Yesaya 48:1 - Emakhuwa Bible

¹ “Mwiiwe yeeyo ekhapira ya Yakobe, nyuwosa muniitthaneliwa nsina na Yixrayeli ni muri mpatta wa ekhapira ya Yuda, nyuwosa munlipela mwa Nsina na Yave ni munimwiitthana Muluku a oYixrayeli, ohikhanle mweekhaikhaiyini hata moororomeleyani.

Yesaya 48:1 Iomraidhean Croise

Epacerero 32:28

Vano mulopwana ole aaheera: “Nsinananyu khanirwa niitthaniwatho Yakobe, mene Yixrayeli, niwoko nyuwo moowana ni Muluku, nitho atthu, munawina,”

Epacerero 35:10

amweerelaka: “Nsinananyu ti Yakobe, mene vano khamurwa mwiitthaneliwatho Yakobe; nsinananyu nnikhale Yixrayeli.” Hiiho aamutteha Yixrayeli.

2 Mamwene 17:34

Mpaka olelo annapwaherera ni olapawaya wa khalayi. Khaanimulapa Yave, hata khaaniiwelela ikano, sootthuna, malamulo, hata sooruma mwa seiye Yave aavanghaawe ekhapira ya Yakobe, mwa yoowo Yave aamuttenghaawe Yixrayeli.

2 Mamwene 5:20

Gehazi, murumeiyi a Elixa, mulopwana a Muluku, aahiixeerela: “Pwiiyaaka oomureerelaxiwa Nahamani ngwArami ahitthunaka soovahasawe. Kinlipela mwa Nsina na Yave weera kinoomutthimakela weera koone kaariki kakuxe mpatta wa itthusawe.”

Icipo 63:11

Vaheera mwene onoomuhakalalela Muluku. Ootheene yaale anlipela mwa Nsina na Muluku anoomuttottopela, mene iyano sa anamootha sinoomaalihiwa.

Icipo 66:3

Mmweereleke: “Mitekosanyu ti sootikhiniheyaxa! Ikurusanyu ti sitokotoko moota wooweera amwiittanaanyu aniipurula ohoolowanyu.

Icipo 68:26

Munttottopele Muluku mmuthukumanoni mutokotoko; munttottopele Yave muloko wootheene wa aYixrayeli.

Icipo 68:27

Moone, ohoolo eri epuumba ekhaani ya Benyamini; vahoolowaya ori nakupa a anamwane a mwene a oYuda nitho anamwane a mwene a oZebuloni ni oNafitali.

Okhuma 23:13

Mwiipasoope opaka sootheene seiyo koolamulenlaakani. Muhiitthane masina a miluku sikina; ehiiwiwe masinaaya mmwanomwanyu.

Masu a Miruku 5:16

Ngwaahiyere heeni anaattuuttwaawo emwareelaka mmiseweni, ni maxaapwaawo mmapuwani?

Yesaya 26:13

Ii! Yave Mulukwaahu, asipwiiya akina yaanilamula, mene hiyo ninttittimiha Nsinananyu paahi.

Yesaya 44:5

Mmoha onimweera: ‘Miyo ti a Yave’ ni mukinatho onimwiitteha nsina na Yakobe ni mpaka mukinatho onoolepa mmatatanimwawe: ‘A Yave’ ni onimwiixiitthanela Yixrayeli.”

Yesaya 45:23

Kohiilipela muneenaaka, eyanowaaka yoohima mweekhaikhaiyini masu oohiceendyeya: Ohoolowaka atthu ootheene anookokhorela ni malumi ootheene anookilipela.

Yesaya 46:12

Mukiiwe nyuwosa muri attiyamaaru ni ottaiwene wa ororomeleya!

Yesaya 51:1

Mukiiwe nyuwosa muntthara yoororomeleya ni mummwaasa Yave: Mungwehe mwala mwa yoowo mwaathikiliwaanyuwo ni ompwexiwa maluku mwaathimpwaanyuwo;

Yesaya 51:2

Mungwehe Abrahaamu, atithinyu ni Sara ooyanreni. Miyo kaamwiitthanaaka, aari meekhaawe ni kaamureeliha, kimutatuxaka atthu ancipale.

Yesaya 58:2

Vano khula nihuku awosa annikaasa; awosa antthunaxa osuwela iphirosaka ntoko waari muloko ompaka yeeyo eri yooreera ni ohihingye malamulo a Mulukwaaya. Awosa ankivekela soolakela sa ekhaikhai ni ankhala ntoko anamahaawela weera Muluku aakhuveele.

Yesaya 62:8

Yave aalipela mwa ntatanawe noolopwana ni moonowaawe wooweraxa: Nkirwa kivaha etrigwaanyu ntoko yooca wa amwiittanaanyu ni anamarwa kheewuratho eviinyu enyowani mwa yeeyo yookhulumunleni.

Yesaya 64:6

Hiyo ootheene naathatuwa ntoko oohitteela ni mitekosahu soororomeleya sootheene siri ntoko mattapwatta oonanara; ootheene hiyo ninnyaala ntoko makukhu, ni ntoko epheyo sootthekasahu sinnivavihera ottai.

Yesaya 65:16

Yoole ontthuna nreeliho wa elapo ela, amvekeleke Muluku a ekhaikhai; yoole onlipela mweelaponi, apakeke yeeyo mwa Muluku a ekhaikhai. Vano sookacamiha sivinre sinoottiwaliwa ni sinoovitheya vamaithoniwaka.”

Yeremiya 4:2

ni nyuwosa mwalipela mwa Nsina na Yave moota woororomeleya, wa ekhaikhai ni wookwanela, vano miloko sinooreelihiwa ni Yoowo ni sinoomvuwiha.”

Yeremiya 44:26

Mene mwiiwe masu a Yave, ootheene nyuwo, aYuda munkhala wExipitu: Miyo kinlipela mwa Nsinanaka ntokweene,’ oneera Yave, ‘wExipitu wootheene khawoworu a oYuda aniitthanetho Nsinanaka hoye hoye anaalipele mwa okumi wa Yave onlamula sootheene.

Yeremiya 5:2

Naari yeeraka: ‘Kinlipela mwa Nsina na Yave,’ vekhaikhai anlipela moota woowootha.”

Levitiku 19:12

Muhilipele moota woolokotheya mwa Nsinanaka muveihaka hiiho Nsina na Mulukwaanyu. Miyo ti Yave.

Mikeyasi 2:7

Weeraka ekhapira ya Yakobe eneera: “Munepa wa Yave, khoonyoonyiwa? Owo ompaka hiihaawo? Maswaaka animpakela nnene yoowo orino mweettelo wooreera.

Zefaniya 1:5

yaawo anlapa ithenyeeri sa wiirimu vasulu vanipathoniwaya, ni yaawo ankokhora elipelaka mwa Yave nitho mpaka Moleki;

Zakariya 5:3

Vano aakeerela: “Mmo noolempwa nlapho ningyeeheriwa mweelaponi yootheene. Mpatta mmoha wa nikwakhwala yoolempwa weera ootheene aniiya animoomoliwa mweelaponi; mpatta mukina weera ootheene anlipela moota woowootha animoomoliwatho.

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

Nuumeru 24:7

Mattankhaaya a maahi anoosareya; imattasaya sinoohelelaxiwa maahi, mwenaaya onookhala mutokweene ompwaha Agagi; omwenaaya onimunnuwihiwa.

Matheyo 23:13

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mungwala nsele na omwene wa wiirimu ohoolo wa atthu. Nyuwo muneenaanyu khamumvolowa, hata khamunaahiya evolowaka yaawo antthuna.

Yohaane 1:47

Amoonaka Nataneyeli akhuveelaka, Yeesu aaheera: “Mmoone – muYixrayeli a ekhakhai ni oohilokottheya.”

Yohaane 4:24

Muluku ti Munepa ni ontthuneya weera anamalapelaawe emulapele mMunepani Wootteela ni mweekhaikhaiyini.”

aRooma 2:17

Moone, nyuwo muniixeerela muYuda, nyuwo munroromela munlamuloni ni muniixoona weera moomusuwela Muluku.

aRooma 9:6

Nihuupuwele weera masu a Muluku yaakusanyiheya. Khaahiyono anamwane ootheene a oYixrayeli weera ti vekhaikhai muloko wa oYixrayeli.

aRooma 9:8

Eyo tiyo: khaahiyono anamwane a erutthu ari anamwane a Muluku, mene ti anamwane a yoororomelihiwa ari oowaalikeliwa ntoko ekhapira ya ekhaikhai ya Abrahaamu.

Deuteronomiyo 10:20

Mmoove Yave Mulukwaanyu ni munrumeeleke. Mumvarexexe Yoowo mulipelaka Nsinanaweru.

Deuteronomiyo 33:28

Hiiho aYixrayeli anookhala oomaaleleya; naattuuttu a Yakobe ori oolipeene mweelaponi ya etrigu ni eviinyu enyowani mwa mwemmo ninttonyeraayamo nikame na wiirimu.

Deuteronomiyo 5:28

Yave aahiiwa sootheene mwaakeerenlaanyu, anakeerela: “Miyo kohiiwa yeeyo muloko ola oweerenlaayani ni sootheene weenraaya wohuuluma nnene.

Deuteronomiyo 6:13

Mmoove Yave Mulukwaanyu, munrumeele Yoowo paahi ni mulipele Nsinanaweru.

1 Timootheyo 4:2

Mahusihoweene yaawo anrweela wa atthu oolokhottha ni oowootha, murimaaya woowuuma.

Ethupululo 2:9

Koosuwela sohooxasanyu ni osiwaanyu, mene nyuwo muri ni mihakhu! Koosuwela oveiha wa yaawo aniixeerela aYuda ehikhanle, ereene toko eSinagoga* ya Satana.

Ethupululo 3:9

Miyo kinimwaanyesereriha yaawo ari a eSinagoga* ya Satana, yaawo aniixeerela weera ari aYuda ehikhanle, ereene toko anamootha, weera erwe yookokhoreleni inaawosanyu ni esuwele weera kohoosivelani nyuwo.