Yesaya 9:4 - Emakhuwa Bible

⁴ Vano Nyuwo moopwexa yoolemela yaahasula, etthaabwa enlimano emombe yaari mmakhatanimwaya ekopo yaattaruxelaayano anamahasula, ntoko nihuku na owiniwa wa oMediya.

Yesaya 9:4 Iomraidhean Croise

Epacerero 27:40

Weyo onuukhalele okumi ekatanaawo ni onuumurumeeleke munneiyo. Weyo waahivilelaxa onuupase onyooro wa okaporo.”

Icipo 125:3

Ekopo ya atakhali kheepwaherera mweelaponi avahiwaaya oororomeleya, niwoko waari hiiho, mpaka oororomeleya yaaheereke opaka soonanara.

Icipo 81:6

Owo aaheera: “Kaahaarula murindi yaathatenlaaya; matataaya aatapuxeya wa soolemela.

Yesaya 10:16

Tivawo Namalamula, Yave a ikuru sootheene onaarumihelaawe eretta yoophwata anakhottwaawe ooweraxa; vanipuroni na ovuwawawe onoopattihiwa mooro ntoko malumi ooviha.

Yesaya 10:5

Ii!, awAsiriya anoohaawa! Awosa ti ekopo ya onyoonyiwawaka ni mmatatanimwaya ori murepettho wa isarasaka.

Yesaya 14:25

Kinoophwata wAsiriya mwelaponimwaka; kinimwaanyikalela mmanyaakonimwaka. Yoolemelaaya enoovenxiwa mwa mulokwaaka ni murittaaya mmakhatanimwaya.”

Yesaya 16:4

Anamatthawa a oMowabe ekhaleke ni nyuwo; mukhaleke yoowaakihaaya wa namaphwata.” Namahasula onoomalihiwa, ophwatiwa onoomalatho. Namwiittana onkoongora mweelaponi.

Yesaya 47:6

Kaanyoonyeriwa mulokwaaka kinanarihaka yoohiyeraaka; kaawinnyerera mmatatanimwanyu ni nyuwo, Babiloniya, khamwaamorenle ikharari. Mpaka mwaawiikaathera yoolemelaxa anamuuluvala.

Yesaya 49:26

Kinoopakiha weera anamahasulaanyu yiikhuure; anoohapaliwa ni ephomaaya ntoko ereene eviinyu. Vanonto atthu ootheene anoosuwela weera Miyo, Yave, ti Mvuluxaanyu, Namoopolaanyu, Ooweraxa a Yakobe.”

Yesaya 51:13

Munimuttiwalelani Yave Mpattuxaanyu, mwa Yoole okunge erimu ni opanke mathipelo a elapo? Heeni munkhalaanyu ngwoovani mahuku ootheene niwoko na isara sa anamahasula antthunaxa ophwata? Vano siri woowi isara sa anamahasula?

Yesaya 52:2

Mutathele ottai ntthupinanyu, Ii! oYerusaleemu, mvenye ni mukilaathi vahiceni ya emwene. Ii! Mwaana muthiyana a oSiyoni, mwiitapuxe onyooro ori muxikomwanyu.

Yesaya 54:14

Munookhalihiwa moororomeleyani: onimoorakamelani ohasuliwa; khamurwa moova etthu. Woopopiha onoosuseeriheliwa ottaiwanyu; iwo khoowaattamelani.

Yesaya 9:5

Iboota sootheene sa nakhotto singwareliwa mukhottoni ni soowara sootheene soosareya ephome sinoohisiwa ntoko ikhuuni vamooroni.

Yeremiya 30:8

Nihuku nno,’ onghima Yave a ikuru sootheene, kinoophwata nivatta noolemela nri muxikomwaya ni kinoopasa onyoorowaaya; kheepakiwatho ipottha ni anamarwa.

Yeremiya 48:17

Amwiittanaaya ootheene ni ootheene asuwenle epilaaya elalamikele. Awosa yeereke: ‘Moota yintakiwaaya ekopo yoowera, ekopo ya emwene yoovuwaxa!’

Levitiku 26:13

Miyo ti Yave Mulukwaanyu ookhumihaleni wExipitu weera muhikhaletho ipottha sa awExipitu; Miyo koopwexa mavatta a opotthaanyu kiweettihakani moota wootapuxeya.

Nahumi 1:13

Kinoovenxa soolemelasanyu muxikomwanyu kootaphulakani aliceemaanyu.”