Yesaya 43:4 - Emakhuwa Bible

⁴ Nyuwo ti ootthuneyaxa ni oottittimiheya vamaithoniwaka, ni keenre koosivelani, kinoowinnyerera asilopwana vanipuroniwanyu ni atthu ntoko yoowaakakhanyihera okumaanyu.

Yesaya 43:4 Iomraidhean Croise

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

Yeremiya 31:3

Yave aahiixoonihera wa hiyo khalayi, eeraka: “Miyo kohoosivelani ni osivela woohimala; Miyo kohoopurulelasani nyuwo wa Miyo moosivelanimwaka woororomeleya.

Epacerero 12:2

Wa nyuwo kinookhaliha muloko mutokotoko. Kinimooreelihani ni Miyo kinimoovahani epili. Vano nyuwo munookhala nreeliho.

Ethupululo 3:9

Miyo kinimwaanyesereriha yaawo ari a eSinagoga* ya Satana, yaawo aniixeerela weera ari aYuda ehikhanle, ereene toko anamootha, weera erwe yookokhoreleni inaawosanyu ni esuwele weera kohoosivelani nyuwo.

Yohaane 17:23

Miyo mwa yaawo ni Nyuwo mwa Miyo. Kimvekela weera omoharuwaaya okhale wookwanela weera amalapo esuwele weera Nyuwo mwaakirumiha ni mwaahaasivela, hiiho ntoko mwaakisivenlaanyu.

Yohaane 16:27

niwoko Atiithi aneenaaya animoosivelani, mweenre nyuwo mukisivelaka ni muroromela weera Miyo kirweenle wa Muluku.

Hoxeya 11:1

“Yixrayeli aaraawe mmiravo, Miyo kaamusivela, ni wExipitu kaamwiitthana mwanaka.

1 Pedru 1:7

weera noonihereye nroromelonanyu nri na ekhaikhai. Mpaka eyuuma yoorikaxa engwereya ophwateya enimweereriwa ni mooro. Ontthuneya weera mpaka nroromelonanyu, nri nootthuneyaxa noopwaha eyuuma yoorikaxa, neereriwe mpaka ottottopela, ovuwa ni nttittimiho Yeesu Kristu ooniheriwaka.

Malekiya 3:17

“Vanihukuni kineeraaka kireherere muhakhwaaka” oneera Yave a ikuru sootheene, “awosa anookhala yawaka xaxaxa. Miyo kinoowuurela ntoko tiithi onimuurelaawe mwaniye ommwiiwelela.

Icipo 135:4

Vano Yave oomuthanla Yakobe weera akhale awawe; Yixrayeli weera akhale muhakhwaawe.

Deuteronomiyo 26:18

Olelo Yave oohimatho weera nyuwo ti mulokwaawe xaxaxa ntoko Owo aaroromelinghaawe ni weera nyuwosa mwiiwelelaseke malamulowaawe ootheene.

Deuteronomiyo 14:2

Nyuwosa ti muloko wootteeliheriwa Yave Mulukwaanyu. Yave ohoothanlani nyuwosa variyari wa miloko sootheene sa elapo ya vathi weera mukhale mulokwaawe woosiveleyaxa.

Yohaane 17:26

Miyo kohaasuweliha Nsinananyu, ni nkipwaherere opaka yeeyo weera osivelawene weiwo mwaakisivenlaanyu, okhale mwa yaawo ni Miyotho kikhale mwa yaawo.”

Malekiya 1:2

“Miyo kohoosivelani mahuku ootheene,” oneera Yave. “Vaheera nyuwosa munkoha: ‘Munisivenle moota heeni?’ Khaahiyono Esawu munneiye Yakobe?” onghima Yave. “Wa soothesene, Miyo koomusivela Yakobe,

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

Yohaane 5:44

Mmwiroromele hai mwaakhulelanaka mukina ni mukhwaawe ovuwa, mene khamunaasaasa ovuwa ongwa wa Muluku mmoharu.

Yesaya 63:9

Moothanananimwaya moothemwene Owo aathananatho ni ndyelo a okhalawawe aahaavuluxa. Owo aawoopola moosivelanimwawe ni mukhararinimwawe. Ti Yoowo aavenxa, aweettihaka mmahukuni a khalayi.

Icipo 112:9

Owo ohaakawela soovaha sincipale oohaawa; ororomeleyawawe ompwaherera wa mahuku ootheene; owerawawe onoohakalaleliwa munttittimihoni.

Yesaya 49:5

Vano Yave onuuluma ni miyo – Yoowo okipanke mmirimani weera kikhale murumeiyaawe ni weera kamuhokoloxe Yakobe ni kamuthukumanyihere aYixrayeli, niwoko koottittimihiwa vamaithoniwawe ni Mulukwaaka ori ikurusaka.

Deuteronomiyo 4:37

Aahookhumihani wExipitu ni owerawawe otokotoko niwoko na waasivelawawe makholowaanyu ni othanlawawe ikhapirasaya.