Yesaya 47:6 - Emakhuwa Bible

⁶ Kaanyoonyeriwa mulokwaaka kinanarihaka yoohiyeraaka; kaawinnyerera mmatatanimwanyu ni nyuwo, Babiloniya, khamwaamorenle ikharari. Mpaka mwaawiikaathera yoolemelaxa anamuuluvala.

Yesaya 47:6 Iomraidhean Croise

2 Samuweli 24:14

Davide aamwaakhula: “Koothananaxa. Fataari omorela mmatatani mwa Yave ohikhanle mwa atthu, niwoko ikhararisawe siri sitokotoko.”

2 Nyaha 10:11

Aani atithaka yaahoolemeliherani; vaheera miyo nkeere otepa woolemeliherani. Atithaka yoottaruxelani ekwamba; mene miyo kinimoottaruxelani awalisi.’”

2 Nyaha 28:9

Vaheera mprofeeti a Yave, iitthaniwa Obede, aari oSamariya, aavenya arowaka waakumanano anakhotto yaahokolowaaya oSamariya. Owo aaweerelasa: “Yave, Muluku a makholowaanyu, aanyoonyeriweene aYuda, aawinnyererasa mmatatanimwanyu. Vaheera nyuwo moowiiva woohaamorela ikharari moota wooweera Muluku ohoona.

2 Nyaha 36:17

Yave aahaarumihelasa mwene a oBabiloniya, mwa yoowo aawiivale ni ekatana amiravowaaya vaNipuroni Nootteela*. Khaawuurenleru hata amiravo naari asimwali, atokweene naari mamookwaaxa. Muluku aawinnyererasa ootheene awo mmatatani mwa Nebukadenezari.

2 Nyaha 36:20

Nebukadenezari aahaarongha wootthukiwani oBabiloniya yaawo yaahalahanle yoopowaka ekatana, weera ekhale ipotthasawe ni sa ekhapiraawe, mpaka mweehuhuni ya olamula wa aPersiya.

Ezera 5:12

Vaheera yeenre makholowaahu yamunyoonyiha Muluku a wiirimu, Owo aawinnyerera mmatatani mwa Nebukadenezari, muKaldeya, mwene a oBabiloniya, mwa yoowo aaphwante Empa ya Yave, anatthuka muloko aronghaka oBabiloniya.

Icipo 69:26

Vano awosa anaasoonda yaale Nyuwo munaavulalihaanyu ni antthekulela sa ovoreya wa yaale munaattaruxaanyu.

Yesaya 10:6

Miyo kinrumihela muloko woomurakamela Muluku, wa muloko onkinyoonyiha, weera ohuhule ni waakhe sooreela ni weeratho ovotte ntoko ittoko sa mmiseweni.

Yesaya 13:16

Anamwanaaya asikhaani anoohononeliwa vamaithoniwaya; vaatewaya onoohuhuliwa ni axaaraya anoopuheriwa.

Yesaya 14:17

aatatuxa elapo ya vathi nikare, aawina isidade ahitthuniheraka weera anamatthukiwaaya ehokoleele owaani?”

Yesaya 14:6

mwa yaawo yaamanelaayano miloko moota woohihiyerereya oonyoonyiweene ni, oosareiyeene isara, yaanyaatula miloko ni osoonda woohimala.

Yesaya 43:28

Tivawo kineeraaka kiwuulihihe muru asitokweene a Empa ya Yave ni kimmwinnyerera Yakobe moophwatiwani ni oYixrayeli mootheiwani.”

Yeremiya 50:42

Awosa amvarela muura ni nivaka; ti oowuuma murima ni oohimorela ikharari. Onyakulawaya ori ntoko oruma wa ephareiya. Anrwa ewenleene ikavalu*, ethataanelaka owana, weera yoowananeni nyuwo, esidade ya oBabiloniya.

Icipo Soolalamika 1:14

Owo ookipakela yoolemela ni matataawe avarelaka muteko sootakhalasaka sootheene anakiwariha muxiko; Yave oomaliha ikurusaka anakinnyerera mwa amwiittana, mwa yaawo kihingweraaka waawina.

Icipo Soolalamika 1:21

Olalamikawaka wohiiwanyeya, mene khawoworu onkipembesa. Amwiittanaaka ootheene aasuwela othananawaka; awosa anghakalalela yeeyo mpankaanyu. Ii! Nyuwo fataari muruuhe nihuku mulaleiyaanyu weera awosa ethatuweke ntoko miyo!

Icipo Soolalamika 2:2

Yave oonyaanya moomakamwawe moothemwene wa Yakobe, ahimorelaka ikharari; musaranimwawe oophwata mapuro oolipaxa a mwaana muthiyana a oYuda. Oomphwatela vathi anaverula omwenaawe ni ahoolelaawe.

Icipo Soolalamika 4:16

Yave muneenaawe ohaamwaraxasa; Owo khanaakosoopasatho. Khawoworu onaattittimiha asaserdoti* hata ahooleli.

Icipo Soolalamika 5:12

Ahooleli aathomeiwa ni matataaya; mamookwaaxa khaanooniheriwa nttittimiho.

Ezekiyeli 24:21

Mwaleele muloko wa oYixrayeli weera Yave onlamula sootheene oneera ha: ‘Kihanle vakhaani ohiiriha Nipuronaka Nootteela* – nipuro noolipa nyuwosa muniikuxereraanyuno, mwa nenno munsivelaxaanyu, etthu yoowooreeraxani. Anamwane asilopwana ni asithiyana, nyuwosa mwaahiyalaanyu oYuda animwiiviwa ni ekatana.

Ezekiyeli 28:16

Mumvarexenxaanyu nakoswaanyu moosareya nipuhero, munattheka. Tivawo Miyo koovonyenraakani ooyeviheyeene ottai wa mwaako wa Muluku, kinawoomolani, ii! Kerubini* oolipelela eriyari ya maluku ooceremela.

Obadiya 1:10

“Munimuulihiheya muru niwoko na nipuhero na omwiiva munninyu Yakobe; munoophwatiwa woomalela.

Obadiya 1:16

Mooteene yoowo mwaawunraanyu nthorihelonaka vaNttumuxaniwaka Nootteela, hiihotho miloko sootheene sinoowura. Sinoowuraxa woohihiyerereya mpaka ommaleloni, ni nsikhale ntoko khasinakhale.

Zakariya 1:12

Vano ndyelo a Yave aamweerela Yave: “Yave a ikuru sootheene, mpaka yaakhani muhimorelaka ikharari oYerusaleemu ni mittetthe sa oYuda, mwa seiyo munyoonyeringwaanyu wa iyaakha miloko mithannamiili iya?”

Zakariya 1:15

mene koonyoonyeriwa miloko siniixoona okhala soolipasene. Kaanyoonyeriwa vakhaani paahi, mene iyo saahaandyeerera erisa.’

Matheyo 7:2

Vano, mooteene yoowo munthorihaanyu, nyuwo munoothorihiwa, ni muringo mumvarelaanyu muteko, onoovareliwatho muteko wa nyuwo.

Deuteronomiyo 28:50

Onuukhale muloko wooluwa ohinaattittimiha mamookwaaxa hata ohinaamorela ikharari amiravo.

Yakobe 2:13

niwoko yoowo ohimmorela ikharari anaathorihiwe woohimoreliwa ikharari. Ikharari singwina othoriha!