Yobi 38:28 - Emakhuwa Bible

²⁸ Weeraka epula yookhalano tiithaaya? Taani ori tiithi a mattonyo a nikame?

Yobi 38:28 Iomraidhean Croise

Yeremiya 14:22

Khoowowo hata mmoha wa miluku soohimuteko sa miloko ongwera orupiha epula. Erimu muneenaaya kheengwera orupiha epula. Ti Nyuwo paahi, Yave Mulukwaahu mungwera. Tivawo owehererawahu oraaya mwa Nyuwo, niwoko ti Nyuwo mumpaka sootheehe seiyo.

Icipo 147:8

Owo onkuttelela erimu ni mahutte; onrupihela epula etthaya ni onunnuwiha malaxi mmattumuxani.

Matheyo 5:45

weera nyuwo mukhale anamwane a Atithinyu ari wiirimu. Vano, Yaawo anaariha nsuwanaya nnaamwaleela oonanara murima ni ooreera murima, ni animwaarupihela epula oororomela ni oohiroromela.

Amosi 4:7

“Ti Miyo kahaarupihale epula, saahalaaya nyeeri miraru wa ohepha. Kaarumihela epula esidade emoha, vaheera esidade ekina hoye. Ematta emoha yaarupeliwa epula; ekina khayaarupeliwe, enuuma.

Yoweli 2:23

Muhakalale atthu a oSiyoni! Munghakalalele Yave Mulukwaanyu, niwoko ohoovahani epula mutthulo moororomeleyanimwawe. Owo ohoovahani epula mutthulo ni ya mulaala, ntoko aapakaawe khalayi.

Hoxeya 14:5

Miyo kinookhalela oYixrayeli ntoko nikame; iwo onoottuva ntoko ethutu. Aani, ntoko esidari* ya oLebanoni, sinoorakamelaxa mikwankhwaarisaya;

Yeremiya 10:13

Oruma wa etaraawe, maahi anooruma wiirimu epakeyaka mahutte okhuma ekotenle elapo. Owo onrumiha overinya vamoha ni epula, akhumihaka epheyo enuukaanaayamo.

Yeremiya 5:24

Awosa khaaniixeerela: ‘Nrowe, nimooveke Yave Mulukwaahu, mwa Yoowo onrupiha epula mutthulo ni ya mulaala mweehuhunimwaya ni onnivaha isimana sa ohepha mweehuhunimwaya.’

Masu a Miruku 3:20

moosuwelanimwawe anaattuuttu oowiixera ampiluwa ni mahutte anttonya nikame.

Yobi 38:8

Taani aattuunle ephareiya mmilakoni miili, yaakhumaaya ni wuupa vanaattuuttuniwaya,

Yobi 29:19

Mikwankhwaarisaka sinoophiya omaahini, ni ohiyu nikame nnimwiimela mphandinimwaka.

1 Mamwene 17:1

Vano Eliya, muTixebi arowaka oTixebi, elapo ya oGiliyadi, aamweerela Ahabi: “Kinlipela mwa Nsina na Yave, Muluku a aYixrayeli mwa Yoowo kinimurumeelaaka weera khaniimaru nikame hata kheeruparu epula iyaakha sinrwa mpaka ehuhu kineeraaka kihime.”

2 Samuweli 1:21

Ii! Nyaako sa oGilibowa – weera sihikhalenotho nikame hata epula naari imatta sinruwera etrigu ya sooveleela, niwoko wuuwu exikudu* ya ooweraxa yooveihiwa; exikudu* ya Sawuli kheettikittheliwatho makhura

Deuteronomiyo 33:28

Hiiho aYixrayeli anookhala oomaaleleya; naattuuttu a Yakobe ori oolipeene mweelaponi ya etrigu ni eviinyu enyowani mwa mwemmo ninttonyeraayamo nikame na wiirimu.

Deuteronomiyo 33:13

Wa Yoseefe aaheera: “Yave areelihe elapwaawe ni nikame nooreeraxa ninrweela osulu, wiirimu. Areelihetho maahi moowiixera;

Epacerero 27:39

Isaki aamwaakhula: “Weyo onuukhale ottai wa etthaya ya ethaadyira, ottai wa nikame nimmora wiirimu.

Epacerero 27:28

Muluku oovahe nikame na wiirimu ni ohepha wooreera wa vatthayani, aani, waatta wa etrigu ni eviinyu.

Yobi 36:27

Owo onttukhulela osulu mattonyo a maahi, antothowa ntoko epula, enamwaareela.

Yobi 36:28

Epula enrupa mmahutteni, aniitthela maahi awo mwaatthuni.