Yobi 9:7 - Emakhuwa Bible

⁷ Onuuluma ni nsuwa ni nno khannoopa; Owo oniipithiha waara wa ithenyeeri.

Yobi 9:7 Iomraidhean Croise

Yobi 37:7

Muluku oneemexera muteko wa khula mutthu weera ootheene Owo aapattunxaawe esuwele mitekosawe.

Yesaya 13:10

Ithenyeeri sa wiirimu ni nakupaaya khasaara. Nsuwa nikhumaka nnooheliwa epiphi ni mweeri khawaara.

Daniyeli 4:35

Atthu ootheene a elapo ya vathi khaveetthwaawewo. Owo ompaka yeeyo ontthunaawe ni ikuru sa wiirimu ni amaki a vathi. Khawowo ongwera ohiiha ntatanawe hata omweerela: “Mpankeni?”

Amosi 4:13

Yoowo ompaka nyaako, ompattuxa epheyo ni onimusuweliha mutthu soowuupuwelasawe, yoowo ontatuxa ekamaama ya oxa epiphi, ni onnyikala nyaako sa mulaponi –Nsinanawe ti Yave, Muluku a ikuru sootheene!

Amosi 8:9

Nihuku nno,” onghima Yave onlamula sootheene, “kinoopakiha weera nsuwa nineele othana eriyari, ni oreene ngwee kiruuheleke epiphi elapo.

Matheyo 24:29

Woowaakuveya saamalakaru soohooxa sa mahukweene yaawo, ‘Nsuwa khanoopa ni mweeri khawaaratho; ithenyeeri sinoomora sikhumaka wiirimu, ni ikuru sa wiirimu nsikhale sootathiwa.’

Yoxuwa 10:12

Vanihukuni nenenenne Yave aawinyenraawe awAmori wa aYixrayeli, Yoxuwa aamukhuwelela Yave vamaithoni wa aYixrayeli: “Nsuwa, neemelele oGibiyoni ni mweeri, weemelele vareyareyani na wAyaloni!”

Yoxuwa 10:13

Vanonto, nsuwa naaheemela ni mweereene mpaka aYixrayeli owiinlela ikuhu amwiittanaaya, ntoko elempwalaaya mulivuruni ya Yaxari. Nsuwa naaheemela eriyari erimu wookwanaka nihuku nootheene ohiilaka.