Yesaya 47:2 - Emakhuwa Bible

² Mukuxe maxilo ni muxile ephepa; muruleke eluttwaanyu; mukwinye esaayaanyu itara sikhale vatakantthiru ni mulapuwe nyooloko.

Yesaya 47:2 Iomraidhean Croise

Epacerero 24:65

anamukoha murumeiyi a Abrahaamu: “Mulopwana taani yoole ongweela omatta aniciceeraka?” Owo aamwaakhula: “Ti apwiyaaka.” Vano Rebeka aakhuneela ekhovaawe ni ekuwo.

1 Nyaha 19:4

Vano Hanuni aahaatthukasa anamitthenga a Davide, anaametthasa ireru, anaahula vakhaani mpatta wa soowarasaya mpaka mmakhuttuni, anawoomolasa.

Yobi 31:10

vano mwaaraka axile etrigu ya mulopwana mukina ni asilopwana akina emukoneno yoowo.

Okhuma 11:5

Matthaara ootheene a awExipitu animookhwa – okhuma ntthaara na Farawu* namukalamba, mpaka ntthaara na epottha ethiyana enxila, mpakatho matthaara a mihuwosaya.

Namalaleiya 12:4

milako sa mmiseweni saawaliwaka ni waakhurunuwaka oruma wa nxilo; onyakula wa ipalame waavenxaka mukhoveni, vaheera oruma wa iciposaya sootheene waakhalelaka woohikwanakwana;

Yesaya 20:4

hiiho mwene a wAsiriya onimwaakuxa anamatthukiwa a wExipitu ni oKuxe ehiwanreene ikuwo naari ikwakwaatta – ekhalaka amiravo naari asitokweene, ni makhuttu vaate – mpaka wuulihiwa muru wa wExipitu.

Yesaya 3:17

Tivawo Yave aneeraawe aametthe asithiyana a oSiyoni; awosa anookhala miputuru oowuulihiheyeene muru.”

Yesaya 3:23

iloola ni soowara sa eliinyu*, icireemba ni sootthukela muxiko.

Yesaya 32:11

Muthukumele nyuwosa asithiyana muri emaalelo, Owuumeeni owanoni anamwane asithiyana nyuwosa munoona weera moolipa. Muruleke ni ngware isaakho!

Yeremiya 13:22

Vano nyuwo mwiikoha: “Eyo enkikhumelelelani?” Vano musuwele weera ti niwoko na sootthekasanyu sincipale ikuwosanyu sivenuleliwaaya ni nyuwo moopuheriwa.

Yeremiya 13:26

Yoomeene kinoovenula soowarasanyu mpaka ekhovaanyu weera wuulihiheyawanyu muru wooneye.

Yeremiya 25:10

Kinoomalamaliha okhuwela wa otthapa ni wa ohakalala, masu a namatthomera ni a namatthomeriwa, oruma wa nxilo ni omwaleela wa onyaari.

Yeremiya 27:7

Miloko sootheene nsilamuliweke ni yoowo, mwaniye ni osuulwaawe; mpaka ophiyera mahuku eneeraaya enyaatuliwe elapwaaya ni miloko sincipale ni mamwene ooweraxa.

Icipo Soolalamika 5:13

Asimiravo amvaraxa muteko mmaxiloni; asinamwane amveveleya yiireiyeene mavisi a ikhuuni.

Hoxeya 2:3

Ohiyanawaya, Miyo kinimwaarula ehaleke pwitipwiti ntoko nihuku yaayariwaaya; kinimwaapaka ntoko nikare, kaatatuxaka elapo yoowuumelela, ni kinoowiiva ni ntthona.

Mikeyasi 1:11

Mvenyase pwitipwiti ni oowuulihiheyeene muru, nyuwosa munkhala oXafiri. Amaki a oZaanani, kheekhuma musidademwaya. oBeti-Ezeli onimwiikhupanyera; yoovenxiwa yoowiixaakiheraaya.

Matheyo 24:41

Asithiyana eeli eniixile vamoha: mmoha anaakuxiwe; mukina anaahale.

Luuka 17:35

Asithiyana eeli eniixile etrigu vamoha. Mmoha anaavenxiwe ni mukina anaahiiwe.”

1 aKorinto 11:5

Khula muthiyana omvekela, hoye hoye onthaliha otthuna wa Muluku ahikhuneenle muruwaawe, khanttittimiha muruwaawe, niwoko onkhala ntoko oomettha.

Ahooleli 16:21

Vano aFilisti yaamvara, enazoola maithwaawe, enamurongha oGaza. Yaamutthuka ni onyooro wa ebronze* ni yaamulamula opirikixa nxilo mukaliposo.