Yobi 8:3 - Emakhuwa Bible

³ Weeraka Muluku onoopiritula ekhaikhai? Weeraka Muluku a ikuru sootheene onookhoromanyiha yeeyo eri yoowookoleleya?

Yobi 8:3 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

2 Nyaha 19:7

Vano munttittimihe Yave ni mwiipasoopeno moota munthorihaanyu, niwoko Yave khamvilela ohiroromeleya, hata khanthalu, naari khanaakhulela makhwankwa.”

Yobi 10:3

Muntthunaxa okihooxa ni okhootta miteko sa matataanyu, muhiyaka soovaanela soonanara sa atakhali?

Yobi 19:6

Vaheera musuwele weera ti Muluku okeerihihale hiiha, akipharihaka mutthavinimwawe.

Yobi 19:7

Kakhuwela: “Nipuhero!,” nkinaakhuliwa; naari kivekelaka ekhavihero, khoowowo ororomeleya.

Yobi 21:15

Muluku a ikuru sootheene taani weera nimurumeele? Nimphwanyani namulapa Muluku?

Yobi 21:20

Maithwaawe muneenaawe yoone oheleyawawe nthala. Owo muneenaawe awure isara sa Muluku a ikuru sootheene.

Yobi 34:5

Yobi oneera: ‘Nkinono nthowa, vaheera Muluku onkikhoottela ekhaikhai.

Yobi 35:13

Muluku khampwattha wiidyoonttelela woohimuteko ampakaaya; Muluku a ikuru sootheene khanaawiriyana.

Yobi 36:23

Taani omulakelenle iphirosawe, hoye hoye amweerenle: ‘Khampanke nnene’?

Yobi 36:3

Enrweela ottaiwene esuwelowaaka; kinookhalela onamoona sa ekhaikhai ya Mpattuxaaka.

Yobi 37:23

Mukuku a ikuru sootheene ori weiwo nihingweraahuwo omoona, avuwaka moowerani; vaheera, moororomeleyanimwawe ni ngwookoleleyanimwawe, khaawo onimuhooxaawe.

Yobi 4:17

‘Kheewowo enkhwa engwera okhala yoororomeleya ompwaha Muluku. Khawoworu mutthu ongwera okhala ootteela ompwaha Mpattuxaawe.

Yobi 40:2

“Weeraka yoole aamvaanya Muluku a ikuru sootheene onoomookolela? Yoole ommoothera Muluku a ikuru sootheene amwaakhule!”

Yobi 40:8

Nyuwo munoohovela ororomeleyawaka? Munookithoriha weera mwiixaakihe?

Yobi 9:2

“Koosuwela weera eyo ettiitthu. Vaheera anaawere hai onkhwa okhala ookwanela vamaithoni wa Muluku?

Icipo 89:14

Ororomeleya ni ekhaikhai ti mathipelo a ehicaanyu ya emwene. Osivela ni ororomeleya onrowa ohoolowanyu.

Icipo 99:4

Mwene ti a ikuru – Owo onsivela ekhaikhai. Mookhaliha meerelo a ekhaikhai; moopaka oYakobe yeeyo eri yoowookoleleya ni yoororomeleya.

Ezekiyeli 18:25

Wa soothesene, nyuwosa muneera: ‘Ephiro ya Yave kheeroromeleiye.’ Ii! Muloko wa oYixrayeli, mwiiwe: Ephirowaaka ti yoororomeleya. Ti iphirosanyu siri soohiroromeleya.

Ezekiyeli 33:17

Wa soothesene, axunninyu aneera: ‘Ephiro ya Yave, kheehiyono yoororomeleya.’ Mene ti iphirosaya sihiroromeleiye.

Ezekiyeli 33:20

Vanonto, ii! Muloko wa oYixrayeli, nyuwo muneera: ‘Ephiro ya Apwiya kheehiyono yoororomeleya.’ Vaheera, Miyo kinoomuthoriha khula mutthu kittharihaka mweettelowaawe.”

Daniyeli 9:14

Yave khaapinse oniruuhela erisa, niwoko Yave Mulukwaahu ti a ekhaikhai mwa sootheene ompakaawe; hata hiiho khanimwiiwelenle.

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

Ethupululo 15:3

ni yaahiipa ecipo ya Moisesi, murumeiyi a Muluku, ni ecipo ya Eputtiputthi: “Sitokotoko ni sootikhiniheya siri mitekosanyu, Apwiya Muluku a ikuru sootheene. Soowookowa ni sa ekhaikhai siri iphirosanyu, Mwene a ilapo.

Ethupululo 16:7

Kaawiiwa altaari* yaakhulaka: “Aani, Apwiya Muluku a ikuru sootheene, othorihawanyu ti wa ekhaikhai ni woororomeleya.”