Yobi 20:15 - Emakhuwa Bible

¹⁵ Owo anaarapheye mihakhu ominraawe; Muluku onoopakiha weera nipwiipwinawe nikhumihere vaate mihakhu iyo.

Yobi 20:15 Iomraidhean Croise

Yobi 20:10

Anamwanaawe eniyeereke waahokoloxera musurukhu anamahaawa; owo muneenaawe aneereke wiithukumanyera musurukhu.

Yobi 20:14

hata hiiho, yoocaawe enoonyuunya mmirimani; ni enoothatuwa yoohapala ya enowa mpuwamwawe.

Yobi 20:18

Ahokoloxeke yeele owanenlaawe woohiphurela etthu, ni khaphwanyaru ewinelo ya marondaawe,

Yobi 20:20

Ettiitthu ti weera ohaawelawawe khoonimwiitthuuwiha, ni mihakhusawe khasingwera omvuluxa.

Yobi 20:28

Mirupi sitokotoko sinookumburula empaawe, aani maahi oowuupa vanihukuni na isara sa Muluku.

Icipo 109:11

Namakoongoriha avareke sooreelasawe sootheene; anamarwa ehuhule soowiima sa mutekwaawe.

Masu a Miruku 21:20

Vaate wa musuweli yookhala yooca ni makhura soothokororiwasene, vaheera mulolo onnanariha sootheene oraaweno.

Masu a Miruku 23:8

Nyuwo munoorapheya yeeyo muciiyaanyu, ni munoonanariha maswaanyu oosiveleya.

Yeremiya 51:34

Nebukadenezari, mwene a oBabiloniya, ooninyaanya, oonipupurumiha, oonipaka exaaru yoohikhala etthu. Oonimira ntoko enowa, oonivona ni ikhaanikhaanisahu, ananirapheya.

Yeremiya 51:44

Kinoomuttaruxela Beli oBabiloniya, kimurapheihaka ominraawe. Miloko khasitthimakelawo. Ni exiri ya oBabiloniya enoomora.

Habakuki 2:6

Nihuku na muhoolo miloko sootheene iyo sinoomutthebwa ni icipo sa munyemu, seeraka: ‘Ii! Yoowo onthukumanyiha itthu soohuhula ni oniipuhiha ni wiixoopopiha. Mpaka yaakhani eyo eneeraaya epwaherere?’