Yobi 4:17 - Emakhuwa Bible

¹⁷ ‘Kheewowo enkhwa engwera okhala yoororomeleya ompwaha Muluku. Khawoworu mutthu ongwera okhala ootteela ompwaha Mpattuxaawe.

Yobi 4:17 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

Yobi 14:4

Taani ongwera okhaliha etthu yootteeleene mwa yoohitteela? Khaawo!

Yobi 15:14

Ongwereya hai mutthu okhala ootteela? Ongwereya hai mutthu onkhwa wuupuwela weera kookwanela?

Yobi 25:4

Mutthu khangwera ohikhalano nthowa vamaithoni wa Muluku, mutthu onkhwa paahi khangwera okhala ootteela.

Yobi 31:15

Yoowo okipattunxe miyo, ohaapattuxatho yaawosa: Muluku mmoharu ti onipattunxe hiyo mmirimani mwa asimayihu.

Yobi 32:22

Vano miyo nkingwera weepesa, niwoko kaapanke hiiho, Muluku aamukittaruxa.”

Yobi 35:10

Vaheera, khawowo onkoha: ‘Ori woowi Muluku Mpattuxaaka, mwa Yoowo omvaha icipo moohiyuni

Yobi 35:2

“Nyuwo munuupuwela weera eyo ti yoororomeleya? Vano nyuwo muneera: ‘Miyo kinimwaakhuleliwa ni Muluku.’

Yobi 36:3

Enrweela ottaiwene esuwelowaaka; kinookhalela onamoona sa ekhaikhai ya Mpattuxaaka.

Yobi 4:16

Eyo yaaheemela, mene nkaawenre osuwela. Yaari ntoko ecaambulo ohoolowaka ni kiniiwa nsu vathi vathi neera:

Yobi 40:8

Nyuwo munoohovela ororomeleyawaka? Munookithoriha weera mwiixaakihe?

Yobi 8:3

Weeraka Muluku onoopiritula ekhaikhai? Weeraka Muluku a ikuru sootheene onookhoromanyiha yeeyo eri yoowookoleleya?

Yobi 9:2

“Koosuwela weera eyo ettiitthu. Vaheera anaawere hai onkhwa okhala ookwanela vamaithoni wa Muluku?

Icipo 143:2

Muhimuronghe murumeiyaanyu onthoriheloni, niwoko khawoworu ori oohikhalano nthowa vamaithoniwanyu.

Icipo 145:17

Yave ti oororomeleya mphironimwawe moothemwene, asivelaka sootheene ompakaawe.

Namalaleiya 7:20

Vanonto, khawoworu naari mmoha mulaponimu oororomeleya ompaka yooreera, ahinatthekaru.

Yeremiya 12:1

Ii! Yave, khula emaara kinooruuhelaakani mulattu, Nyuwo munlakela ni ekhaikhai. Wa soothesene, kintthuna wuuluma ni Nyuwo mwaha wa ekhaikhayaanyu. Atakhali singweettelela heeni nnene? Anamavariha ootheene ahinkhalanela heeni milattu?

Yeremiya 17:9

Murima ti woolokotthaxa opwaha itthu sootheene ni erettaaya ti yoohilameya. Khaawo anaawere wiiwexexa.

aRooma 11:33

Ii! Wiixera wa mihakhu ni miruku ni esuwelo ya Muluku! Taani ongwera ophima soothorihasawe ni wiiwexexa iphirosawe?

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

aRooma 9:20

Mutthu, weyo taani oomukohakoha Muluku? Apaale yeeyo epakiwe enoowera omweerela yoowo opanke: “Heeni mukipankaanyu hiiha?”

Ethupululo 4:8

Ekhalelo ti ekhalelo yaarino mapupha mathannamosa ni yaasareya maitho mapuro ootheene – mpaka mmapuphani. Ohiyu ni othana sihiitthuuwaka sineera: “Ootteela, Ootteela, Ootteela ti Apwiya Muluku a ikuru sootheene, yaari, ari, ni eniirwe.