Yesaya 49:1 - Emakhuwa Bible

¹ Mukiiwe nyuwosa icirumba, mwiiwe yeeyo nyuwosa miloko sinkhala ottai: Miyo kihinaaye oyariwa, Yave aakiitthana; okhuma oyariwawaka Owo iitthana nsinanaka.

Yesaya 49:1 Iomraidhean Croise

Icipo 22:10

Okhuma oyariwawaka kohinnyereriwa mmatatanimwanyu; kireene nlelo mmirimani mwa amayaka nyuwo mwaari Mulukwaaka.

Yesaya 11:11

Vanihukuni nenenenno Yave onimookolatho moono weera aahokoloxere oohalahala a mulokwaawe ahiiwe wAsiriya, wExipitu, oPatrosi, oKuxe, wElami, oBabiloniya, oHamati ni icirumba sa mphareiya.

Yesaya 24:15

Tivawo amaki a ninkhuma nsuwa ni icirumba sa mphareiya, munttottopele Yave; mvuwihe Nsina na Yave, Muluku a aYixrayeli.

Yesaya 33:13

Nyuwosa muri ottai, mwiiwe yeeyo kipankaaka; nyuwosa muri vakhiviru, mwaakhele ikurusaka!

Yesaya 41:1

Nyuwosa icirumba, mmaaleke vamaithoniwaka! Miloko siphwanyetho ikurusaya! Seiyo sirweeke weera siixaakihe; nathukumaneke weera nuulume mulattu.

Yesaya 42:12

Awosa emuvuwihe Yave, elaleiyaka ottottopeleyawawe mucirumbani.

Yesaya 44:2

Yave mwa Yoowo oopattunxeni ni oopankeni mmirimani mwa amayinyu, Yoowo onookhaviherani, oneera ha: Ii! Yakobe, murumeiyaaka, muhoove, Yexuruni kimuthanlalaaka.

Yesaya 44:24

Vano Yave Mvuluxaanyu oopankeni mmirimani mwa amayinyu oneera ha: “Miyo ti Yave kipanke itthu sootheene; Miyo paahi kikunge erimu ni kiitapuruxenle elapo.

Yesaya 45:22

Muhokoleele wa Miyo ni mvuluxiwe, nyuwosa a ekotenle elapo, niwoko Miyo ti Muluku ni Khoowowo muluku mukina kihikhanle Miyo.

Yesaya 45:3

Kinimoovahani mihakhu sa wiiphiini, mihakhu soothokororiwa mmapuroni a exiiri weera nyuwo musuwele weera Miyo ti Yave, Muluku a oYixrayeli kingwiitthanelani nsinananyu.

Yesaya 46:3

“Mukiiwe, ekhapira ya Yakobe, ootheene nyuwo muhalahanle a ekhapira ya Yixrayeli – nyuwosa Miyo kookhavihenraakani okhuma oyariwawanyu ni kookunxaakani okhuma enamwanaanyu.

Yesaya 49:12

Moone, awosa eniirweele ottaiwene – akina okhuma mpatta wa ottuttuwani, akinaawo ninkhuma nsuwa ni akinatho mweelaponi mwa wAsewani.”

Yesaya 49:5

Vano Yave onuuluma ni miyo – Yoowo okipanke mmirimani weera kikhale murumeiyaawe ni weera kamuhokoloxe Yakobe ni kamuthukumanyihere aYixrayeli, niwoko koottittimihiwa vamaithoniwawe ni Mulukwaaka ori ikurusaka.

Yesaya 51:5

Ekhaikhaiyaaka enimoowa woowaakuveya; ovuluxawaka ori mphironi ni moonowaaka onooruuhela ekhaikhai miloko. Icirumba sinookiweha siwehereraka moonowaaka.

Yesaya 52:13

Moone, murumeiyaaka onimweetta ni miruku; owo onimunnuwihiwa, onoottittimihiwa ni onoovuwihiwa.

Yesaya 55:3

Mwiiwe ni nkarwani wa Miyo; mukiiwe weera munepaanyu okhale ni okumi. Kinoopaka wiiraana woohimala ni nyuwo ntoko wiiraanawene weiwe kaapankaaka ni Davide.

Yesaya 57:19

kiwerihaka ottottopela vayanoni wa anamalalamika a oYixrayeli.” Yave oneera: “Murettele, murettele wa yaale ari ottai ni vakhiviru. Vano wa yaawo ni Miyo kinimwaalamiha.”

Yesaya 60:9

Vekhaikhai, icirumba sinkiweherera Miyo; oopacera ti makula matokotoko a oTaresesi yaaruuhaka anamwaniinyu okhuma ottaiwene, ekunxeene eparatha* ni eyuuma yoorikaxa wa nttittimiho na Yave Mulukwaanyu, Ootteela a oYixrayeli niwoko Owo ohiiwariha waara.

Yesaya 66:19

Miyo kinookhaliha eneneero variyariwaya ni kinimwaarumihela akina akina ahalahanle wa miloko – wa oTaresisi, wa aLibiya, wa aLidiya (oosuwanyeyaxa ntoko alipa oolatha nyuupa), wa oTubali, wa oGresiya, ni wa icirumba sa ottaiwene, mwa seiyo sihiiwale sa epilaaka hata sihoonne ovuwawaka. Awosa anoolaleiya ovuwawaka variyari wa miloko.

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yeremiya 1:5

“Miyo kihinaaye woopakani mmirimani mwa amayinyu, kaahoosuwelani. Nyuwo muhinaaye oyariwa, Miyo kaahoothanlani ni kaahookhalihani ntoko mprofeeti wa miloko.”

Zefaniya 2:11

Yave onookhala oowoopihaaya aaphwataka miluku sootheene sa mulaponi. Miloko sa elapo yootheene sinoomulapa, khula mutthu mulaponimwawe.

Luuka 1:15

Vano, anaakhale mutokweene vamaithoni wa Apwiya. Owo kharwa awura eviinyu, hoye hoye yoowura ekina. Anaakhale oosareya ni Munepa Wootteela okhuma ohinaaye oyariwawawe.

Luuka 1:31

Nyuwo munoorupala ni munoomuyara Mwaana Mulopwana, ni munoomutteha Nsinanawe Yeesu.

Yohaane 10:36

ankha Yoole Atiithi amutteelinghaaya ni amuruminghaaya mweelaponimu? Vano, heeni nyuwo munkootheraanyu weera kinooveiha keeraka weera kiri Mwaana a Muluku?

aGalata 1:15

Waamusivenlaaya Muluku okimwalanyinghe okhuma mweerutthuni ya amayaka ni okiitthanne ni mahalaawe, weera

awEfeso 2:17

Owo aaweenle olaleiya murettele wa nyuwo mwaari ottaiwene ni wa yaawo yaari vakhiviru.

aHeberi 12:25

Mwiipasoope weera muhimukhootte Yoowo onuuluma. Yaawo yaakhoontte omwiiwa yoowo aawooperera mweelaponi, khayoopongwe ottaruxiwa. Woopwahaxa hiyo nnithorihiwe, namukhootta yoole onnooperera areene wiirimu.

1 Pedru 1:20

Owo aathanliwe ehinaaye opattuxiwa elapo ya vathi, ni ohooniheriwa ehuhuweene yeela yoomalihera wa mpuhaanyu.