Yesaya 9:5 - Emakhuwa Bible

⁵ Iboota sootheene sa nakhotto singwareliwa mukhottoni ni soowara sootheene soosareya ephome sinoohisiwa ntoko ikhuuni vamooroni.

Yesaya 9:5 Iomraidhean Croise

Epacerero 32:30

Yakobe aatteha nipuro nne Peniyeli, eeraka: “Koomoona Muluku ttunda ttunda, Wa soothesene, okumaaka wohuureleya.”

Icipo 46:9

Owo ommaliha ikhotto mulaponimu yootheene; Owo onintaka nyuupa anyaanyaka mavaka ahisaka ixikudu* ni mooro.

Icipo 72:3

Nyaako siruuhele mpuha muloko ni mattumuxa eruuhele soowiima sa ororomeleya.

Okhuma 23:21

Nnene mwiiwelele yeeyo owo onghimaawe muhimvaanyeke, niwoko kharwa alevelela ovaanyawanyu neenre Nsinanaka nikhalaka mwa yoowo.

Yesaya 13:4

Mwiiwe onyakula vamwaako ntoko wa atthu ancipalexa. Mwiiwe ti okhuweliwa variyari wa omwene ntoko miloko sithukumanaka munkuttulani woowaatta. Yave a ikuru sootheene onaathukumanyiha anakhotto weera ewane.

Yesaya 2:4

Owo onoothoriha eriyari ya miloko ni onimuuluma minyakunyaku sa miloko sincipale. Awosa anootatuxa ikatanasaya ixaruwa ni mavakaaya icikwaakhwa. Muloko mmoha khookuxaru ikapwitthi soowanelano muloko mukina hata khasiirehererelatho owana.

Yesaya 30:33

oTopeti woorehereriwa khalayi; ooreherereliwawo mwene. Moorowaaya ti woowaattaxa ni mutokotoko, okukumaka. Iphumu sa Yave simpatta ntoko enxofre* evarelaka mooro.

Yesaya 37:36

Vano ndyelo a Yave aarowa yaakonenlaayawo awAsiriya, anawiiva anakhotto 185 000. Oxaawaya evenyakaru akinaawo, yaaphwanya yaakonenlaayawo osareiyeene mittembo!

Yesaya 4:4

Yave onoorapiha ohitteela wa asithiyana a oSiyoni; onootteeliha ephome eyeehiwe oYerusaleemu ni munepa wa othoriha ni wa mooro.

Yesaya 9:4

Vano Nyuwo moopwexa yoolemela yaahasula, etthaabwa enlimano emombe yaari mmakhatanimwaya ekopo yaattaruxelaayano anamahasula, ntoko nihuku na owiniwa wa oMediya.

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yeremiya 23:5

“Anoophiyera mahuku,” onghima Yave, “Miyo kineeraaka kimurehererele Davide Ephuwela ya Ekhaikhai, mwene anaalamule ni miruku ni anaapake yeeyo eri yoororomeleya ni ya ekhaikhai mweelaponi.

Yeremiya 47:3

woowiiwa oruma wa mikhitto sa ikavalu* khira khira, onyakula wa ikaarosaya sa ekhotto, ni ophirikeya wa marekwaaya. Asitiithi kheehokolowa weera yaakhavihere anamwanaaya, niwoko matataaya anootteenguwa.

Yoweli 2:5

Simvinuwa nyaako ni onyakulawaya onlikana ni oruma wa ikaaro sa ikavalu*, ntoko otetereya wa mooro onlaliha masaara, ntoko anakhotto ancipalexa oolikaneene owana.

Levitiku 3:11

Musaserdoti* ahiseke valtaarini* ntoko yooca yoovahiwa Yave, yooveleela erehereriwe vayikho.

Levitiku 3:16

Asaserdoti* ehiseke valtaarini* ntoko yooca, yooveleela yoorehereriwa vayikho, yoowunkhelaxa. Makhura ootheene ekhaleke a Yave.

Mikeyasi 5:1

Ii! Esidade ya anakhotto, mwaathukumanyihe anakhottwaanyu, niwoko oYerusaleemu wooriciwa. Muhooleli a oYixrayeli, onoovulalihiwa ekhove ni ekopo.

Nahumi 3:2

Mwiiwe oruma wa ikwamba ni ophirikeya wa mareko; mikhitto sa ikavalu* ni otura wa ikaaro sa ekhotto!

Zakariya 6:13

Ti yoowo aneera ateke Empa ya Yave ni owo onoowarihiwa ni ovuwa, alamulaka akilaathiyeene vahiceniwawe ya emwene. Ni owo onookhala musaserdoti* vahiceniwawe. Vano onookhala murettele variyari wa esaserdotaawe ni emwenaawe.’

Matheyo 3:11

Miyo kinoopatisani ni maahi mpaka orukunxa murima. Ottuliwaka onimoowa Mukina ooweraxa ookipwaha miyo. Nkiphwanenle okuxa ikwakwaattasawe. Yoowo anoopatiseni ni Munepa Wootteela, nitho ni mooro.

Miteko 2:19

Nkoonihere sootikhiniha wiirimu ni ineneero vathi va, ephome, mooro ni mahutte a mwiixi.

Miteko 2:3

Yaahoona itthu soolikana ntoko malumi a mooro, ekawanyeyaka ni nlumi ti nlumi naammorela mmurumwawe mutthu ti mutthu a yaawo.

2 aTesalonika 1:8

Vano, Awo eniyaattaruxe yaawo ahimusuwenle Muluku, ni ahiniiwelela masu ooreeraxa a Apwiyaahu Yeesu.

Ahooleli 13:18

Ndyelo aamwaakhula: “Munkohera heeni nsinanaka? Ti nootikhinsa.”

1 Samuweli 14:19

Sawuli uulumaka hiihaale ni musaserdoti*, onyakuleleya wa yaakonenlaayawo aFilisti waamutepa. Hiiho Sawuli aamweerela musaserdoti*: “Khoontthuneya waaruuha Arka*.”