Yobi 14:1 - Emakhuwa Bible

¹ “Mutthu oyariwe onkhala ehuhu vakhaani ni okumaawe woosareya mmakacamihoni.

Yobi 14:1 Iomraidhean Croise

Epacerero 3:17

Vano aamweerela mulopwana: “Mweenre mmwiiwelelaka mwaarinyu ni muca yoowiima ya mwiri, mwa yoowo Miyo koolamulenlaakani weera muhice, yoolaphiwa ti etthaya niwoko na nyuwo. Mmwice ni ohaawa otokotoko mwa yeeyo mookuminimwanyu wa mahuku ootheene.

Epacerero 47:9

Yakobe aamwaakhula: “Iyaakha sa mukwaahaaka mweelaponi ya vathi soophiyera ncira ni miloko miraru. Iye siri vakhaani ni soorika ni khasimphiyera iyaakha sa mukwaahaaya makholowaaka.”

2 Mamwene 4:19

Wootutuxereya aapacera owiitthana atithawe akhuwelaka: “Muruwaaka! Muruwaaka!” Atithawe yaamweerela murumeiyi mmoha: “Omuronghe wa amayawe.”

Yobi 10:20

Mahuku a okumaaka ahanle vakhaani. Mususe wa miyo weera kikhaleno ehuhu vakhaani ya ohakalala,

Yobi 15:14

Ongwereya hai mutthu okhala ootteela? Ongwereya hai mutthu onkhwa wuupuwela weera kookwanela?

Yobi 25:4

Mutthu khangwera ohikhalano nthowa vamaithoni wa Muluku, mutthu onkhwa paahi khangwera okhala ootteela.

Yobi 25:5

Mpaka mweeri khoonaaraxa vamaithoniwawe, ni ithenyeeri sinrima ohoolowawe,

Yobi 5:7

Vaheera mutthu ongyareliwa makacamiho hiihoweene ntoko malumi a mooro amvavelaaya osulu.

Yobi 7:1

Okumi wa khula mutthu mulaponimu ti woovihaxa, omviriha mahukwaawe ntoko namaliviwa.

Yobi 7:6

Mahukwaaka antthimaka opwaha yootthavano ya namatthava, ni amphiya ommaleloni woohiwehereraru.

Yobi 8:9

niwoko hiyo niyariwe vaanaano ni khanisuwenle etthu. Mahukwaahu a mulaponi anlikana ntoko munttuusi.

Yobi 9:25

Mahukwaaka antthimaka ompwaha namatthimaka, mahuku ammala ehoonneru ohakalala.

Icipo 39:5

Waatta wa okumaaka ori vakhaani; mahuku a okumaaka khaveetthuwo vamaithoniwanyu. Vekhaikhai okumi wa mutthu onlikana ni ngwiya paahi.

Icipo 39:6

Mutthu omvira, anahokolowa ntoko munttuusi paahi. Owo ontthukhuruwa siiyo athukumanyihaka mihakhu, mene khansuwela taani anaahaleno.

Icipo 51:5

Vekhaikhai kiri namattheka eyareliwaaka; aani okhuma ehuhu yaakirupanlaaya amayaka.

Icipo 89:47

Muupuwelele moota okumaaka omviraaya woowaakuveya. Okhala wa omutthu khoomuteko!

Namalaleiya 2:17

Tivawo kinthanyaaka okumi, niwoko muteko omvariwa mulaponi kinoona ntoko woolemelaxa. Sootheene khasaavareleiye muteko, waari woomola epheyo paahi.

Namalaleiya 2:23

Mookuminimwawe wootheene, mutekwaawe ti woovoreya ni woothananiha; hata ohiyu muupuwelowaawe khooniitthuuwa. Eyotho kheentaphulelaru etthu.

Yeremiya 20:18

Kiyareliweni? Woona paahi soohooxa ni soothananiha ni waalikeleleya mahukwaaka ngwuulihiheyaxani muru?

Matheyo 11:11

Miyo kinooleelani ekhaikhai: Variyari wa atthu ooyariwa ni asithiyana, khaawo mukina okhumelenle mutokweene ompwaha Yohaane mpatisa. Wa soothesene, ooyevaxa wa omwene wa wiirimu ti mutokweene ompwaha yoowo.