Yesaya 66:2 - Emakhuwa Bible

² Vekhaikhai, Ntatanaka noopaka itthu sootheene iya ni hiiho sookhala,” onghima Yave. Mutthu Miyo kinimuttittimihaaka ti ola: yoole ori oowiiyeviha ni a munepa woosareya omoova Muluku ni onthukumela woowiiwa maswaaka.

Yesaya 66:2 Iomraidhean Croise

1 Mamwene 21:29

“Mohoona moota Ahabi iiyevinghaawe ohoolowaka? Eenre iiyeviha, nkirwa kimuruuhela erisa ela moolamulanimwawe, mene aani alamulaka mwaniye.”

2 Mamwene 22:10

Vano namalepa, Xafani, aamweerela mwene: “Mutokweene a asaserdoti*, Hilikiya, ookivaha elivuru.” Xafani aahaasomela amwene elivuru ele.

2 Mamwene 22:11

Mwene iiwakaru masu ale a elivuru ya Nlamulo, aahaahula ikuwosawe.

Ezera 10:3

Vano niiraaneke ni Mulukwaahu niwoomolaka asithiyana ootheene ale ni anamwanaaya, nittharaka miruku sa pwiiyaaka ni sa yaale anoova malamulo a Mulukwaahu. Eyo epakiwe nittharihiwaka Nlamulo.

Ezera 9:4

Vano ootheene yoova masu a Muluku a aYixrayeli, yaathukumana ekirukureenreene niwoko na ohiroromeleya iwe wa yaale yaahokolongwe wootthukiwani. Miyo kaakilaathiwo oothananaxeene mpaka ehuhu yooveleela ya ohiyu.

Icipo 119:120

Erutthwaaka enthukumela ohoolowanyu; malamulowaanyu ankiruuhelaxa woova.

Icipo 119:161

Anamalamula ankittharatthara woohinthowa, mene murimaaka onthukumela woowiiwa maswaanyu paahi.

Icipo 138:6

Naari Yave akhalaka musulusulu, onnaaweha oowiiyeviha, vaheera ottai ottai, onnaasuwela oowiixoona.

Icipo 34:18

Yave ori vakhiviru wa yaale oothananaxa vamurimani, anaavuluxa yaale ari oopororeene.

Icipo 51:17

Sooveleela Muluku ontthunaawe ti munepa woosareya olapa; Nyuwo, Muluku khamunramusa murima woorukunuwa ni woowiiyeviha.

Icipo 51:19

Vano nsikhale sooveleela sa ekhaikhai; sooveleela soohisa soohiyanahiyana weera soohakalaliheni. Aani imombe ilopwana sinoopakeliwa sooveleela valtaariniwanyu.

Masu a Miruku 28:14

Ooreelihiwa mutthu onkhalela nthiti omoova Yave! Vaheera yoowo onuumiha murima onoomorela mwa soonanara.

Masu a Miruku 29:23

Wiixoona wa mutthu onoomuyeviha, vaheera oowiiyeviha onookhalano nttittimiho.

Yesaya 40:26

Ngwehe osulu, moone: taani opattunxe itthu sootheene iya? Yoole onkhaliha ni ontteha khula ethenyeeri. Kheendyuwaru niwoko na ikurusawe ni owerawawe otokotoko.

Yesaya 41:20

weera atthu yoone ni esuwele, yuupuwele ni yiiwexexe weera ntata na Yave nipanke yeeyo ni weera Ootteela a oYixrayeli opattunxe.”

Yesaya 57:15

Vano Oosulusuluxa, Yoowo onkhala ni okumi wa mahuku ootheene, Nsinanawe Ootteela, oneera ha: “Miyo kinkhala vanipuroni noosuluxa ni nootteela, menetho ni yoowo orino murima woothananaxa ni wooyevihiwa mmunepani weera kikakamuxe munepa wa oowiiyeviha ni opepesa murima wa oothanana.

Yesaya 61:1

Munepa wa Yave ori mwa miyo, niwoko Yave ookittikitthela weera kaalaleere oohaawa mutthenga wooreera. Owo ookirumiha weera kaakosoope yaale arino murima woothananaxa, weera kaalaleere otaphuwa anamatthukiwa ni kaatapuxe mpiphini yaawo ari mukaliposo.

Yesaya 66:5

Mwiiwe masu a Yave, nyuwosa munthukumela woowiiwa maswaawe: “Axunninyu anoothanyani ni anookhoottani niwoko na Nsinanaka yaaheera: ‘Yave avuwihiweke weera noone ohakalalawanyu!’ Wa soothesene, awosa eneera yuulihiheye muru.

Hoxeya 11:10

Awosa eniimutthare Yave; Owo anoope murika ntoko mwatto. Owo oopaka murika, anamwanaawe eniirwe ethukumelaka, ekhumaka mpatta ninkhuma nsuwa.

Mikeyasi 6:8

Ii! Mutthu, Owo oowooniherani yeeyo eri yooreera ni yeeyo Yave onnyesererihaawe: Mpake ekhaikhai, musivele ororomeleya ni mweette oowiiyeviheene ni Mulukwaanyu.

Habakuki 3:16

Kohiiwa ni murimaaka woosareya woova; eyanowaaka yaathukumela; ophwata waakitteengula ni nyettosaka saaveveleya. Hata hiiho kinooweherera ni ovilela nihuku noowuuliha muru nneera niphiyere muloko onniwanano.

Matheyo 12:6

Miyo kinooleelani weera Yoowo ori va, ti Mutokweene opwaha Empa ya Muluku.

Miteko 7:50

Khanihiyono ntatanaka nipanke itthusene seiya sootheene?’

Miteko 9:6

Muvenye ni mwavolowe musidade, vano mukina anooleeleni yeeyo entthuneya weera mupakeke nyuwo.”

aFilipi 2:12

Hiiho, oosiveleyaaka, ntoko mwiiwelelaanyu mahuku ootheene, khoohiyono miyo kaakhalaaka variyariwanyu paahi, mene wootepaxa vaanaano vaava miyo kinkhalaaka ottaiwene, mureherereke ovuluwawanyu wa mmunepani ni woova ni othukumela.

aKolosi 1:17

Sihinaaye sootheene, Owo aakhala, ni mwa Yoowo sootheene sookhala.