Yesaya 7:13 - Emakhuwa Bible

¹³ Vanonto, Yesaya aaheera: “Hear Mwiiwe, nyuwo emusi ya Davide. Khawookwanneni waakhulumula atthu? Munimootatho opixa murima wa Mulukwaaka?

Yesaya 7:13 Iomraidhean Croise

Epacerero 30:15

Leya aamwaakhulatho: “Khawookwanneni mwaakuxalaanyu aiyaka? Nlelo muntthuna okaakhatho soowiima sa madragora* okiruuhenlaawe mwanaka?” Rakheli aamwaakhula: “Vanonto Yakobe akoneke ni nyuwo ohiyuweene yoola naakakhanyihaka ni madragora* oruuhale mwaninyu.”

2 Nyaha 21:7

Vanonto, Yave khaatthunne ophwata ekhapiraawe niwoko na wiiraana aapankaawe ni Davide. Owo aaroromeliha opwahereriha wa mahuku ootheene ekhapira ya Davide vahiceni ya emwene.

Icipo 45:5

Nyuupasanyu soowiithihiwa sihomeke mirima sa amwiittana a mwene; miloko simoreleke vathi wa inaawosanyu.

Yesaya 1:14

Kinthanyaxa ifestasanyu sa nyeeri sinyowani ni sa sikina; seiyo soothatuwa soolemela wa Miyo. Nkingwera ovilelatho.

Yesaya 1:24

Tivawo, muneene Yave a ikuru sootheene, Ooweraxa a oYixrayeli onlaleiyaawe: “Ii! Kinimwaapattihera isara awananaaka ni kinoowiinlela ikukuttula amwiittanaaka.

Yesaya 22:22

Kinoomuthateliha exaavi ya omwene wa Davide; yeeyo aneeraawe ahule, khaawo anaawere owala, ni yeeyo aneeraawe awale, khaawo anaawere ohula.

Yesaya 25:1

Ii! Yave, Nyuwo ti Mulukwaaka. Kinimoovuhiwani ni kinoottottopela Nsinananyu, niwoko moopaka itthu sootikhiniha moororomeleyanimwanyu wookwanela – itthu saavaaneliwe khalayi.

Yesaya 43:24

Khamukithumenle etthu yoowunkhelaxa hata khamukivanghe makhura a sooveleelasanyu. Vaheera mukilemelihenre sootthekasanyu ni mukikhulumunle ni sootakhalasanyu.

Yesaya 63:10

Waarookhalaru hiiho awosa yaamurukunuwela, enathananiha Munepaawe Wootteela. Tivawo Owo aathatungwaawe Mwiittanaaya ni Owo muneenaawe aahaawanano.

Yesaya 7:12

Vaheera Ahazi aamwaakhula: “Nkimvekela; nkirwa kimoota murima Yave.”

Yesaya 7:2

Vano mwene aaleeliwa: “awArami aawiiraanano awEfrayimi.” Hiiho murima wa Ahazi ni mulokwaawe waathukumela, ntoko nyiri sa moothakoni siniinihiwaaya ni epheyo.

Yeremiya 21:12

Ii! Ekhapira ya Davide, Yave oneera ha: Mpake ekhaikhai khula oxeexelo ni mmoopole mmatatani mwa namahasula yoole ohuhuliwe. Waahikhala hiiho, isarasaka sinoopatta sihiseke ntoko mooro woohicipiheya niwoko na soonanara mumpakaanyu.

Yeremiya 44:22

Yave ahiweraka ovilelatho sootakhalasanyu ni ipakelo soohiirasanyu, elapwaanyu yoophwateya ni yoohiiwa ttewu, yoothatuwa nlapho ni kheemakiwe, ntoko onooneyaaya olelo.

Yeremiya 6:11

Mene miyo koosareya isara sa Yave ni nkingweraru okhalano.” Mwaayeehere seiyo anamwane mmiseweni ni amiravo anthukumana mikuttula mikuttula; asiiya ni axaaraaya anoophwanyiwa ni seiyo ni hiihotho anamuuluvala – yaawosa arino iyaakha sincipale.

Ezekiyeli 16:20

Vano nyuwo mohaakuxatho anamwaniinyu asilopwana ni asithiyana mwaakiyarenlaanyu, munaaveleela ntoko sooca wa miluku sikina. Opuutaanyu khawookwanneni?

Ezekiyeli 16:47

Nyuwo khamweettiye paahi mphironimwaya mutakihaka soopakasaya soohiira, menetho mphironimwanyu moothemwene wowaakuveya mootepaxa otakhala waapwaha yaawo.

Ezekiyeli 34:18

Khawookwanneni oca mooreera? Onootthuneyatho onyikalasa mooca ohanle? Khayookwanneni owura maahi ooreera? Onootthuneyatho wuutuwanyera ni inaawo maahi ahanle?

Ezekiyeli 6:9

Vano, mmilokoni mmo muneeraanyu muronghiwe ootthukiweene, yaawo eneera yoopowe anookuupuwelela. Animuupuwelela moota kaathananihiwaaka ni mirimasaya sooraruwa sikihingye Miyo, ni maithwaaya yaahaawela milukusaya. Animwiixeettiha murima niwoko na yoonanara apankaaya ni na soopakasaya sootheene soohiira.

Amosi 3:13

Mwiiwe yeeyo ni mukhalele onamoona ekhapira ya Yakobe,” onghima Yave onlamula sootheene, Muluku a ikuru sootheene.

Malekiya 2:17

Nyuwosa moomukhulumula Yave ni maswaanyu. “Nimukhulumunle hai?” munkoha. Niwoko muneera: “Ootheene ampaka yoonanara ti ooreera vamaithoni wa Yave, ni Owo onnaahakalalela,” munakohatho: “Ori woowi Muluku a ekhaikhai?”

Nuumeru 16:13

Khawookwanneni onikhumihawanyu mulaponi oraayamo mukaka ni oravo weera muniivele munikareni? Muntthunatho wiikhaliha mutokweenaahu?

Nuumeru 16:9

Khawookwanneni oomwalamwalinghaaweni Muluku a oYixrayeli ni muloko mukinoowo wa oYixrayeli ni iiruuhenlaawe weera mvare muteko mutabernaakuluni* ya Yave ni weera mukhale oolikaneene orumeela muloko?

Luuka 1:69

Awo aaniwerela hiyo ovuluxiwa otokotoko mwa muloko wa murimeiyaaya Davide,

Miteko 7:51

Muloko woohiiwelela, woohiineliwa mmirimanimwanyu ni mmaarunimwanyu! Nyuwo munoolikana ni makholowaanyu – mahuku ootheene munnakhootta Munepa Wootteela!

aHeberi 3:10

Tivawo kaanyoonyeraxiwaaka ekhapireene yeele ni kaaheera: ‘mirimasaya singhapuwa mahuku ootheene, ni awo khaasuwenle iphirosaka.’