Yesaya 5:2 - Emakhuwa Bible

² Owo aapatthula, anavenxa maluku ootheene, anaphatteya iwuuva* sooreerelaxa. Aateka etoore* ya namalipelela, anatekatho nipuro sinaameliwa iwuuva*. Vano aaweherera ohepha iwuuva* sooreeraxa, vaheera ematta yaaruwenre soonyuunya paahi.

Yesaya 5:2 Iomraidhean Croise

2 Samuweli 7:10

Kinoorehererela nipuro mulokwaaka, aYixrayeli, kimakihaka weera okhalane etthokwaayaxa ni ohuungurumihiwe. Miloko sootakhala khasoohooxaniru ntoko woopacera,

Nehemiya 13:15

Mmahukuni ale kaahoona weera oYuda akina yaavara mmattankhini moowaama iwuuva* nihuku na eSaabadu ni yaathukumanya etrigu ettuuttaka mwaabuuruni vamoha ni eviinyu, iwuuva*, ifiigu ni moota wootheene wa mirindi. Sootheene iyo saaruuhiwa oYerusaleemu eSaabadu. Vano kaawoopererasa weera ehithumiheru etthu nihuku nenenenno.

Icipo 80:8

Mwaaruuha evideira* wExipitu; mwaahoomola miloko, munaphatteya owo.

Icipo 80:9

Mwaarehererela woophatteya, mwiri owo woophuwa mikwankhwaari sinasareya mulaponi.

Okhuma 33:16

Ngwisuwanyeye hai weera miyo ni mulokwaanyu munnanihakalalela Nyuwo mwaahinihoola? Onuuhiyaneye hai hiyo ntoko mulokwaanyu ni miloko sikina sootheene sa elapo ya vathi?”

Yesaya 1:8

Ohanle paahi mwaana muthiyana a oSiyoni ntoko nipuro nootthawela mmatta mwa eviinyu, ntoko yoowaakiha mmatta mwa mwiirukule ni ntoko esidade yooriciwa.

Yesaya 5:7

Ematta ya iwuuva* ya Yave a ikuru sootheene ti ekhapira ya Yixrayeli ni asilopwana a oYuda ti nttimbe Owo aasivelaawe. Owo aaweherera ekhaikhai, mene oona oyeehiwa wa ephome; aasaasa wookoleleya, mene iiwale sookhuwela sa ohasula.

Yeremiya 11:17

Yave a ikuru sootheene, ophatteiye, ohoorumihelani erisa, niwoko ipuumba sa oYuda ni oYixrayeli soopaka soonanara sitannyaka isarasaka woomuhisera erubani* Bahali*.

Yeremiya 2:21

Miyo koophatteiyeni ntoko ewuuva yooreerela, yoothanleya. Mene moone yookhumelenleni! Mohiitatuxa ewuuva yoovaliheya ya ntuphini.

Hoxeya 10:1

aYixrayeli yaari ntoko evideira* yookuttukutteya; yaahiima wusa wusa. Yiimaxaaya, ti Yaatekaaya altaari* ancipale; elapwaaya yeetteleyaaya nnene yaaphwanelihaxaaya amarimbwaaya ootteeliheriwa.

Mikeyasi 4:8

Ii! Etoore* ya muhuwo, wa nyuwo muri woolipawo wa mwaana muthiyana a oSiyoni, munoohokoloxeriwa olamulawanyu wa khalayi; omwene onoohokoleela wa esidade ya oYerusaleemu.”

Nuumeru 23:9

Miyo kingwoona kireene vasulu wa nyaako soosareya nyala; kinoona kireene osuluxa. Kinnoona muloko onkhala yooworu ni ohiniixoonaru ntoko wakhalaru muloko.

Matheyo 21:19

Oonaka mwiri wa efiigu mukerekhere ephiro, aahaattamela, mene khaaphwannye etthu, ehikhanle makukhu. Vano aaheerela: “Ohiime mahuku ootheene!” Woowaakuveya mwiri ole waahuuma.

Matheyo 21:33

Mwiiwe yoolikanyiha ekina. Aakhala mwaneene aaphatteiye ematta ya iwuuva*. Aapaka mukuso arukureerihaka ematta ele. Aapakatho nipuro noovotta iwuuva* ni aateka nipuro na anamalipelela. Vano aawooliha ematta ele anamalima akina ni aarowa mukwahaawe.

Matheyo 21:34

Yaattamelaka ehuhu ya ohepha, aahaarumihela arumeiyaawe anamalima weera yaakhele soowiimasaya.

Marku 11:13

Oonaka ottaiwene mwiri wa efiigu ni makukhu, aarowa weera oone saakhanleene soowiima sa efiigu. Aattamelaka, khaaphwannye etthu, ehikhanle makukhu, niwoko kayaahiyono ehuhu siniimaaya soowiima sa efiigu.

Marku 12:1

Owo aapacera waaleela ni soolikanyiha: “Mutthu mmoha aaphatteiya ematta ya iwuuva*. Aapaka mukuso orukureenreene. Aapakatho nipuro noovotta iwuuva*. Vahoolowaya aapaka nipuro na anamalipelela. Vano aawooliha ematta ya iwuuva* anamalima akina, anarowa ni mukwahaawe.

Marku 12:2

Yaaphiyalaaya ehuhu ya ohepha, aamurumiha murumeiyi mmoha wa anamalima weera aakhele mpatta mmoha wa iwuuva*.

aRooma 9:4

muloko wa oYixrayeli. Waakhuleliwa ntoko anamwane ti wawaya; ovuwa wa wiirimu ti wawaya. Soowiiraanyiha, waakhuleliwa wa nlamulo, olapa Mpaani mwa Muluku, ni soororomelihiwa – sootheene siri sawaya.

1 aKorinto 9:7

Taani ori nakhotto iilivaka mwaneenaawe? Taani omphatteiya ematta ya iwuuva* ni ohinca soowiimasaya? Taani onciha muhuwo ni ohingwura mukakaaya?

Deuteronomiyo 32:6

Muloko wa anepa ni ololo! Ti hiiho muntthunaanyu omuhokoloxera Yave ni mwettelo ola? Owo ti tiithiinyu ni Mpattuxaanyu mwa Yoowo oopattunxeni oovahakani okumi.

Ahooleli 16:4

Eviraleene ehuhu, aamusivela muthiyana mmoha aakhala vareyareyani na oSoreki, nsinanawe Delila.