Yobi 16:11 - Emakhuwa Bible

¹¹ Muluku ookimoroxela mmatatani mwa atakhali, aani ookinnyerera mmatatani mwa oonanara murima.

Yobi 16:11 Iomraidhean Croise

Yobi 10:3

Muntthunaxa okihooxa ni okhootta miteko sa matataanyu, muhiyaka soovaanela soonanara sa atakhali?

Yobi 16:10

Atthu anookaathamela, ankimana owiitho, ekitthebwaka, ekithukumanenleene.

Yobi 16:12

Miyo kaari emaalelo, mene Owo ookiwaawihera; ookivara vaxiko, anakittikittha. Ookipaka yoolupaawe;

Yobi 19:22

Munkittharattharela heeni ntoko opakihalaawe Muluku? Khamumvonaru erutthwaaka?

Yobi 19:6

Vaheera musuwele weera ti Muluku okeerihihale hiiha, akipharihaka mutthavinimwawe.

Yobi 2:7

Vano Satana aavenya vamaithoni wa Yave anampiluwiha Yobi itthuku soowoopiha, okhuma waannaawo mpaka mmuru.

Yobi 27:2

“Mwa Muluku Mukumi ohitthunne okipakela ekhaikhai, mwa Muluku a ikuru sootheene othananinghe okumaaka –

Yobi 40:8

Nyuwo munoohovela ororomeleyawaka? Munookithoriha weera mwiixaakihe?

Yobi 9:24

Elapo yaamorelaka mmatatani mwa atakhali, Owo onkuttelela maitho a aphuki. Aahikhala Yoowo, anaakhale taani?

Icipo 27:12

Muhikinnyerere otthuna wa amwiittanaaka, niwoko anamoona oowootha ankoothera oosareyeene nipuhero.

Icipo 31:8

Khamukinnyerenre mmatatani mwa amwiittana, vaheera mookeettiha vanipuroni noowunnuwa.

Icipo 7:14

Yoole onsareya soonanara ni onrupala sootakhala onyara soowootha.

Yohaane 19:16

Ommaleloni Pilatu aahaavaherera Yeesu weera emukhomele. Vano anakhotto yaamukuxa Yeesu.

aRooma 11:32

Muluku oowiiyaathi atthu ootheene vathi wa ettiyamaaru weera aamorele ikharari atthu ootheene.

2 aKorinto 12:7

Koovahiwa mwiiwa mweerutthunimwaka, aani murummwa a Satana, weera okihasule, nitho okooceelihe wiivuwihaxa niwoko na wunnuwa wa soothupulula iye.

1 Samuweli 24:18

Olelo wookoonihera murimaawo wooreera. Yave ookinnyerera mmatatanimwawo, mene weyo khookiivale.