Yesaya 9:6 - Emakhuwa Bible

⁶ Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yesaya 9:6 Iomraidhean Croise

2 Samuweli 7:13

Ti yoowo anaakitekele Empa attittimiherelaka Nsinanaka ni kinoolipiha ehice ya omwenaawe wa mahuku ootheene.

2 Samuweli 7:16

Emusaanyu ni omwenaanyu onuukhale wa mahuku ootheene ohoolowaka; ehicaanyu ya emwene eniipwaherere wa mahuku ootheene.’”

1 Mamwene 10:9

Yave Mulukwaanyu atthapeliwe, mwa Yoowo osiveliwe ni nyuwo ookhalihakani vahiceni ya emwene wa oYixrayeli. Owo ohookhalihani ntoko mwene weera mukwanihere ekhaikhai ni olamula nnene niwoko na osivelawawe woohimala muloko wa aYixrayeli.”

1 Mamwene 2:33

Nthowa na okhwa iwe nnimmorele Yowabe ni ekhapiraawe wa mahuku ootheene. Vaheera murettele wa Yave okhale wa mahuku ootheene ni Davide, ekhapiraawe, emusaawe ni ehicaawe ya emwene.”

1 Mamwene 2:45

Vaheera mwene Salomoni onooreelihiwa ni ehice ya emwene ya Davide enoopwaherera mahuku ootheene vamaithoni wa Yave.”

Nehemiya 9:32

Vano, Mulukwaahu ori Muluku Mutokweene, a ikuru ni oovuwaxa, mwa Yoowo onttittimiha wiiraanawawe wa osivela ni oosareya ikharari, mukhaleke oopwatthela othanana wootheene wu onirweenle hiyo, mamwenaahu, asitokweenaahu, asaserdotaahu, maprofeetaahu, asitithihu ni mulokwaanyu wootheene, okhuma mahuku a mamwene a wAsiriya mpaka olelo.

Icipo 45:3

Ii, Namaweraxa! Muherere ekatanaanyu muyuununi; mwiiwariheno ovuwa ni waaraxa.

Icipo 45:6

Ehicaanyu ya emwene, Muluku, enoopwaherera mahuku ootheene; ekopo ya emwene ya ekhaikhai enookhala ekopo ya omwenaanyu.

Icipo 45:7

Nyuwo munsivela ekhaikhai muthanyaka sootakhala. Tivawo Muluku Mulukwaanyu oothanlalaaweni variyari wa asikhwiinyu oottikitthelakani makhura a ohakalala.

Icipo 50:1

Yave, Muluku ooweraxa, onuuluma alattulaka elapo ya vathi okhuma ninkhuma nsuwa mpaka ninkelaayawo.

Icipo 72:17

Nsinanawe nipwaherereke wa mahuku ootheene ni epilaawe elekele nsuwa noopaka. Miloko sootheene sinooreelihiwa mwa yoowo ni awosa anoomweerela ooreelihiwa.

Icipo 72:3

Nyaako siruuhele mpuha muloko ni mattumuxa eruuhele soowiima sa ororomeleya.

Icipo 72:7

Mmahukunimwawe oororomeleya anoottuva ni weetteleya nnene onimwaatta mpaka ommaleloni wa mweeri.

Icipo 85:10

Osivela ni ororomeleya onookumanela; ekhaikhai ni murettele sinoobeecana.

Icipo 89:5

Munthukumanoni wa ootteela wiirimu onttottopela sootikhinihasanyu Yave, nitho ororomeleyawanyu.

Masu a Miruku 8:23

kikhalihiwe okhuma khalayi, aani ompacereroni, ehinaaye okhala etthaya.

Yesaya 10:21

Oohalahala a oYixrayeli onoohokolowa, aani oohalahala a Yakobe onoohokoleela wa Muluku Ooweraxa.

Yesaya 11:5

Ekhaikhai eniikhale yoowiitthukelano vakakasani ni ororomeleya laamba a muyuununi.

Yesaya 16:5

Ehice ya emwene enookhalihiwa moosivelani; moororomeleyani mulopwana onookilaathimo – mmoha a ekhapira ya Davide: Mphuki onaasaasa ekhaikhai aakuveyaka waakiha eri ya ekhaikhai.

Yesaya 26:12

Yave, Nyuwo moonikhalihera murettele; moonipakela sootheene niwenraahu.

Yesaya 26:3

Nyuwo Yave munoomuthokorora ni mmuretteleni wookwanela yoole olakelanxe niwoko onoororomelani Nyuwo.

Yesaya 28:29

Sootheene iyo sinrweela wa Yave a ikuru sootheene, oohilikanxereya moolakanimwawe ni Muneene miruku.

Yesaya 32:1

Moone, mwene onoolamula moororomeleyani ni anamalamula anoolamula mweekhaikhaiyini.

Yesaya 37:32

Vekhaikhai okhuma oYerusaleemu ni omwaako Siyoni eniihalahalemo akumi. Nthiti na Yave a ikuru sootheene nnookwanihera yeeyo.

Yesaya 53:10

Hata hiiho waari otthuna wa Yave omuhonona ni omuhooxa ni, Yave aaroopakaru okumaawe yooveleelela nthowa, Owo onimoona ekhapiraawe ni animwaandyeerereya mahukwaawe ni otthuna wa Yave onimweetteleya nnenesene mmatatanimwawe.

Yesaya 53:2

Owo unnungwe ohoolowawe ntoko niphuwa nikhaanene ni ntoko mukwankhwaari vatthayani yoowuumelela. Owo khaaphwaneliwaru hata khaattittimiheya weera nimusivele, veekhalelonivawe khayaariworu etthu yoonihaaweliha yoowo.

Yesaya 53:5

Ookhomeliwa niwoko na sootthekasahu, oohononiwa niwoko na soonanarasahu; ottaruxa oniwerenle murettele waari wawawe ni noolamihiwa ni makhwattaawe.

Yesaya 63:16

Wa soothesene, Nyuwo ti Atithihu. Abrahaamu khanisuwenle ni Yixrayeli khanaanoonne; Nyuwo, Yave, ti Atithihu ni okhuma khalayi muniitthaniwa Mvuluxaahu.

Yesaya 66:12

Vano Yave oneera ha: “Kinoomvaha yoowo murettele ntoko mooloko ni mihakhu sa miloko ntoko wuupa wa okumburula. Munimwaamwa mwaakandiweene ni otutheliwa vaciroroniwaya.

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Yesaya 8:18

Miyo kiri va vamoha ni anamwane Yave okivanghaawe. Hiyo nri ineneero ni icaambulo oYixrayeli sinrweela mpatta wa Yave a ikuru sootheene, mwa Yoowo ommaka vamwaako Siyoni.

Yeremiya 31:22

Ii! Mwaana muthiyana oohiroromeleya, mpaka yaakhani nyuwo munxoraxoraanyu? Yave oopattuxa etthu enyowani mulaponimu: Muthiyana onimwaakiha nakhotto.”

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Axewu 2:9

‘Ovuwa wa Empa enyowani ya Muluku ela, onimunnuwaxa opwaha wa khalayi,’ oneera Yave a ikuru sootheene. ‘Ni kinookhaliha murettele nipuro nna,’ onghima Yave a ikuru sootheene.”

Matheyo 1:1

Ela elivuru ya ikhapira sa Yeesu Kristu, Mwaana a Davide, mwaana a Abrahaamu:

Matheyo 1:23

“Mwaamwali oowiikosoopa anaarupale, ni anaamuyare Mwaana Mulopwana ni atthu eniimwiitthane Emanuweli, entaphulela: Muluku ni hiyo.”

Matheyo 11:27

Itthu sootheene kivahereriwe ni Atithaka. Khaawo amusuwenle Mwaana, ehikhanle Atiithi, ni khaawo aasuwenle Atiithi ahikanle Mwaana ni yaale Mwaana ontthunaawe owoonihera Atiithi.

Matheyo 28:18

Yeesu aawaattamela yaawo ni aaweerela: “Koovahiwa ikuru sootheene sa wiirimu ni vathi.

Luuka 1:35

Ndyelo aamwaakhula: “Munepa Wootteela onimoorweelani ni ikuru sa Musulusulu nsookhuneeleni ni erungwaawe. Hiiho, Yoole Ootteela anaayariwe, aniitthaniwe Mwaana a Muluku.

Luuka 2:11

Olelo, musidadeni ya Davide, mooyareliwa nyuwo Mvuluxa ori Kristu, Apwiya.

Luuka 2:14

“Ovuwa okhale wa Muluku Musulusulu, ni vathi vaava murettele wa yaale animusiveliha Muluku.”

Luuka 21:15

Vano, Miyo nkoovaheeni masu ni miruku moota wooweera khaawo mmoha a amwiittanaanyu aneera awere otapanyiha, naari ovaanyiha.

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 1:16

Ootheene hiyo nohaakhela wa soowaattasawe mahala mwa mahala.

Yohaane 14:27

Kinoohiyerani murettele; murettelaaka kinimoovahani. Miyo nkinoovahani ntoko elapo ya vathi emvahaaya. Sihituthuwe mirimasanyu, hata muhoove.

Miteko 10:36

Nyuwo moosuwela mutthenga orumihiwe ni Muluku wa muloko wa aYixrayeli, onuuluma sa masu ooreeraxa a murettele mwa Yeesu Kristu, Apwiya a ootheene.

Miteko 20:28

Mwiipasoope nyuwo asineenaanyu ni muhuwo mwa yoowo Munepa Wootteela owiikaathenraayani ntoko asitokweene ankosoopa*, weera mukukhulele ekerexa ya Muluku Owo othumalaawe ni ephomaawe muneenaawe.

aRooma 8:32

Yoole ohimuurenle Mwanawe mmoharu, mene omvaherenre Yeesu wa hiyo ootheene, vekhaikhai anaanivahe vamoha ni Yoowo itthu sootheenetho.

aRooma 9:5

Anamwane a asitokweene oopacera a oYixrayeli ti awaya, ni mweerutthuni Kristu aari a ekhapiraaya. Muluku oopwaha itthu sootheene ooreelihiwa mahuku ootheene. Ame*.

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

1 aKorinto 15:25

Ontthuneya weera Owo alamule mpaka ehuhuweene yeeyo amwiittana ootheene eneeraaya yiikaathiwe vathi wa inaawosawe.

2 aKorinto 5:19

weera Muluku mwa Kristu iiraanyiha elapo ya vathi ni mwaneenaaweru, ahaalikelaka soottheka sa atthu. Owo aanivaherera hiyo masu a wiiraana.

Deuteronomiyo 10:17

niwoko Yave Mulukwaanyu ti Muluku a miluku ni Yave aasipwiiya; Muluku Mutokweene, Ooweraxa ni Oowoopiha, oohinthalu, akhoottaka makhwankwa.

aKolosi 2:3

Mwa Yoowo soovithiwa mihakhu sootheene sa miruku ni sa esuwelo.

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

Titu 2:13

niwehereraka oweherera wooreelihiwa: wooniheriwa woovuwa wa Mulukwaahu Mutokweene ni Mvuluxa Yeesu Kristu.

aHeberi 1:8

Mwahatho wa Mwaana, eenre: “Ehicaanyu ya olamula eri yoohimala, ni ekopo ya omwenaanyu eri ya ekhaikhai.

aHeberi 13:20

Ti ohaawelawaka weera Muluku a murettele omvenyererihale Yeesu Apwiyaahu, Mukukhuli mutokweene a ikhondoolo, mwa Yoowo owenre ni ephomaawe wiiraanyiha woohimala,

1 Yohaane 5:20

Noosuwelatho weera Mwaana a Muluku aahoowa ni oonivaha wiiwexexa weera nimusuwele Yoowo ori Ekhaikhai. Ni hiyo ninkhala mwa Yoole ori Ekhaikhai, mwa Mwanawe Yeesu Kristu. Owo ti Muluku a ekhaikhai ni okumi woohimala.

Ethupululo 19:16

Mmukaandyonimwawe ni vatakhwiniwawe noolempwa nsina nna: MWENE A MAMWENE NI APWIYA A ASIPWIIYA.

Ahooleli 13:18

Ndyelo aamwaakhula: “Munkohera heeni nsinanaka? Ti nootikhinsa.”