Yesaya 5:16 - Emakhuwa Bible

¹⁶ Vaheera Yave a ikuru sootheene onoovuwihiwa mweekhaikhaiyinimwawe ni Muluku Ootteela onimwiixoonihera Ootteela moororomeleyanimwawe.

Yesaya 5:16 Iomraidhean Croise

1 Nyaha 29:11

Ii! Yave, otokweene, owera, ovuwa, ottittimiheyaxa ni waara ti wawinyu, niwoko sootheene siri wiirimu ni vathi ti sawinyu. Ii! Yave, omwene ti wawinyu. Nyuwo moopwahaxa itthu sootheene.

Icipo 21:13

Mukhaleke oovuwihiwa Yave mukurunimwanyu; hiyo nnimwiipela ni nnoottottopela owerawanyu.

Icipo 46:10

Mmaaleke ni musuwele weera Miyo ti Muluku. Kinoovuwihiwa variyari wa miloko; kinoovuwihiwa mweelaponimu.

Icipo 9:16

Yave ohiixoonihera ni ekhaikhai; atakhali aapharihiwa muntaphanimwaya. Higayoni* Sela*

Yesaya 12:4

Vanihukuni nenenenno nyuwo munimweera: “Muntthapele Yave; mwiitthane Nsinanawe, musuwelihe miloko seiye opankaawe ni mulaleiye weera Nsinanawe ti noovuwihiwa.

Yesaya 2:11

Maitho a oowiixoona anooyevihiwa ni wiikuxa wa atthu onooveiheya. Yave paahi ti anaavuwihiwe nihuku nenenenno.

Yesaya 2:17

Wiikuxa wa omutthu onooveiheya ni wiixoonawaya onooyevihiwa. Yave paahi ti anaavuwihiwe nihuku nenenenno

Yesaya 2:9

Tivawo omutthu oneeraaya oveiheya ni oyevihiwa; muhaalevelele yaawosa.

Yesaya 28:17

Kinoopaka ekhaikhai efiiyu yooringelano ni ororomeleya efiiyu yoowookolela. Maralala anoophwata ntthawelonanyu na wootha ni maahi a mirupi anookumburula moowiipithamwanyu.

Yesaya 29:23

Awosa yaawoonaka anamwanaaya eriyaraaya – muteko wa matataaka – vano anoolaleiya Nsinanaka ntoko Nootteela; awosa animwaakhulela weera Muluku a Yakobe ti Ootteela ni anoopwaherera emuttittimihaka Muluku a oYixrayeli.

Yesaya 30:18

Hata hiiho Yave ontthunaxa woomorelani ikharari. Owo onoovenya weera awoonihereni murima wooreera. Vano Yave ti Muluku a ekhaikhai. Ooreelihiwa ootheene yaale aningweherera Yoowo!

Yesaya 33:10

Yave oneera: “Kinoovenya vaanaanova; vano kinoovuwihiwa; kinoottittimihiwa vaanaanova.”

Yesaya 33:5

Yavetho oovuwihiwa, Owo onkhala osulusulu; Owo onoosariha oSiyoni ekhaikhai ni ororomeleya.

Yesaya 57:15

Vano Oosulusuluxa, Yoowo onkhala ni okumi wa mahuku ootheene, Nsinanawe Ootteela, oneera ha: “Miyo kinkhala vanipuroni noosuluxa ni nootteela, menetho ni yoowo orino murima woothananaxa ni wooyevihiwa mmunepani weera kikakamuxe munepa wa oowiiyeviha ni opepesa murima wa oothanana.

Yesaya 6:3

Awosa yaamukhuwelelana, yeeraka: “Ootteela, ootteela, ootteela ti Yave a ikuru sootheene; elapo yootheene yoosareya ovuwawawe.”

Yesaya 61:8

Vano Miyo, Yave, kinsivela ekhaikhai; kinthanya wiiya ni sootakhala sootheene. Moororomeleyanimwaka kinimwaavaha ntthuvelo ni kinoopaka wiiraana woohimala ni yaawo.

Yesaya 8:13

Yave a ikuru sootheene ti Yoowo ontthuneya omoonela Ootteela; ti Yoowo ontthuneya omoova ni omuthukumela.

Ezekiyeli 20:41

Miyo kinoowaakhulelasani ntoko erubani* yoowunkhelaxa, kookhumihasakani eriyari ya miloko ni koothukumanyihasakani eriyari ya ilapo, mwa seiyo nyuwosa mwamwaraxeliwaanyu, ni kinimwiixoonihera ootteeleene eriyaraanyusa vamaithoni wa miloko.

Ezekiyeli 28:22

ni mweerele: ‘Yave onlamula sootheene oneera ha: ‘Koowiittani Sidoni ni ovuwawaka kinimoonihera mpuwamwanyu. Ootheene anoosuwela weera Miyo ti Yave, koottaruxakani ni kiixooniheraka Ootteela mpuwamwanyu.

Ezekiyeli 28:25

“ ‘Yave onlamula sootheene oneera ha: Kaathukumanyihaka aYixrayeli eriyari ya miloko mwa seiyo amwaraxeliwaaya, Miyo kinimwiixoonihera Ootteela eriyaraaya vamaithoni wa miloko. Hiiho awosa anookhalasa mulaponimwaya xaxaxa, mwa yeeyo kaamvanghaaka murumeiyaaka Yakobe.

Ezekiyeli 36:23

Kinimoonihera otteela wa Nsinanaka Nootteela nihiirihiwe eriyari ya miloko, Nsina muhiirihalaanyu eriyaraaya. Miyo kiixooniheraka ootteela mwa nyuwosa vamaithoniwaya, miloko sinoosuwela weera Miyo ti Yave, onghima Yave onlamula sootheene.

Ezekiyeli 38:16

Nyuwo mmwaathataanele aYixrayeli, mulokwaaka, ntoko nihutte ninkhuneela elapo. Ii! Gogi, mmahukuni a muhoolo, kinimooruuhani weera ngwaneno elapwaaka, weera miloko sikisuwele Miyo kiixooniheraka ootteeleene mwa nyuwo vamaithoniwaya.

Ezekiyeli 38:23

Hiiho, kinimoonihera otokweenaaka ni otteelawaka, kiisuweliheke mmilokoni sincipale. Vano awosa anoosuwela weera Miyo ti Yave.’”

Daniyeli 4:37

Vano miyo, Nebukadenezari, kinimuttottopela, kinimuttittimiha ni kinimvuwiha Mwene a wiirimu, niwoko sootheene ompakaawe ti sa ekhaikhai ni iphirosawe sootheene ti sookwanela. Owo ongwera wayeviha ootheene aneetta moota woowiixoona.

Levitiku 10:3

Vanonto Moisesi aamweerela Aharoni: “Uulummaawe Yave ti ela: ‘Kinimwiixoonihera Ootteelaxa variyari wa yaala ankaattamela; Miyo kinoovuwihiwa vamaithoni wa muloko wootheene.’” Aharoni aari mwaasa omaala.

Nuumeru 20:13

Ala yaari maahi a oMeriba, weiwo aYixrayeli yaanyakulihannaayawo ni Yave ni Owo oonihenraawe otteelawawe eriyaraaya.

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

1 Pedru 1:16

niwoko yoolempwa: “Mukhale ootteela murima, niwoko Miyo ti ootteela.”

1 Pedru 2:15

Vano, Muluku ontthuna weera nyuwo mpake yooreera, weera hiiho mmalihe ohisuwela wa atthu oohikhalano miruku.

1 Pedru 3:15

Munttittimihe toko Kristu ntoko Apwiya mmurimanimwanyu. Mahuku ootheene mukhale oolikaneene weera ngwaakhule yakhalaru atthu eneera yookohakoheni mwaha wa oweherera ori mwa nyuwo.

Ethupululo 3:7

“Wa ndyelo a ekerexa eri ya oFiladelfiya, mulepe: Awo ari masu a Yoole ori Ootteela ni a ekhaikhai ni orino exaavi ya Davide. Yeeyo onghulaawe, khaawo ongwera owala, ni yeeyo ongwalaawe khaawo ongwera ohula.

Ethupululo 4:8

Ekhalelo ti ekhalelo yaarino mapupha mathannamosa ni yaasareya maitho mapuro ootheene – mpaka mmapuphani. Ohiyu ni othana sihiitthuuwaka sineera: “Ootteela, Ootteela, Ootteela ti Apwiya Muluku a ikuru sootheene, yaari, ari, ni eniirwe.