Yesaya 51:1 - Emakhuwa Bible

¹ Mukiiwe nyuwosa muntthara yoororomeleya ni mummwaasa Yave: Mungwehe mwala mwa yoowo mwaathikiliwaanyuwo ni ompwexiwa maluku mwaathimpwaanyuwo;

Yesaya 51:1 Iomraidhean Croise

2 Nyaha 15:2

Owo aarowa omukumanano Asa, anamweerela: “Asa vamoha ni muloko wootheene wa oYuda ni oBenyamini, mukiwiriyane: Nyuwo mwakhala ni Yave, Owo onookhala ni nyuwo. Mwamwaasa, Owo onimootthuniherani omphwanya, vaheera mwamuhiya, Owotho onimoohiyani.”

2 Nyaha 15:4

Vaheera moothanananimwaya, awosa yaahokoleela wa Yave, Muluku a aYixrayeli, emwaasaka, ni Owo aatthunihera weera emphwanye.

Icipo 24:6

Ti hiiho yaale ammwaasa Yave, yaale angwaasani Nyuwo, Muluku a Yakobe. Sela*

Icipo 94:15

Nthorihelo nnoohokoleelatho mweekhaikhaiyini ni oororomeleya ootheene anootthara yeeyo.

Masu a Miruku 15:9

Yave onthanya iphiro sa atakhali, vaheera onimusivela yoowo onaasaasa ekhaikhai.

Masu a Miruku 21:21

Yoowo onaasa ekhaikhai ni ororomeleya omphwanya okumi, ekhaikhai ni ottittimiheya.

Yesaya 45:19

Nkuulumme muxiirini, mweelaponi yoosareya epiphi; nkeerenle ekhapira ya Yakobe: ‘Mukaasaase wa siiyo.’ Miyo, Yave, kinuuluma ekhaikhai, Miyo kinghima yeeyo eri ya ekhaikhai.

Yesaya 48:1

“Mwiiwe yeeyo ekhapira ya Yakobe, nyuwosa muniitthaneliwa nsina na Yixrayeli ni muri mpatta wa ekhapira ya Yuda, nyuwosa munlipela mwa Nsina na Yave ni munimwiitthana Muluku a oYixrayeli, ohikhanle mweekhaikhaiyini hata moororomeleyani.

Yesaya 48:12

“Ii! Yakobe, mukiiwe, Yixrayeli kimwiitthannaaka: Miyo nkinceendyeya; Miyo ti Oopacera ni Ookisera.

Yesaya 51:4

Mukiiwe, atthwaaka, mukiiwe mulokwaaka: Nlamulo nnookhuma mwa Miyo; ekhaikhaiyaaka enoothatuwa waara wa miloko.

Yesaya 51:7

Mukiiwe nyuwosa munsuwela yeeyo eri ya ekhaikhai, nyuwosa munkhalano nlamulonaka mmurimanimwanyu. Muhoove ohiiha wa atthu hata woopopihiwa ni oruwanawaya.

Yesaya 55:6

Mmwaase Yave vaava ongwereyaaya, mmwiitthane Owo nlelo areene vakhiviru.

Yesaya 65:10

Wa mulokwaaka onkaasa Miyo, oXaroni onoothatuwa woociha ikhondoolo ni nreyareya na Akori nipuro noowiitthuuwa imombe.

Amosi 5:6

Mmwaase Yave ni munookhalano okumi; ohiyanawaya, Owo onimwiixoonihera ntoko mooro eriyari ya ekhapira ya Yoseefe, mwa yoowo onuulalihe esidade ya oBeteli, ahikhalakaruwo aneera acipihe.

Zefaniya 2:3

Mmwaase Yave, ootheene nyuwo oowiiyeviha a mulaponi, nyuwosa mumpaka yeeyo Owo olamulenlaawe. Mwaasaase ekhaikhai; mwaasaase wiiyeviha; apaale nyuwosa mmwikhaleno wootthawela vanihukuni na isara sa Yave.

Matheyo 5:6

Ooreelihiwa ti yaale anghaawelaxa weera yaakhuleliwe ni Muluku, niwoko eniivonihiwe.

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

aRooma 10:3

Hapo ehisuwelaka waakhuleliwa onrweela wa Muluku ni yaasaasaka ekhaikhaiyaaya asineenaaya, awo khayaakhulenle waakhuleliwa wa Muluku.

aRooma 14:19

Tivawo, naasaase itthusene seiyo sinruwera murettele ni sinkhavihera opuhihana.

aFilipi 3:13

Axunna, nkinuupuwela weera miyo koowera seiya sootheene, mene kimpaka etthu emoha: kittiwalaka itthu siri ottuliwaka, ni kipwahereraka wa seiyo siri ohoolowaka,

1 Timootheyo 6:11

Wa soothesene, weyo, mulopwana a Muluku, otthawe itthu sootheene iyo ni waasaase waakhuleliwa ni Muluku, murima wa omuluku, nroromelo, osivela, ovilela ni murima woomaaleleya.

2 Timootheyo 2:22

Otthawe soohaawela soonanara sa omiravo, ni otthare waakhuleliwa ni Muluku, nroromelo, osivela, ni murettele, vamoha ni yaawo angwiitthana Apwiya ni murima wootteela.

aHeberi 12:14

Mwiilipihe weera mukhale mmuretteleni ni atthu ootheene ni weera mukhale ootteela, niwoko ohikhanle ntteeliho, khaawo eniwoone Apwiya.