yohaane 1:14 - Emakhuwa Bible

¹⁴ Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 1:14 Iomraidhean Croise

Icipo 2:7

Kinoolaleiya ekano ya Yave. Owo ookeerela: “Weyo mwanaka; olelo kohooyara.”

Icipo 45:2

Nyuwo ti mutthu oosuwanyeyaxa ni eyanowaanyu yoottikittheliwano mahala, eenre Muluku ooreelihani mahuku ootheene.

Icipo 85:9

Vekhaikhai ovuluxawawe ori vakhiviru wa yaale animoova ni ovuwawawe onookhala mweelaponimwahu.

Yesaya 40:5

Vano ovuwa wa Yave onimooniheriwa ni omutthu wootheene onimoona. Vanonto, ohimale ti Yave.”

Yesaya 53:2

Owo unnungwe ohoolowawe ntoko niphuwa nikhaanene ni ntoko mukwankhwaari vatthayani yoowuumelela. Owo khaaphwaneliwaru hata khaattittimiheya weera nimusivele, veekhalelonivawe khayaariworu etthu yoonihaaweliha yoowo.

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Ezekiyeli 37:27

Wookhalawaka onuukhale ni yaawosa; Miyo kinookhala Mulukwaayasa ni awosa anookhala mulokwaaka.

Matheyo 1:16

Yakobe aamuyanre Yoseefe, aiyawe Mariya, mwa yoowo aayariwa Yeesu oniitthaniwa Kristu.

Luuka 2:11

Olelo, musidadeni ya Davide, mooyareliwa nyuwo Mvuluxa ori Kristu, Apwiya.

Luuka 2:7

ni Mariya aamuyara Mwaana Mulopwana a ntthaaranawe. Aamvitikelela ikuwo ni aamwiikaathi munikhoolani, niwoko khanaariwo nipuro wa yaawo mpaani mwa aletto.

Luuka 9:32

Pedru ni asikhwaawe yaamooseela, ni evenyaka, yaahoona ovuwa wa Yeesu ni atthu eeli yaari ni Yoowo.

Yohaane 1:1

Ompacereroni naari Nsu, ni Nsu naari ni Muluku, ni Yooweene aari Muluku.

Yohaane 11:40

Yeesu aamweerela: “Miyo nkooleenleni weera mwaroromela, munimoona ovuwa wa Muluku?”

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Yohaane 14:9

Yeesu aamwaakhula: “Miyo kanneetta ni nyuwo ehuhu yincipale ni orookhalaru hiiho nyuwo khamukisuwenle Miyo, Filipe? Yoowo onkoona Miyo, ongwoonatho Atithaka. Heeni nyuwo muneeraanyu: ‘Munoonihere Atiithi’?

Yohaane 17:22

Kohaavaha ovuwa mwaakivanghaanyu weera awo ekhale mmoha ntoko Hiyo nraahu mmoha:

Yohaane 17:24

Tiithi, kintthuna weera awo mwaakivanghaanyu ekhale vamoha ni Miyo weiwo kiraakawo, ni weera yoone ovuwawaka, ovuwa mwaakivanghaanyu, niwoko mwaakisivela ehinaaye ephattuwelo ya elapo ya vathi.

Yohaane 18:37

Pilatu aamweerela: “Vano Nyuwo Mwene!” Yeesu aamwaakhula: “Muneera weera kiri Mwene. Vanonto, ti niwoko na yeeyo kiyariwaaka ni kirweenlaaka mweelaponimu: weera kikhalele onamoona ekhaikhai. Ootheene ari a ekhaikhai, anookiiwa.”

Yohaane 2:11

Eneneero ele yootikhiniheya oKana oGalileiya yaari yoopacera Yeesu aapankaawe. Hiiho aathupulula ovuwawawe ni oohuseraawe yaamuroromela.

Yohaane 3:16

Vano Muluku aasivela elapo ya vathi moota wooweera aamvahalaawe Mwanawe mmoharu weera atthu ootheene animuroromela Yoowo kheeriheya, mene anookhalano okumi woohimala.

Yohaane 3:18

Yoowo onimuroromela khanthorihiwa, mene yoowo ohinimuroromela, oothorihiwa niwoko na ohiroromela mwa Nsina na Mwaana mmoharu a Muluku.

Yohaane 6:51

Miyo ti Yooca ya okumi yaakhurungwe wiirimu. Mukina aneera ace Yooca ela, anaakhale ni okumi mahuku ootheene. Yooca ela ti erutthwaaka kineeraaka kivahe weera elapo ya vathi ekhale ni okumi.”

Yohaane 8:32

Vano mmwisuwele ekhaikhai ni ekhaikhai eniyootapuxeni.”

Miteko 13:33

oonikwaniherela hiyo, anamwanaawe, amvenyererihaka Yeesu ntoko elempwalaaya ecipo yanaaveeli: ‘Weyo ti Mwanaka. Olelo kohooyara.’

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

aRooma 9:5

Anamwane a asitokweene oopacera a oYixrayeli ti awaya, ni mweerutthuni Kristu aari a ekhapiraaya. Muluku oopwaha itthu sootheene ooreelihiwa mahuku ootheene. Ame*.

1 aKorinto 15:47

Mulopwana oopacera aari a ntthupi na etthaya; anaaveeli a wiirimu.

2 aKorinto 12:9

mene Awo yannakeerela: “Mahalaaka anookwanelani, niwoko ikurusaka sookwaniheriwa mwa ohilipawanyu. Tivawo nkiivuwihe ni ohakalalaxa mwa ohilipawaka, weera ikuru sa Kristu sikhale mwa miyo.

aGalata 4:4

Yaaphiyalaaya ehuhu eneeneene, Muluku aamuruma Mwanawe, aayariwa mwa muthiyana, munlamuloni,

awEfeso 3:8

Kiri mweeraru kireene ooyevaxa variyari wa ootteela, koovahiwa mahala ala oowaalaleera amalapo mihakhu soohaalikeleya sa Kristu,

aKolosi 1:19

Vano, aasivelihiwa Muluku weera ekwanihero yootheene ekhale mwa Yoowo,

aKolosi 2:3

Mwa Yoowo soovithiwa mihakhu sootheene sa miruku ni sa esuwelo.

aKolosi 2:9

Vano, mwa Kristu enkhala ekwanihero yootheene ya omuluku mweerutthuni,

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

aHeberi 1:3

Mwaana ori otutha wa ovuwa wa Muluku, ni ethoonyeroweene yeeyo ya mukhalelo wa Muluku, akhalihaka sootheene ni ikuru sa nsunawe. Aakwanihenraawe otteelihiwa wa yoottheka, aakilaathi moono mulopwana wa ovuwa wa musulusulu.

aHeberi 1:5

Vano, Muluku khanamweerele naari ndyelo mmoha: “Weyo ti Mwanaka; olelo kohooyara,” naari: “Miyo nkikhale Atithawe ni Owo anaakhale Mwanaka.”

aHeberi 10:5

Tivawo, Kristu awaaka mweelaponi, aaheera: “Yooveleela ni yoovaha khamwaatthunne, mene mwaakirehererela erutthu.

aHeberi 2:11

Vano, Yoowo ontteeliha ni yaawo antteelihiwa, anrweela wa mmoha paahi. Tivawo Yeesu khanuuliwa muru woowiitthana axunneiye.

aHeberi 5:5

Mooteene yoowo, Kristu khaavanre mwaneenaawe ovuwa wa okhala Mutokweenexa a asaserdoti*, mene Muluku aamweerela: “Weyo ti Mwanaka; olelo kohooyara.”

1 Yohaane 4:14

Nohoona ni ninkhalela onamoona weera Atiithi yaamurumiha Mwaana weera akhale Mvuluxa a elapo ya vathi.

1 Yohaane 4:9

Ti hiiho Muluku oonihenraawe osivelawawe variyariwahu: Aamurumiha Mwanawe mmoharu wa elapo ya vathi weera nikhale niwoko na Yoowo.

2 Yohaane 1:7

Wa hiihaawo, anamalokottha ancipale aakhumelela mweelaponi ya vathi, mwa yaawo khaanaakhulela weera Yeesu Kristu aarwiiye mweerutthuni. Yoole ti namalokottha ni namwiittana a Kristu.

Ethupululo 19:13

Aawara mukaandyo omiseriweene ni ephome ni nsinanawe ti Nsu na Muluku.

Ethupululo 21:3

Kaahiiwa nsu ntokotoko naarweela vahiceni neeraka: “Vano etabernaakulu* ya Muluku eri ni atthu, ni Owo anaakhale ni yaawo. Awo eniikhale mulokwaawe ni Muluku muneenaawe anaakhale ni yaawo, ni anaakhaletho Mulukwaaya.