Yesaya 53:6 - Emakhuwa Bible

⁶ Hiyo ootheene nooriheya ntoko ikhondoolo, khula mutthu a hiyo oohapuwa; ni Yave oomureya Yoowo sootakhala sa ootheene hiyo.

Yesaya 53:6 Iomraidhean Croise

Epacerero 22:6

Abrahaamu aakuxa ikhuuni sa yooveleela, anamuthateliha mwanawe. Owo muneenaawe aakuxa mooro ni mwaalo. Erowaka vamoha ooweeli ale,

Icipo 119:176

Kooxoraxora ntoko ekhondoolo yoothweelela. Murwe, mmwaasaase murumeiyaanyu, niwoko nkittiwanle malamulowaanyu.

Icipo 69:4

Yaale ankithanya woohinthowa ahaattaxa opwaha mayihi a mmurumwaka. Aani, ti ancipale ankikacamiha woohinthowa, yaale anaasaasa okiiva. Kinnyesererihiwa ohokoloxa kihiiyalaaka.

Yesaya 40:2

Mwalipihe murima oYerusaleemu ni mwalaleiye weera ehuhuwaaya yoovihaxa yoomala, weera sootthekasaya sooliviwa ni weera wohaakhela mmatatani mwa Yave ottaruxiwa iphura niwoko na sootthekasaya.

Yesaya 53:10

Hata hiiho waari otthuna wa Yave omuhonona ni omuhooxa ni, Yave aaroopakaru okumaawe yooveleelela nthowa, Owo onimoona ekhapiraawe ni animwaandyeerereya mahukwaawe ni otthuna wa Yave onimweetteleya nnenesene mmatatanimwawe.

Yesaya 53:11

Vahoolo wa ohaawa wa munepaawe, Owo onimoona waara wa okumi ni onookhala oomaaleleya; ni mweesuweloni eyo, Murumeiyaaka oororomeleya onoopakiha weera ancipale yaakhuleliwe ni Muluku, akuxaka sootthekasaya.

Yesaya 53:12

Tivawo kineeraaka kimuvahe mpatta variyari wa asitokweenexa ni Owo onookawa soohuhula vamoha ni ooweraxa, niwoko ohinnyerera okumaawe mookhwaani ni aahaalikeleliwa vamoha ni anamattheka. Vano ookuxa soottheka sa ancipale aavekelelaka anamattheka.

Yesaya 53:5

Ookhomeliwa niwoko na sootthekasahu, oohononiwa niwoko na soonanarasahu; ottaruxa oniwerenle murettele waari wawawe ni noolamihiwa ni makhwattaawe.

Yesaya 53:7

Owo oohasuliwa ni oohooxiwa, mene khaahunle eyanowaawe; ntoko eputtiputthi eronghiwaka owiiviwani ni ntoko ekhondoolo emmaalaaya ohoolo wa anamametthaaya, hiihotho Owo khaahunle eyanowaawe.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yesaya 55:8

“Vano soowuupuwelasaka soovirikanaxa ni yeeyo nyuwo munuupuwelaanyu ni iphirosaka soohiyanaxa ni sawinyu,” onghima Yave.

Yesaya 56:11

Awosa ari ntoko alapwa oonyaanya; khaamvona. Awosa ari akukhuli oohiiwexexa; ootheene yaawo antthara iphirosaya asineenaaya, khula mutthu a yaawo onaasaasa enimusiveliha.

Yesaya 6:7

Aatavano eyanowaaka, anakeerela: “Moone, nna nootava eyanowaanyu; nthowananyu noovenxiwa ni sootthekasanyu sooleveleliwa.”

Yesaya 66:3

Vaheera yoole omveleela emombe ori ntoko mutthu yoowo ommwiiva mutthu ni yoole oniiva eputtiputthi ori ntoko mulopwana ompiritula exiko ya mwaaxaana a mwalapwa. Yoole ompaka yooveleela ya etrigu ori ntoko mulopwana onoonihera ephome ya ekhumba ni yoole onghisa erubani* yoowuupuwelela ori ntoko mulopwana onlapa muluku mukina woolokottha. Awosa aathanla iphirosaya ni minepasaya singhakalalela mitekosaya sa mwiikho.

Yeremiya 50:6

Mulokwaaka woothweelela ntoko ikhoondoolo sooriheya; akukhulaaya aathweeleliha, sinamwareela mmwaako. Iyo sooxoraxorela mmanyaakoni ni mmattumuxani sinattiwala munikhoolanimwaya.

Ezekiyeli 3:18

Miyo kaamweerelaka mutakhali weera onimookhwa, ni nyuwo mwaahimooperera, hata mwaahimuleela weera ahiye mweettelowaawe woonanara eerelaka woopola okumaawe, mutakhali owo onimookhwa niwoko na sootakhalasawe, vaheera wa Miyo, nyuwo munookhalano nthowa na okhwawawe.

Daniyeli 9:5

hiyo noottheka ni nookhalano nthowa. Naari atakhali ni anamavaanya; noohiya soolamulasanyu ni ikanosanyu.

aRooma 4:25

Owo aavahereriwa okhwa niwoko na sootthekasahu, ni aavenyererihiwa weera hiyo naakhuleliwe ni Muluku.

Yakobe 5:20

muupuwelele yeeyo: Yoowo onimurukunxiha murima namattheka weera ahiye ephirowaawe ya yoottheka, anaavuluxe okumi wa mutthu owo, ni anaawere elevelelo ya soottheka sincipale.

1 Pedru 2:25

Vano, nyuwo mwaari ntoko ikhondoolo soothweelela, mene vano moohokoleela wa Mukukhuli ni Mutokweene onkosoopa* okumaanyu.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

Ahooleli 21:25

Ehuhuweene yeele aYixrayeli khayaarino mwene. Khula mutthu aapaka yeeyo yaamureerela.