Yobi 42:9 - Emakhuwa Bible

⁹ Vano Elifazi muTemani, Bilidade, muXuhi, ni Zofari muNaamati, yaapakasa yeeyo yaalamuleliwaaya ni Yave; ni Yave aahaakhulela nivekelo na Yobi.

Yobi 42:9 Iomraidhean Croise

Epacerero 20:17

Abrahaamu aamvekela Muluku ni Owo aamulamiha Abimeleki, amwaariye ni mpaka ipotthasawe ni hiiho yaaweratho oyara.

Yobi 2:11

Asinthamwene araru a Yobi yaahiiwa suulummwaka sa ehasara yaamukhumelenle Yobi. Awosa yaari: Elifazi muTemani, Bildade muXuhi ni Zofari muNaamati. Khula mutthu aavenya owannyawe eniiwanana orowa ottheene omukhavihera Yobi ni ompembesa.

Yobi 22:27

Munoomvekela Yoowo ni Owo onoowiiwani, ni munookwanihera soolipelasanyu.

Yobi 22:30

Owo onimwaatapuxa mpakatho yaawo arino nthowa; aani anootapuxiwa niwoko na matataanyu ootteela.”

Yobi 42:10

Yobi aavekelenleene asinthamwenaawe, Yave aamweettiherelatho nnenesene, anamvaha iphura sa seiye aarinaawe khalayi.

Yobi 42:8

Vano murowase mpaka wa murumeiyaaka Yobi, mwaakuxe aximombe athanneeli, ni anapunci a ikhondoolo athanneeli, ni mwaapakele sooveleela soohisa mwiixeerelaka asineenaanyu. Murumeiyaaka Yobi onimoovekelelasani ni Miyo kinimwaakhulela nivekelonawe ni nkinoopakelasani yeeyo mumphwanelaanyu moololoni mpankaanyu. Nyuwosa khamuulumme yeeyo eri ya ekhaikhai mwaha wa Miyo, ntoko opankaawe murumeiyaaka Yobi.”

Namalaleiya 9:7

Tivawo, muce ni ohakalala yoocaanyu, ni ngwure eviinyuwaanyu mutteeliweene murima, niwoko Muluku oohakalalela yeeyo nyuwo mumpakaanyu.

Yesaya 60:14

Anamwane asilopwana a anamahasulaanyu animoowa ekokhorelaka vanaawoniwanyu; ootheene anoothanyani anookokhorela inaawosanyu ni anoowiitthanani Esidade ya Yave; oSiyoni wa Ootteela wa oYixrayeli.

Ezekiyeli 14:14

naari Nowe, Daniyeli ni Yobi, ereene mpatta wa muloko owo, yaangwera wiitapuxa asineenaaya paahi ngwookoleleyanimwaya, onghima Yave onlamula sootheene.

Matheyo 7:24

Tivawo, yoowo oniiwa maswaaka yaala ni oniiwelela, ori ntoko namiruku otenke empaawe vamwala.

Yohaane 2:5

Amayawe yaaweerela arumeiyi: “Mpake sootheene Owo aneeraawe oorumeeni.”

Miteko 10:33

Hiiho kaarumiha oroweliwa woowaakuveya, ni ti wooreera weera nyuwo mohoorwa. Ootheene hiyo nri vamaithoni wa Muluku weera niiwe sootheene Apwiya yoorumalaayani onileela.”

Miteko 9:6

Muvenye ni mwavolowe musidade, vano mukina anooleeleni yeeyo entthuneya weera mupakeke nyuwo.”

aHeberi 11:8

Munroromeloni Abrahaamu, iitthaniweene, aahiiwelela ni aarowa vanipuroni, mwa nenno vahoolowaya eeraawe aakhele ntoko nawawe, aari mweeraru ahisuwenle aarowaawewo.