Yesaya 9:7 - Emakhuwa Bible

⁷ Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Yesaya 9:7 Iomraidhean Croise

2 Samuweli 7:16

Emusaanyu ni omwenaanyu onuukhale wa mahuku ootheene ohoolowaka; ehicaanyu ya emwene eniipwaherere wa mahuku ootheene.’”

2 Mamwene 19:31

Vekhaikhai okhuma oYerusaleemu ni omwaako Siyoni eniihalahalemo akumi. Nthiti na Yave a ikuru sootheene nnookwanihera yeeyo.

Icipo 2:8

Okivekele ni Miyo kinimoovaha olamula miloko ntoko yoohiyeriwa ni elapo yootheene ntoko yawawo.

Yesaya 11:1

Niphuwa nnoophuwa munikottoni mwa Yixai; mukwankhwaarinimwawe enoophuwa ephandi enyowani.

Yesaya 16:5

Ehice ya emwene enookhalihiwa moosivelani; moororomeleyani mulopwana onookilaathimo – mmoha a ekhapira ya Davide: Mphuki onaasaasa ekhaikhai aakuveyaka waakiha eri ya ekhaikhai.

Yesaya 2:4

Owo onoothoriha eriyari ya miloko ni onimuuluma minyakunyaku sa miloko sincipale. Awosa anootatuxa ikatanasaya ixaruwa ni mavakaaya icikwaakhwa. Muloko mmoha khookuxaru ikapwitthi soowanelano muloko mukina hata khasiirehererelatho owana.

Yesaya 26:11

Ii! Yave, ntatananyu nootheteiwa, mene awosa khaanoona. Awosa yooneke nthiti munkhalelaanyu mulokwaanyu ni yuulihiheye muru; mooro athokororeliwaaya amwiittanaanyu waalalihe.

Yesaya 37:32

Vekhaikhai okhuma oYerusaleemu ni omwaako Siyoni eniihalahalemo akumi. Nthiti na Yave a ikuru sootheene nnookwanihera yeeyo.

Yesaya 40:10

Moone, Yave onlamula sootheene onrwa ni ikuru, Owo onlamula ni moonowaawe wa ikuruxa. Moone, ntthuvelonawe nri ni Yoowo, aani nri ni Yoowo.

Yesaya 42:13

Yave onoovenya ntoko mulopwana oowera, ntoko nakhotto ooweraxa onootannya nthitinawe; onimwaawina amwiittanaawe ni okhuwelela wa ekhotto.

Yeremiya 23:5

“Anoophiyera mahuku,” onghima Yave, “Miyo kineeraaka kimurehererele Davide Ephuwela ya Ekhaikhai, mwene anaalamule ni miruku ni anaapake yeeyo eri yoororomeleya ni ya ekhaikhai mweelaponi.

Daniyeli 2:35

Vano eyuuma, oloko, ebronze*, eparatha* ni eyuuma yoorikaxa saanyaanyiwa sinakhala ntthupi ntoko makamba vanipuroni nimveeriwa* etrigu ehuhu ya elimwe. Epheyo yaavaviha seiyo sihihiyaka eneneero ya okhalawaya. Vaheera nluku naaswannye ecaambulo naathatuwa mwaako woorakamelaxa osulu ni waasareya elapo ya vathi yootheene.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Axewu 2:9

‘Ovuwa wa Empa enyowani ya Muluku ela, onimunnuwaxa opwaha wa khalayi,’ oneera Yave a ikuru sootheene. ‘Ni kinookhaliha murettele nipuro nna,’ onghima Yave a ikuru sootheene.”

Matheyo 1:23

“Mwaamwali oowiikosoopa anaarupale, ni anaamuyare Mwaana Mulopwana ni atthu eniimwiitthane Emanuweli, entaphulela: Muluku ni hiyo.”

Yohaane 12:34

Atthu ancipale yaamweerela: “Nohiiwa munlamuloni weera Kristu anaakhale mahuku ootheene. Mungwera hai weera: ‘Ontthuneya ottukhuliwa Mwaana a mutthu?’ Taani Yoowo Mwaana a mutthu?”

aHeberi 1:8

Mwahatho wa Mwaana, eenre: “Ehicaanyu ya olamula eri yoohimala, ni ekopo ya omwenaanyu eri ya ekhaikhai.

aHeberi 7:24

Hapotho weera Yeesu onkhala mahuku ootheene, ookhalano osaserdoti* woohimala.

Ethupululo 19:11

Kaahoona wiirimu ohuleiyeene ohoolowaka ni ekavalu* yootteela mwa yeeyo Namweettihaaya oniitthaniwa Oororomeleya ni Ekhaikhai. Owo onthoriha ni ongwana ni ekhaikhai.