Yobi 1:3 - Emakhuwa Bible

³ ni aakhalano ikhondoolo macira miloko mithannamiili, ikamelu* macira miloko miraru, imombe seettaka piili piili macira mathanu ni abuuru macira mathanu, mpakatho arumeiyi ancipale. Aari mulopwana oopuhaxa a mpatta ninkhuma nsuwa.

Yobi 1:3 Iomraidhean Croise

Epacerero 12:16

Farawu* aamwaakhelela nnenesene Abraamu niwoko na Sarai, ni Abraamu aahaakhela ikhondoolo, imombe, abuuru alopwana ni athiyana, arumeiyi alopwana nitho athiyana mpaka ahaaci.

Epacerero 12:5

Aamukuxa mwaariye Sarai ni musulwaawe Loti ni mihakhu sootheene aarinaawe ni arumeiyaawe aathummaawe oHarani, enarowa elapo ya oKanaani.

Epacerero 13:6

Tivawo wahaawereyaaya omaka vamoha niwoko khanaariwo nipuro nookwana mihakhu sa ooweeli yaarinaaya.

Epacerero 24:35

Yave aamureeliha vancipale ni owo aakhalano mihakhu sincipale. Oomvaha ikhondoolo, imombe, iyuuma soorikaxa, arumeiyi alopwana ni athiyana, ikamelu* ni abuuru.

Epacerero 25:6

Vano wa anamwane akina a ikuxosawe sa okaporo yaakhala ni Abrahaamu, aahaavaha itthu sikina aarinaawe ni areene nlelo ni okumi, aahaarumihela mpatta wa ninkhuma nsuwa weera ehikhale vamoha ni mwanawe Isaki.

Epacerero 29:1

Vano Yakobe aapwaherera mukwaahaawe, anarowa elapo ya amaki a ninkhuma nsuwa.

Epacerero 32:14

Ipuri ithiyana macira meeli, anapunsi miloko miili, ikhondoolo ithiyana macira meeli ni ilopwana miloko miili,

Epacerero 34:23

Muupuwelele weera mihuwosaya, inamasaya, sooreelasaya ni iyuumasaya soorikaxa sinoowereya okhala sawihu. Vano naakhuleleke otthunawaya weera awo ekhaleke ni hiyo.”

2 Samuweli 12:2

Namapuha aarino ikhondoolo ni imombe sincipalexa,

1 Mamwene 4:30

Mwa yeeyo, miruku sa Salomoni saapwaha seiye sa anamiruku ootheene a mpatta ninkhuma nsuwa ni sa ootheene a wExipitu.

2 Mamwene 15:20

Menahemi aahaanyesereriha aYixrayeli oliva musoko ole. Khula namapuha waatthuneya omuliva mwene a wAsiriya italentu* sa eparatha* miloko mithanu. Vano mwene a wAsiriya aahokoleela elapwaawe, ahiyaka waakamela elapo ya oYixrayeli.

2 Mamwene 3:4

Vano Mexa, mwene a oMowabe aakhalano ikhondoolo sincipale ni aanyesererihiwa omvaha mwene a oYixrayeli ikhondoolo 100 000 nitho mapururu a anapunci 100 000.

1 Nyaha 27:30

muYixmayeli Obili, ti aawehaweha ikamelu*. mMeronoti Yehedeya, ti aawehaweha abuuru.

2 Nyaha 26:10

Aatekatho itoore* munikareni, anathipa ihime sincipale, niwoko owo aakhalano mihuwo sincipale vathi vathi wa mmattumuxani ni munghawalawani. Owo aakhalano anamiteko mmattamwawe ni imatta sa iwuuvasawe, mmattumuxani ni muthaadyirani, niwoko wannamusivela olima.

2 Nyaha 32:29

Aateka isidade, anakhalano mihuwo sincipale, niwoko Muluku aamvahaxa mihakhu soowaattaxa.

Yobi 1:10

Moomurukureerihela exiri yoomwaakiha yoowo, emusaawe ni sootheene oraaweno. Nyeenyuweene mooreeliha sootheene ompakaawe, moota wooweera mihuwosawe sootheene soomwareela mulaponi yootheene.

Yobi 1:4

Anamwane asilopwana yannakhovelela opaka ifesta owaani, khula mutthu emaaraawe, ni yannaalattula axirokoraya araru weera ece ni ewureno.

Yobi 21:28

Koosuwela weera munookoha: “Eri woowi empa ya neethi ni iheema ankhalaayamo atakhali?

Yobi 29:25

Ti miyo kaathanlela ephiro, ni kaakilaathi ntoko muhoolelaaya; kaakhala ntoko mwene eriyari ya anakhottwaawe. Kaari ntoko namapembesa a yaale aniinla.

Yobi 31:25

Nkiikuxerenreno mihakhusaka, sooreela sootheene seiyo matataaka yaawinnaaya.

Yobi 31:37

Miyo kaamunleela sa weettawaka wootheene; kaammwaattamela ntoko mwaana mulopwana a mwene.

Yobi 42:10

Yobi aavekelenleene asinthamwenaawe, Yave aamweettiherelatho nnenesene, anamvaha iphura sa seiye aarinaawe khalayi.

Yobi 42:12

Yave aareeliha mpatta wookisera wa okumaawe opwaha woopacera. Owo aakhalano ikhondoolo 14 000, ikamelu* macira miloko mithannamosa, imombe soolimano macira muloko ni abuuru macira muloko.

Masu a Miruku 10:22

Mareeliho a Yave othadyiriha, ni khaantakanseraru wakhalaru othanana.

Yeremiya 49:28

Vano yeeyo Yave onghimaawe mwaha wa oKedari ni imwene sa oHazori, mwa seiye Nebukadenezari, mwene a oBabiloniya, aawinnaawe ti ela: Mwiireherere, ngwaneno oKedari ni mphwate muloko wa mpatta ninkhuma nsuwa.

Nuumeru 23:7

Vano Biliyami aalaleiya mutthenga ola: “Balaki okiruuhale oHarani, mwene a oMowabe okikuxale mmanyaakoni sa mpatta ninkhuma nsuwa. Owo aaheera: ‘Murwe mukilaphele Yakobe, murwe mulaleiye woopopiheya wa aYixrayeli!’

Ahooleli 6:3

Imaara sootheene aYixrayeli yaalaaya, aMidiyani, awAmeleki ni miloko sikina sa mpatta ninkhuma nsuwa sannaaphutuwela.

Ahooleli 6:5

Awosa yaarwa eruuhaka mihuwosaya ni iheemasaya erwaaka ntoko nasope. Khayaalikeleya atthwaaya ni ikamelusaya. Khayaawereya owaalikela alopwana ni ikamelusaya. Yannakwanela elapo yootheene weera ehuhule.

Ahooleli 7:12

Vano, aMidiyani, awAmaleki ni miloko sootheene sikina sa mpatta ninkhuma nsuwa saathukumana mureyareyani. Yaahaattaxa ntoko nasope ohinaalikeleya. Hiiho ntoko ehaava ya mphareiya nave khayaalikeleya ahaacaaya.

Ahooleli 8:10

Vano Zeba ni Zalenuma yaari oKarekari vamoha ni anakhotto wookwanaka 15 000 – yaale yaahanle wa anakhotto a miloko sa mpatta ninkhuma nsuwa. Wookwanaka anakhotto 120 000 yaahookhwa.

1 Samuweli 25:2

Mulopwana mmoha a oMawoni, namapuhaxa, aakhalano imatta oKarameli. Aakhalano ipuri macira muloko ni ikhondoolo macira miloko miraru mwa seiyo aametthaawe oKarameli.

1 Samuweli 27:9

Khula emaara Davide aawananaawe muttetthe, aawiiva ootheene, mene aakuxa ikhondoolo, imombe, abuuru, ikamelu* ni ikuwo. Vahoolowaya aahokoleela wa aKixi.