Yobi 42:2 - Emakhuwa Bible

² “Koosuwela weera munoowera opaka itthu sootheene; khasiwoworu soovaanelasanyu sineera sooceeliheye.

Yobi 42:2 Iomraidhean Croise

Epacerero 18:14

Yookhala etthu yoohiwereya wa Yave? Mwaahiyu ehuhuweene yeela kinimoohokoleelani ni amwaarinyu anookhalano mwaana mulopwana.”

Yobi 23:13

Vaheera Owo khanceendya! Khaawo angwera omvaanya. Owo ompaka yeeyo ontthunaawe.

Yobi 25:2

“Olamula ni wooveya ti wa Muluku; Owo onkhalela sootheene siri wiirimu sa osulusulu.

Yobi 42:1

Vano Yobi aamwaakhula Yave:

Icipo 135:6

Yave ompaka seiyo sinimusivela, wiirimu ni vathi; mphareiyani ni moowiixeramwaya moothemwene.

Icipo 139:2

Munsuwela kaakilaathiki ni kaavenyaka. Ottai ottai munoona soowuupuwelasaka.

Icipo 44:21

vekhaikhai Muluku aamoona yeeyo eenre asuwela ixiiri sa murima.

Masu a Miruku 19:21

Vamurimani wa mutthu sookhala soovaanela sincipale, vaheera ompwaherera ti olakawawe Yave.

Namalaleiya 3:14

Koosuwela weera sootheene Muluku opankaawe, sinoopwaherera wa mahuku ootheene; wa yeeyo kheenaandyeerereya etthu, hata kheemvukuwaru etthu. Muluku opakenle hiiho weera atthu emoove.

Yesaya 14:27

Vano Yave a ikuru sootheene oolakela ni taani anaawere oohiiha? Moonowaawe ti woowookoweene ni taani anaawere ohokoloxa?

Yesaya 43:13

“Aani, okhuma khalayixa Miyo ti Yoowo. Khawoworu ongwera omoopola mukina mmatatanimwaka. Miyo kaapakaka etthu, khawoworu ongwera oceendya yeeyo.”

Yesaya 46:10

Okhuma ompacereroni Miyo kinsuweliha ommaleloni; okhuma khalayi seiye sineera seereye. Miyo kineera: ‘Otthunawaka onoopwahereraxa ni kinoopaka sootheene sinkisiveliha.’

Yeremiya 17:10

“Miyo, ti Yave kinoota murima ni kinoona nnenesene soowuupuwelasaya weera khula mutthu kimutthuvele, kittharihaka mweettelowaawe, aani mwa soopakasawe.”

Yeremiya 32:17

Ii! Yave onlamula sootheene, Nyuwo moopaka erimu ni vathi mooweranimwanyu otokotoko ni mwa moonowaanyu woowookowa. Kheewo enoorikani.

Ezekiyeli 38:10

Yave onlamula sootheene oneera ha: Nihuku nno, munookhalano soowuupuwela mmurumwanyu, mukhalaneke yoovaanela yootakhala.

Daniyeli 4:32

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.”

Daniyeli 4:35

Atthu ootheene a elapo ya vathi khaveetthwaawewo. Owo ompaka yeeyo ontthunaawe ni ikuru sa wiirimu ni amaki a vathi. Khawowo ongwera ohiiha ntatanawe hata omweerela: “Mpankeni?”

Matheyo 19:26

Yeesu aahaaweha yaawo ni aawaakhula: “Wa mutthu khoongwereya, mene wa Muluku itthu sootheene sinoowereya.”

Marku 10:27

Yeesu aahaaweha yaawo ni aahaakhula: “Wa mutthu khoongwereya, mene wa Muluku hoye! Itthu sootheene sinoowereya wa Muluku.”

Marku 14:36

eeraka: “Aba, Tiithi, wa Nyuwo sootheene sinoowereya. Mususihe wa Miyo ekoomixi ela, wa soothesene, ohikwaniheriwe otthunawaka, mene otthunawanyu.”

Luuka 18:27

Yeesu aawaakhula: “Yeeyo eri yoohiwereya wa atthu, ti yoowereya wa Muluku.”

Yohaane 21:17

Emaara yanaararu Yeesu aamukoha: “Simeyoni, mwaana a Yohaane, munookisivela?” Pedru aathanana niwoko na omukoha Yeesu emaara yanaararu:‘nyuwo munookisivela?’ ni aamwaakhula: “Apwiya, moosuwela itthu sootheene ni moosuwela weera kinnoosivelani.” Yeesu aamweerela: “Muciheke ikhondoolosaka.

awEfeso 1:11

Mwa Yoowo nithanliwe ehinaaye ehuhu mwaha wa soovaanela sa Yoowo ompaka itthu sootheene ntoko otthuna wa murimaawe