Yobi 23:10 - Emakhuwa Bible

¹⁰ Vaheera Owo oosuwela ephiro kimviraaka; aakootaka murima, kinookhumela wiithela ntoko eyuuma yoorikaxa.

Yobi 23:10 Iomraidhean Croise

Epacerero 18:19

Vano Miyo kimuthanlenle weera aweettihe anamwanaawe ootheene ni ikhapirasawe sootheene weera etthare ephiro ya Yave, epakaka yeeyo eri yoororomeleya ni yoowookowa. Hiiho Yave onoomukwaniherela Abrahaamu yeeyo aamuroromelinghaawe.”

2 Samuweli 22:22

Miyo koheettela ephiro ya Yave; nkitapannye kimuhiyaka Mulukwaaka.

2 Mamwene 20:3

“Ii! Yave, muupuwelele moota koorumeenlaakani ni ororomeleya ni murima wootheene. Koopaka yeeyo eri yooreera vamaithoniwanyu.” Ni Hizekiya aahiinla vancipalexa.

Yobi 10:7

muroosuwelaru weera nkinthowa ni weera khaawo anaawere okitapuxa mmatatanimwanyu.

Yobi 23:7

Vano mulopwana ookwanela aangwera wuuluma mulattwaawe vamaithoni wa Muluku, ni miyo kaamutapuxiwa mwa yoowo aakoothenre.

Yobi 23:9

Owo akhala mpatta wa ottuttuwani, nkinimusuwela; aarowaka mpatta wa ohitto, hata erungwaawe nkinoonaru!

Yobi 31:4

Owo onnoona iphirosaka, anoonelamo khula malipaaka.

Yobi 31:6

Muluku akiphime munringoni woororomeleya ni Owo onoosuwela weera nkinono nthowa –

Yobi 33:9

‘Kootteela, kihikhalanaka yoottheka; nkinono nthowa naari nkipankeru yootakhala.

Yobi 6:29

Moonelemo mulattu, muhikhale oohiroromeleya; mutthokeleletho, niwoko okwanelawaka ori mwa yeeyo.

Yobi 7:18

aani taani mutthu oongwehaweha khula oxeexelo ni oomoota murima khula ehuhu?

Icipo 1:6

Vano Yave onsuwela ephiro ya oororomeleya, mene ephiro ya anamatakhala enrongha woophwatiwani.

Icipo 11:5

Yave onoowoota murima oororomeleya, vaheera onaathanya atakhali ni yaale ansivela nipuhero.

Icipo 17:3

Naari mootaka murimaaka ni mukiwehawehaka moohiyuni, hata mukisuwelaka nnenesene, khamuphwanya etthu yoottheka. Koolakela weera eyanowaaka kheettheka

Icipo 66:10

Vano Nyuwo, Muluku moonoota murima; moonitteeliha ntoko entotoxiwaaya ereheriwaka eparatha*.

Icipo 7:9

Ii! Yave a ekhaikhai, Nyuwo munoona soowuupuwela ni mirima sa atthu ootheene, mmalihe nipuhero na atakhali ni mwaalipihe oororomeleya.

Masu a Miruku 17:3

Eyuuma yoorikaxa ni eparatha* sinrehereriwa vayikho, vaheera ti Yave onoota mirima sa atthu.

Yeremiya 12:3

Wa soothesene mookisuwela miyo, Yave; munkoona, mootaka murima soowuupuwelasaka mwaha wa Nyuwo. Mwaavenxe atakhali ntoko ikhondoolo sinroihiwa owiiviwani. Ngwuurelele nihuku na wiiviwa!

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Yohaane 21:17

Emaara yanaararu Yeesu aamukoha: “Simeyoni, mwaana a Yohaane, munookisivela?” Pedru aathanana niwoko na omukoha Yeesu emaara yanaararu:‘nyuwo munookisivela?’ ni aamwaakhula: “Apwiya, moosuwela itthu sootheene ni moosuwela weera kinnoosivelani.” Yeesu aamweerela: “Muciheke ikhondoolosaka.

1 aKorinto 3:15

Yeeyo mukina otenkaawe yasa, anaahaawe mooyeleelani iwo, wa soothesene anaavuluxiwe ntoko mukina onoopowa avinreene mmooroni.

Deuteronomiyo 8:2

Muupuwelele moota Yave Mulukwaanyu oweettihalaaweni munkwahani wootheene munikareni wookwana iyaakha miloko mixexe iye. Owo aahooyevihasani awootakani murima, eerelaka osuwela yeeyo eri mmirimanimwanyu ni mwaariki mwiiwelele malamulowaawe hoye hoye mwaahiiwelela.

2 Timootheyo 2:19

Wa soothesene, nthipelo noolipaxa na Muluku ninkhala nooweemelaxa, ni nookhalihiwa ni yoolempwa ela: ‘Apwiya anaasuwela yaawo ari awaya’ ni ‘Ootheene anlapa Nsina na Apwiya, esuseke sootakhala.’

aHeberi 11:17

Munroromeloni Abrahaamu, ootiwaka murima ni Muluku, aamuvaha Isaaki ntoko yooveleela. Yoole aakhelenle soororomelihiwa aahanle vakhaani omwiiva mwanawe mmoharu,

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

1 Pedru 1:7

weera noonihereye nroromelonanyu nri na ekhaikhai. Mpaka eyuuma yoorikaxa engwereya ophwateya enimweereriwa ni mooro. Ontthuneya weera mpaka nroromelonanyu, nri nootthuneyaxa noopwaha eyuuma yoorikaxa, neereriwe mpaka ottottopela, ovuwa ni nttittimiho Yeesu Kristu ooniheriwaka.