Yesaya 53:10 - Emakhuwa Bible

¹⁰ Hata hiiho waari otthuna wa Yave omuhonona ni omuhooxa ni, Yave aaroopakaru okumaawe yooveleelela nthowa, Owo onimoona ekhapiraawe ni animwaandyeerereya mahukwaawe ni otthuna wa Yave onimweetteleya nnenesene mmatatanimwawe.

Yesaya 53:10 Iomraidhean Croise

Icipo 110:3

Anakhottwaanyu anookhalano murima woolipa vanihukuni na ekhotto, ewarenleene soowara sootteela; okhuma oxeexelo amirawaanyu anoothukumana wa nyuwo ntoko nikame.

Icipo 147:11

Yave onaahakalalela yaale ammoova; yaale anroromela osivelawawe woohimala.

Icipo 149:4

Vano Yave onsiveleya ni mulokwaawe; onaatthuka ecireemba ya ovuluxa oowiiyeviha.

Icipo 21:4

Owo ohoovekelani okumi ni Nyuwo moomvaha – okumi woowaatta ni woohimala.

Icipo 22:30

Anamwanaahu anoomurumeela Yave; ikhapira sa muhoolo nsileeliwe sa Yave.

Icipo 22:31

Awo eniilaleere ororomeleyawawe muloko nlelo ohiyariwe, niwoko Owo ookwanihera yeeyo.’

Icipo 69:26

Vano awosa anaasoonda yaale Nyuwo munaavulalihaanyu ni antthekulela sa ovoreya wa yaale munaattaruxaanyu.

Icipo 72:17

Nsinanawe nipwaherereke wa mahuku ootheene ni epilaawe elekele nsuwa noopaka. Miloko sootheene sinooreelihiwa mwa yoowo ni awosa anoomweerela ooreelihiwa.

Icipo 72:7

Mmahukunimwawe oororomeleya anoottuva ni weetteleya nnene onimwaatta mpaka ommaleloni wa mweeri.

Icipo 89:29

Kinookhaliha ekhapiraawe wa mahuku ootheene ni ehicaawe ya emwene enoopwaherera mpaka khalayi.

Icipo 89:36

weera ekhapiraawe enoopwaherera wa mahuku ootheene ni ehicaawe ya emwene enoolekela mpaka khalayi.

Yesaya 42:1

“Ola murumeiyaaka kinimukhaviheraaka; oothanliwaaka, mwa yoowo onkihakalaliha; mwa yoola kinoohela Munepaaka ni Owo onooruuhela miloko ekhaikhai.

Yesaya 46:10

Okhuma ompacereroni Miyo kinsuweliha ommaleloni; okhuma khalayi seiye sineera seereye. Miyo kineera: ‘Otthunawaka onoopwahereraxa ni kinoopaka sootheene sinkisiveliha.’

Yesaya 49:4

Mene keenre: “Koovara muteko wa siiyo; kimalihale ikurusene woohiphurela etthu. Wa soothesene, yeeyo miyo kimphwanelaaka eri mmatatani mwa Yave ni ntthuvelonaka nri ni Mulukwaaka.”

Yesaya 53:12

Tivawo kineeraaka kimuvahe mpatta variyari wa asitokweenexa ni Owo onookawa soohuhula vamoha ni ooweraxa, niwoko ohinnyerera okumaawe mookhwaani ni aahaalikeleliwa vamoha ni anamattheka. Vano ookuxa soottheka sa ancipale aavekelelaka anamattheka.

Yesaya 54:3

Niwoko nyuwo munimwaandyeerera mipatta sootheene; ekhapiraanyu enookuxa miloko, eniitekiha mmasidadenimwaya moothaamiwa.

Yesaya 61:9

Ikhapirasaya sinoosuweliwa eriyari ya miloko ni anamwanaaya eriyari ya amalapo. Ootheene eniiwoone animwaakhulela weera awosa ti atthu ooreelihiwa ni Yave.

Yesaya 66:22

“Mooteene yoowo erimu ni elapo enyowani kineeraaka kipattuxe empwahereraaya wa mahuku ootheene,” onghima Yave, “hiihotho nsinananyu ni ekhapiraanyu enoopwaherera.

Yesaya 9:7

Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Yeremiya 32:41

Kinoohakalalela waapakelawaka nnene, ni kinimwaakhaliha oolipeene mulaponimu ni murimaaka wootheene ni okumaaka wootheene.

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Ezekiyeli 37:25

Eniikhalase mulaponi kimvanghaaka murumeiyaaka Yakobe, elapoweene yeeyo yaakhalaaya makholowaaya. Awosa vamoha ni anamwanaaya, mpakatho osuulwaaya eniikhalewo wa mahuku ootheene, ni murumeiyaaka Davide onookhala mwaana a emwenaaya wa mahuku ootheene.

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Zefaniya 3:17

Yave, Mulukwaanyu, ori ni nyuwo, oolikaneene ovuluxa. Owo onootthapa mwa nyuwo; moosivelanimwawe onimoorehererani, Owo onimoohakalalelani mookhuwelani wa ohakalala.”

Zakariya 13:7

“Ii! Ekatana, muvenye ni ngwaneke ni mukukhulaaka, yoowo ori mukhwaaka!” ongima Yave a ikuru sootheene.”Mummane mukukhuli ni muhuwo onoomwaraxeya ni kinimwaarukunuwela asikhaani.

Nuumeru 7:15

mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

Matheyo 17:5

Alokololaka, nihutte nootteelaxa nahaakhuneela, ni mwa nenno naakhuma nsu nimoha neeraka: “Ola ti Mwanaka oosiveleyaxa. Owo onkisiveliha vancipale. Mmwiiwe Yoowo.”

Matheyo 3:17

Vano nsu nimoha wiirimu naaheera: “Ola Mwanaka oosiveleyaxa mwa Yoowo kinnahakala.”

Luuka 1:33

Owo anaalamule empa ya Yakobe mahuku ootheene. Olamulawawe onuukhale woohimala.”

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

Yohaane 12:24

Miyo kinooleelani ekhaikhai weera enuku emoha ya etrigu yaahimorela vatthayani ni yaahikhwa, eniikhale emoha paahi. Yakhwatho, eniyiime soowiima sincipale.

Yohaane 13:32

Muluku avuwihiwa mwa Yoowo, Mulukutho anaamvuwihe Mwaana muneenaawe ni anaamvuwihe woowaakuveya.

aRooma 6:9

Vano, noosuwela weera avenyererihiweene mookhwaani, Kristu khangwera okhwatho. Okhwa khoongwera omulamulatho.

aRooma 8:32

Yoole ohimuurenle Mwanawe mmoharu, mene omvaherenre Yeesu wa hiyo ootheene, vekhaikhai anaanivahe vamoha ni Yoowo itthu sootheenetho.

aRooma 8:8

Yaawo anlamuliwa ni erutthu yootthekeiya khaangwera omusiveliha Muluku.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aGalata 3:13

Kristu oonivuluxa munlaphoni na malamulo, athatuwaka nlapho vanipuroniwahu, niwoko yoolempwa: “Oolaphiwa ti ootheene yaale athomeiwale vamuttandani.”

awEfeso 1:5

Owo oonithanla ehinaaye ehuhu weera naakhuleliwe okhala anamwanaawe niwoko na Yeesu Kristu, niwoko wu waari ohakalalawawe ni otthunawawe.

awEfeso 1:9

Aanisuweliha ntikhinelo na otthunawawe niwoko na oreerawawe murima Owo oonihenraawe mwa Kristu,

awEfeso 5:2

ni mukhale moosivelani, ntoko Kristu onisivenlaawetho ni iivaherenre wa hiyo ntoko yoovaha ni yoowiiveleela yoomusiveliha Muluku.

2 aTesalonika 1:11

Nuupuwelaka yeeyo, ninnavekela woohihiyerera wa nyuwo, weera Muluku oophwaneliheni wiitthaniwawanyu, ni akwanihere ni ikuru soohaawelasanyu sooreera sootheene ni miteko sootheene sa nroromelonanyu.

aHeberi 2:13

Nitho: “Kinoororomela mwa Yoowo.” Owo eenretho: “Kiri va ni anamwane Muluku okivanghaawe.”

aHeberi 7:27

Khahiyono ntoko asaserdoti* akina. Owo khanghaawela ovaha sooveleela nihuku ti nihuku, woopacera wa sootthekasawe, ni vahoolowaya wa soottheka sa muloko. Owo ohiiveleela khuluwi wa sootthekasaya, iivelenlaawe mwaneenaawe.

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

1 Pedru 2:24

Owo mwaneenaawe aavilela mweerutthuni sootthekasahu vamuttandani weera hiyo nikhwe wa soottheka, mene nikhale ni okumi wa ekhaikhai ya Muluku. Niwoko na makhwattaawe nyuwo moolamihiwa.

Ethupululo 1:18

Miyo ti Yoole onkhala ni okumi; kaahookhwa, mene vano kinkhala ni okumi mahuku ootheene oohimala. Ni kookhalano ixaavi sa okhwa ni sa Hadesi*.