Yesaya 61:3 - Emakhuwa Bible

³ kaakosoope yaale aniinla oSiyoni kaavahaka ecireemba yooreera vanipuroni na ettuura, makhura a ohakalala vanipuroni na olalamika ni mukaandyo wa ottottopela vanipuroni na munepa wooriipiwa. Awosa animwiitthaniwa ikaravalyu* sa ororomeleya soophatteiwa ni Yave ntoko eyoonihero ya ovuwawawe.

Yesaya 61:3 Iomraidhean Croise

Exteri 8:15

Mordekai aavenya vamaithoni wa mwene awarenleene sa emwene sa kanka ni sootteela, ecireemba etokotoko ya eyuuma yoorikaxa ni mukaandyo wookankela wa nliinya nootteettheya. Esidade ya oSusa yaatthapa ni ohakalala.

Exteri 9:22

yuupuwelelaka ehuhu aYuda yiitapunxaaya mwa amwiittanaaya. Mweeri ole othananawaya waathatuwa ohakalala ni olalamikawaya waathatuwa efesta. Aahaalepela eerelaka weera yuupuwelele mahuku ale ntoko mahuku a efesta ni a ohakalala evahananaka ni yaavahaka oohaawa.

Icipo 104:15

eviinyu enghakalaliha murima wa mutthu; makhura ammwaariha ekhovaawe ni yooca enimvaha ikuru.

Icipo 149:4

Vano Yave onsiveleya ni mulokwaawe; onaatthuka ecireemba ya ovuluxa oowiiyeviha.

Icipo 23:5

Nyuwo munkirehererela efesta vamaithoni wa amwittanaaka. Munkittikitthela mmurumwaka ni makhura, musarihaka ekoomixaaka mpaka owanoni.

Icipo 30:11

Wiinlawaka mootatuxa wiina; mookirula sa wiinanela, munakiwariha sa ohakalala.

Icipo 30:12

Vano murimaaka ongwiipelani ohimaalaka. Ii! Yave, Mulukwaaka, kinootthapelani mahuku ootheene.

Icipo 45:7

Nyuwo munsivela ekhaikhai muthanyaka sootakhala. Tivawo Muluku Mulukwaanyu oothanlalaaweni variyari wa asikhwiinyu oottikitthelakani makhura a ohakalala.

Namalaleiya 9:8

Mahuku ootheene, ngwarele sa ofestani, ni muttikitthele makhura mmurumwanyu.

Yesaya 12:1

Vanihukuni nenenenno nyuwo munimweera: “Kinoottottopelani Nyuwo. Vano mwaakinyoonyeriwa, vaheera onyoonyiwawanyu woomala ni mookipepesa.

Yesaya 26:2

Muhule Milako weera muloko woororomeleya ovolowe, muloko ompwaherera moororomeleyani.

Yesaya 44:23

Mwiipe ni ohakalala erimu, niwoko Yave opanke yeeyo; mukhuwelaxe, nyuwo moowiixera mwa elapo. Mpacereke wiipa nyaako, nyuwosa othakho ni nyirisanyu sootheene, niwoko Yave oomoopola Yakobe, Owo onoonihera ovuwawawe oYixrayeli.

Yesaya 46:13

Kinkhuveeliha ororomeleyawaka; khoonkhala ottaiwene; ni ovuluxawaka khawooceelihiwa. Kinoovaha oSiyoni ovuluxa ni waarawaka wa oYixrayeli.”

Yesaya 52:1

Ii! oSiyoni, mvenye, mvenye, mwiiwarihe ikuru. Ii! oYerusaleemu, esidade yootteela, ngware mikaandyosanyu soovuwaxa. Oohiineliwa ni oohitteela kheevolowatho mmilakoni.

Yesaya 61:10

Kinimuhakalalelaxa Yave, munepaaka onimuhakalalela Mulukwaaka. Niwoko Owo ookiwariha ni soowara sa ovuluxiwa ni ookikuttelelano mukaandyo wa ekhaikhai, ntoko namatthomera omphwaneliha murwaawe alikanaka musaserdoti* ni ntoko ootthomeriwa oniiphwaneliha ni axiveeve.

Yeremiya 31:13

Vano aximwali animwiina ni ohakalala – mpakatho amiravo ni asitokweene. Olalamikawaya kinootatuxa otthapa; Miyo kinimwaavaha nipepeso ni ohakalala, ohikhanle othanana.

Ezekiyeli 34:29

Miyo kinimwaavaha elapo yoowiiwanyeyaxa ni soohephasaya, ni awosa kheevoliwatho etala mulaponi, hata kheetthebwiwa ni miloko.

Ezekiyeli 47:7

Kiphiyakaruwo, kaahoona nyiri sincipale wa khula mpatta wa mooloko.

Zakariya 3:5

Vano kaaweerela: “Muntthuke ecireemba yootteela.” Ni awosa yaamutthuka ecireemba yootteela, enangwariha, ndyelo a Yave oonaka.

Matheyo 15:13

Yeesu aawaakhula: “Mwiri wootheene Atithaka a wiirimu ahiphatteiyaaya, onuupheliwe ni mikwankhwaarisaya.

Matheyo 5:16

Hiihotho mwaarihe waarawanyu ohoolo wa atthu, weera yooneke mitekosanyu sooreera ni yaavuwihe Atithinyu ari wiirimu.

Luuka 15:22

Atiithitho yaaweerela arumeiyaaya: ‘Mwaakuveke! Ngwiihe ekuwo yooreeraxa ni mungwarihe. Mungwarihe mukathanimwawe munela ni inaawosawe isapato.

Yohaane 15:8

Atithaka amvuwihiwa nyuwo mwiimaxa, mooniheraka hiiho weera ti oohuseraaka.

Yohaane 16:20

Kinooleelani vekhaikhai weera nyuwo mmwiinle ni mmwilalamike elapo ya vathitho eniihakalale. Nyuwo mmwithanane, mene othananawanyu onuutatuxiwe ohakalala.

1 aKorinto 3:9

Vano, hiyo nri anamiteko a Muluku. Nyuwo muri ematta nitho yootekiwa ya Muluku.

1 aKorinto 6:20

Nyuwo moothummwa ni mutteengo. Tivawo, mumvuwihe Muluku ni erutthwaanyu.

aFilipi 1:11

Kimvekela weera musareye ni yoowiima ya ekhaikhai. Yoowiima ela enrweela niwoko na Yeesu Kristu wa ovuwa ni ottottopela wa Muluku.

2 aTesalonika 1:10

Eyo eniikhumelele vanihukuni Awo eneeraaya erwe weera evuwihiwe mwa ootteelaaya, ni ettottopeliwe ni yaawo ootheene yaaroromenle vamoha ni nyuwo muroromenle onamoonaahu.

aHeberi 1:9

Moosivela ekhaikhai ni moothanya yoonanara, tivawo Muluku ori Mulukwaanyu owunnuwihalaaweni vasulu wa asikhwiinyu, oottikitthelakani makhura a ohakalala.”

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

1 Pedru 4:14

Nyuwo mwaruwaniwa niwoko na Nsina na Kristu, munookhala ooreelihiwa, niwoko Munepa wa ovuwa, Munepa wa Muluku onkhala mwa nyuwo.