Yobi 15:14 - Emakhuwa Bible

¹⁴ Ongwereya hai mutthu okhala ootteela? Ongwereya hai mutthu onkhwa wuupuwela weera kookwanela?

Yobi 15:14 Iomraidhean Croise

1 Mamwene 8:46

Onoowereya aYixrayeli wootthekelani, niwoko khaawo ohinttheka. Yootthekelani, Nyuwo munimwaanyoonyeriwa ngwinnyereraka mmatatani mwa amwiittana weera yaavare ootthukiweene yaaronghaka elapwaaya – ekhalaka ya ottai hoye hoye ya vakhiviru.

2 Nyaha 6:36

Awosa yootthekelakani, eenre ahikhalaru ohinttheka, munaanyoonyerasiwa ni munawinnyerera wa amwiittanaaya, ni awo yaarongha wootthukiwani elapo ekina yoorakamela hoye hoye yookhuveela,

Yobi 14:1

“Mutthu oyariwe onkhala ehuhu vakhaani ni okumaawe woosareya mmakacamihoni.

Yobi 14:4

Taani ongwera okhaliha etthu yootteeleene mwa yoohitteela? Khaawo!

Yobi 15:13

Vano nyuwo muningyeehera isarasanyu Yave, mukhumihaka masu ala mmwaanomwanyu.

Yobi 9:2

“Koosuwela weera eyo ettiitthu. Vaheera anaawere hai onkhwa okhala ookwanela vamaithoni wa Muluku?

Icipo 14:2

Wiirimu iwo Yave onnaaweha atthu weera amoone aakhanle oowiiwexexa; akhalaru mutthu ommwaasa Muluku.

Icipo 14:3

Ootheene aahapuwa; ootheene aathatuwa oonanara murima. Khawoworu ompaka yooreera naari mano mmoha!

Icipo 143:2

Muhimuronghe murumeiyaanyu onthoriheloni, niwoko khawoworu ori oohikhalano nthowa vamaithoniwanyu.

Icipo 51:5

Vekhaikhai kiri namattheka eyareliwaaka; aani okhuma ehuhu yaakirupanlaaya amayaka.

Masu a Miruku 20:9

Taani aneere: “Koorapiha murima; kootaphuwa mwa yootthekaaka?”

Namalaleiya 7:20

Vanonto, khawoworu naari mmoha mulaponimu oororomeleya ompaka yooreera, ahinatthekaru.

Namalaleiya 7:29

Yeeyo koonelenlaaka ti ela paahi: Muluku ohaapaka atthu oororomeleya, vaheera awosa yaasaanse mikhalelosaya sincipale.”

Yohaane 3:6

Yaawo angyariwa wa erutthu ti a mweerutthuni, ni yaawo angyariwa wa Munepa ti a mmunepani.

aRooma 7:18

Koosuwela weera kheewo yooreera enkhala mwa miyo, eyo tiiyo mweerutthunimwaka, niwoko kintthuna opaka yeeyo eri yooreera, mene nkingwera opaka.

aGalata 3:22

Yoolempwatho enghima weera elapo yootheene eri yootthukeya ni soottheka, weera yoororomelihiwa ya Muluku yaavahiwe aKristu niwoko na nroromelo mwa Yeesu Kristu.