Yesaya 53:5 - Emakhuwa Bible

⁵ Ookhomeliwa niwoko na sootthekasahu, oohononiwa niwoko na soonanarasahu; ottaruxa oniwerenle murettele waari wawawe ni noolamihiwa ni makhwattaawe.

Yesaya 53:5 Iomraidhean Croise

Epacerero 3:15

Nkiittanihe variyariwawo ni muthiyana, variyari wa ekhapiraawo ni ya muthiyana. Owo anaaswanye murwaawo ni weyo onuulume etthottopwaawe.”

Yobi 33:24

ni Muluku amoonihera murima wooreera amweerelaka: ‘Mmuurele okhuruwela mulittini, niwoko koophwanya moota woomoopola,’

Icipo 30:2

Ii! Yave Mulukwaaka, koowiitthanani weera mukikhavihere ni mookilamiha.

Masu a Miruku 20:30

Omanakasiwa ni ovulalasa simmaliha yoonanara; owaxulasiwa ontteeliha moowiixera mwa okhalawawe.

Yesaya 40:2

Mwalipihe murima oYerusaleemu ni mwalaleiye weera ehuhuwaaya yoovihaxa yoomala, weera sootthekasaya sooliviwa ni weera wohaakhela mmatatani mwa Yave ottaruxiwa iphura niwoko na sootthekasaya.

Yesaya 57:18

Kohoona iphirosaya, mene kinimwaalamiha; kinimwaahoolela ni kinimwaapepesa,

Yesaya 6:7

Aatavano eyanowaaka, anakeerela: “Moone, nna nootava eyanowaanyu; nthowananyu noovenxiwa ni sootthekasanyu sooleveleliwa.”

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Zakariya 13:7

“Ii! Ekatana, muvenye ni ngwaneke ni mukukhulaaka, yoowo ori mukhwaaka!” ongima Yave a ikuru sootheene.”Mummane mukukhuli ni muhuwo onoomwaraxeya ni kinimwaarukunuwela asikhaani.

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

aRooma 4:25

Owo aavahereriwa okhwa niwoko na sootthekasahu, ni aavenyererihiwa weera hiyo naakhuleliwe ni Muluku.

1 aKorinto 15:3

Vano yeeyo kaakhenlaaka, miyotho kohooleelani ntoko etthu yoopacera ottittimiheya: weera Kristu okhwenle sootthekasahu ntoko Yoolempwa ehimalaaya,

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

awEfeso 5:2

ni mukhale moosivelani, ntoko Kristu onisivenlaawetho ni iivaherenre wa hiyo ntoko yoovaha ni yoowiiveleela yoomusiveliha Muluku.

Deuteronomiyo 11:2

Muupuwelele weera anamwaniinyu khaasuwenle naari khayoonne olaka wa Yave Mulukwaanyu, ovuwawawe, ntatanawe ni moonowaawe woolipaxa.

aHeberi 10:10

Mootthunani wu, nootteelihiwa niwoko na yooveleela ya erutthu ya Yeesu Kristu, evahiwe emaara emoha wa mahuku ootheene.

aHeberi 10:14

Vano, niwoko na yooveleela emoharu Owo ohaakwaneliha wa mahuku ootheene yaawo antteelihiwa.

aHeberi 5:8

Aarookhalaru Mwaana, Owo aaxuttera wiiwelela niwoko na yeeyo aahaangwaawe.

aHeberi 9:28

hiihotho Kristu oovahereriwa ntoko Yooveleela emaara emoha paahi weera avenxe soottheka sa ancipale. Anaawe emaara yanaaveeli, ohikhanle ovenxa soottheka, mene weera aaruuhele ovuluwa yaawo aningweherera.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,