Yobi 27:2 - Emakhuwa Bible

² “Mwa Muluku Mukumi ohitthunne okipakela ekhaikhai, mwa Muluku a ikuru sootheene othananinghe okumaaka –

Yobi 27:2 Iomraidhean Croise

2 Samuweli 2:27

Yowabi aamwaakhula: “Kinlipela mwa Nsina na Yave – nyuwo mwahuulumme, anakhottwaaka yaampwaherera waattharelela axunnaya mpaka oxa.”

1 Mamwene 17:1

Vano Eliya, muTixebi arowaka oTixebi, elapo ya oGiliyadi, aamweerela Ahabi: “Kinlipela mwa Nsina na Yave, Muluku a aYixrayeli mwa Yoowo kinimurumeelaaka weera khaniimaru nikame hata kheeruparu epula iyaakha sinrwa mpaka ehuhu kineeraaka kihime.”

1 Mamwene 18:15

Eliya aamwaakhula: “Kinlipela mwa Nsina na Yave a ikuru sootheene, mwa Yoowo kinimurumeelaaka, vekhaikhai olelo kinimwiixoonihera wa Ahabi.”

2 Mamwene 4:27

Aphiyakaru wa mulopwana a Muluku vamwaako, owo aamukhubaara inaawosawe. Gehazi aahoorwa weera amususihe, mene mulopwana a Muluku aamweerela Gehazi: “Omuhiyeke! Owo oothananaxa, mene Yave kheewowo okoonihenraawe akikhuwaka nthowa na othananawawe.”

Yobi 10:3

Muntthunaxa okihooxa ni okhootta miteko sa matataanyu, muhiyaka soovaanela soonanara sa atakhali?

Yobi 16:11

Muluku ookimoroxela mmatatani mwa atakhali, aani ookinnyerera mmatatani mwa oonanara murima.

Yobi 19:6

Vaheera musuwele weera ti Muluku okeerihihale hiiha, akipharihaka mutthavinimwawe.

Yobi 23:16

Muluku ookomokiha murimaaka; Muluku a ikuru sootheene ookitondolowiha.

Yobi 34:5

Yobi oneera: ‘Nkinono nthowa, vaheera Muluku onkikhoottela ekhaikhai.

Yobi 35:2

“Nyuwo munuupuwela weera eyo ti yoororomeleya? Vano nyuwo muneera: ‘Miyo kinimwaakhuleliwa ni Muluku.’

Yobi 40:8

Nyuwo munoohovela ororomeleyawaka? Munookithoriha weera mwiixaakihe?

Yobi 9:17

Owo aamukittikittha ni ettheku ni woohinthowa aamwaandyeerera makhwattaaka.

Yobi 9:18

Khaakitthunihera okhala ni okumi, mene aamukiikaathi moohireerela.

Yesaya 40:27

Ii! Yakobe, muntaandawulelani, Ii! Yixrayeli munkhupanyerani: “Yave khampwattha enkeereela; Mulukwaaka khanuupuwela sa mulattwaaka?”

Yeremiya 12:16

Vano awosa aaxuttera nnenesene ekhovelelo ya mulokwaaka ni yaalipela mwa Nsinanaka yeeraka: ‘Kinlipela mwa Nsina na Yave’ – ntoko khalayi yaaxuttinghaaya mulokwaaka omulipela Bahali* – vano anookhalihiwa variyari wa mulokwaaka.

Yeremiya 4:2

ni nyuwosa mwalipela mwa Nsina na Yave moota woororomeleya, wa ekhaikhai ni wookwanela, vano miloko sinooreelihiwa ni Yoowo ni sinoomvuwiha.”

Yeremiya 5:2

Naari yeeraka: ‘Kinlipela mwa Nsina na Yave,’ vekhaikhai anlipela moota woowootha.”

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Nuumeru 14:21

Wa soothesene, kinlipela mwa ovuwa wa Yave onsariha elapo yootheene,

Ruuti 3:13

Oviriheke vaava ohiyu. Nnoone omaalo: Owo atthuna okhala namakosoopaawo*, wooreera – ookosoopeke. Vaheera aahitthuna, kinlipela mwa Nsina na Yave weera miyo nkikhale namakosopa emusaawo*. Okone va mpaka omaalo.”

1 Samuweli 14:39

Kinlipela mwa Nsina na Yave mwa Yoowo owooponle aYixrayeli, hata akhalaka mwanaka Yonatani, iiviweke.” Wa soothesene, khaawo aakhumihale nsu.

1 Samuweli 14:45

Vanonto, asilopwana yaamweerela Sawuli: “Yonatani yoola aatapunxe aYixrayeli akhweeke? Eheereye! Ninlipela mwa Nsina na Yave weera ahikhwe, niwoko yeeyo opankaawe olelo yeereiye ni ekhavihero ya Muluku.” Hiiho asilopwana yaamoopola Yonatani ni owo khiiviwe.

1 Samuweli 20:21

Vahoolowaya kinoomurumiha mmiravo waasaasa nyuupa. Vano kamukhuwelela: ‘Nyuumpa iyo siri wenno wenno, okiruuhele,’ nyuwo murweeke niwoko kinlipela mwa Nsina na Yave weera mmwikhale oolipeene. Kheekhalaru yoowoopiha.

1 Samuweli 25:26

Vano pwiiyaaka, kinlipela mwa Nsina na Yave ni mwa okumaanyu – ti Yave oohiihaleni owiiva atthu hoye hoye wiinla ikukuttula ni matataanyu. Amwiittanaanyu ni ootheene anaasaasa woopakelani yoonanara ettaruxiwe ntoko Nabali.

1 Samuweli 25:34

Vano kinlipela mwa Nsina na Yave, Muluku a aYixrayeli, mwa Yoowo okihiihale woopakelani yoonanara, nyuwo mwahaarwiiye woowaakuveya okikumanano, ohiyuweene yoola Nabali khaakalanaru naari mulopwana mmoha mukumi.”