Yesaya 43:1 - Emakhuwa Bible

¹ Vano Yave mwa Yoowo oopattunxeni nyuwo Yakobe ni oopankeni nyuwo Yixrayeli, oneera ha: “Muhoove, niwoko koowoopolani; koowiitthanani ni nsinananyu; nyuwo ti awaka.

Yesaya 43:1 Iomraidhean Croise

Epacerero 32:28

Vano mulopwana ole aaheera: “Nsinananyu khanirwa niitthaniwatho Yakobe, mene Yixrayeli, niwoko nyuwo moowana ni Muluku, nitho atthu, munawina,”

Icipo 100:3

Musuwele weera Yave ti Mulukwaahu. Owo aanipattuxa ni hiyo nri a Yoowo. Nri mulokwaawe ni muhuwo wa nipuronaya na oca.

Icipo 102:18

Seiyo silepeliwe ikhapira sa muhoolo weera muloko ohinaaye okhala omuttottopele Yave olaleiyaka:

Okhuma 15:13

Moosivelanimwanyu muneettiha muloko mooponlaanyu; mukurunimwanyu munrongha vaNipuroniwanyu Nootteela*.

Okhuma 15:16

Woova ni otteenguwa ongwuuwela yaawosa. Ni ikuru sa moonowaanyu ankhala ooweemeleene ntoko nluku mpaka ovira mulokwaanyu, Yave, mwa yoowo muthummaanyu.

Okhuma 33:17

Yave aamwaakhula Moisesi: “Kinoopaka etthweene yeeyo mukivekenlaanyu, niwoko mookisiveliha ni kohoosuwelani nnenesene.”

Yesaya 27:11

Iphandisaya suumaka ni saavasuwaka, asithiyana anootetheera. Vano muloko owo ti woohiiwexexa; tivawo Yoole aapanke ohinaamorelaawe ikharari; Mpattuxaaya khanoonihera murima wooreera.

Yesaya 41:14

Muhoove, muungu Yakobe, Ii! Yixrayeli mukhaani, niwoko Miyo muneenaaka kinimookhaviherani,” onghima Yave, Mvuluxaanyu, Ootteela a oYixrayeli.

Yesaya 42:6

“Miyo, Yave, koowiitthanani moororomeleyani; kinimoovarelani oolipeene. Kinimoothokororani kookhalihakani ntoko namwiiraanyiha a miloko ni waara wa amalapo,

Yesaya 43:21

muloko kiipakenlaaka weera owo olaleiye ottottopeleyawaka.

Yesaya 43:5

Muhoove niwoko kiri ni nyuwo; kinimwaaruuha anamwaniinyu okhuma ninkhuma nsuwa ni kinimoothukumanyiherani ninkela nsuwa.

Yesaya 43:7

ootheene aniitthaneliwa Nsinanaka, mwa yaawo kaapattuxenraaka ovuwawaka, yaawo kiwoopalaaka, kinaapaka.”

Yesaya 44:2

Yave mwa Yoowo oopattunxeni ni oopankeni mmirimani mwa amayinyu, Yoowo onookhaviherani, oneera ha: Ii! Yakobe, murumeiyaaka, muhoove, Yexuruni kimuthanlalaaka.

Yesaya 45:11

Yave, Ootteela a oYixrayeli ni Mpattuxaaya oneera ha: ‘Wa itthu sa muhoolo – nyuwo munkikohakoha mwaha wa anamwanaaka hoye hoye munkilamulela mwaha wa miteko sa matataaka?

Yesaya 48:17

Yave, Mvuluxaanyu, Ootteela a oYixrayeli oneera ha: “Miyo ti Yave Mulukwaanyu kinooxuttihani yeeyo eri yooreerelaanyu ni kingwooniherani ephiro yookuxera.

Yesaya 48:20

Mukhume oBabiloniya, mwaatthawe aBabiloniya! Mwahime yeeyo ni ohakalala ni mwalaleiye. Mwarumihele mutthenga ola ekotenle elapo, mweeraka: “Yave oomoopola murumeiyaawe Yakobe.”

Yesaya 49:1

Mukiiwe nyuwosa icirumba, mwiiwe yeeyo nyuwosa miloko sinkhala ottai: Miyo kihinaaye oyariwa, Yave aakiitthana; okhuma oyariwawaka Owo iitthana nsinanaka.

Yesaya 49:26

Kinoopakiha weera anamahasulaanyu yiikhuure; anoohapaliwa ni ephomaaya ntoko ereene eviinyu. Vanonto atthu ootheene anoosuwela weera Miyo, Yave, ti Mvuluxaanyu, Namoopolaanyu, Ooweraxa a Yakobe.”

Yesaya 51:13

Munimuttiwalelani Yave Mpattuxaanyu, mwa Yoole okunge erimu ni opanke mathipelo a elapo? Heeni munkhalaanyu ngwoovani mahuku ootheene niwoko na isara sa anamahasula antthunaxa ophwata? Vano siri woowi isara sa anamahasula?

Yesaya 52:9

Mpacere wiipa vamoha ni ohakalala, nyuwosa milepe sa oYerusaleemu, niwoko Yave oopepesa mulokwaawe, Owo ohoopola oYerusaleemu.

Yesaya 62:12

Awosa animwiitthaniwa muloko wootteela; oowoopoliwa ni Yave, ni nyuwo munimwiitthaniwa ootthuneya, Esidade Yoohithaamiwa.

Yesaya 63:16

Wa soothesene, Nyuwo ti Atithihu. Abrahaamu khanisuwenle ni Yixrayeli khanaanoonne; Nyuwo, Yave, ti Atithihu ni okhuma khalayi muniitthaniwa Mvuluxaahu.

Yesaya 63:9

Moothanananimwaya moothemwene Owo aathananatho ni ndyelo a okhalawawe aahaavuluxa. Owo aawoopola moosivelanimwawe ni mukhararinimwawe. Ti Yoowo aavenxa, aweettihaka mmahukuni a khalayi.

Yeremiya 31:3

Yave aahiixoonihera wa hiyo khalayi, eeraka: “Miyo kohoosivelani ni osivela woohimala; Miyo kohoopurulelasani nyuwo wa Miyo moosivelanimwaka woororomeleya.

Yeremiya 33:24

“Nyuwo mohoona weera atthu ala aneera weera Yave ookhootta imwene piili aathanlalaawe! Tivawo ahinoonelaaya mulokwaaka ni ahimpwatthelaaya ntoko muloko.

Yeremiya 33:26

Miyo nkirwa kihiya ekhapira ya Yakobe ni ya murumeiyaaka Davide hata nkiceendya soowuupuwelasaka weera mmoha a ekhapira ya Davide alamule ikhapira sa Abrahaamu, Isaki ni Yakobe. Miyo kinooreherera oreereliwawaya ni kinoowoonihera ikhararisaka.”

Yeremiya 50:34

Wa soothesene, Namoopolaaya ti oolipa; Nsinanawe ti Yave a ikuru sootheene. Yooweene ti anaakihe mulattwaaya, ni onooruuhela wiitthuuwa elapwaaya, mene onoowuungurumiha yaawo ankhala oBabiloniya.

Icipo Soolalamika 3:57

Nyuwo mwaakaattamela kookhuwelenlaakani, muneera: “Muhoove.”

Ezekiyeli 16:8

Evinreene ehuhu ekina, kiviravirakarutho mukhivirumwanyu, kaahoowehani, kinoona weera mohunnuwa mungweraanyu osivela, ni kaawaatalelani malayaaka, kinakuttelela etiriyaanyu. Kaalipela, kinakhaliha wiiraana ni nyuwo, onghima Yave onlamula sootheene, ni nyuwo moothatuwa awaka.

Daniyeli 10:19

Owo aakeerela: “Ii! Mulopwana oosiveleyaxa, muhoove. Murettele okhaleke ni nyuwo! Mukhaleke oolipa, aani oolipaxa.” Owo ahimakaru masu ale, kaalipihereya, kinamweerela: “Pwiiyaaka, muulume mweenre mukivaha ikuru.”

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Malekiya 3:17

“Vanihukuni kineeraaka kireherere muhakhwaaka” oneera Yave a ikuru sootheene, “awosa anookhala yawaka xaxaxa. Miyo kinoowuurela ntoko tiithi onimuurelaawe mwaniye ommwiiwelela.

Miteko 27:20

Nihooneyaka nsuwa, hata ithenyeeri wa mahuku mancipale ni epwahereraka onimana ettheku etokotoko, ommaleloni waanimalela ororomela wa ovuluxiwa.

Miteko 27:25

Hiiho mukhale ni murima woolipa! Kinimuroromela Muluku weera eniikhumelele mooteene yoowo kileeliwaaka.

awEfeso 2:10

Vano, nri ephattuwelo ya Muluku, epakiwe mwa Kristu Yeesu weera nipake miteko sooreera, mwa seiyo Muluku onirehererenlaawe toko weera hiyo nivareke.

Deuteronomiyo 32:15

Wa soothesene, Yexuruni aahooca mpaka ohiya, anapacera ovaanya. Nyuwo mooneneva, moottittikalela ovona yooca. Moomuhiya Muluku oopattunxeni, munamukhootta Mwala oovulunxeni.

Deuteronomiyo 32:6

Muloko wa anepa ni ololo! Ti hiiho muntthunaanyu omuhokoloxera Yave ni mwettelo ola? Owo ti tiithiinyu ni Mpattuxaanyu mwa Yoowo oopattunxeni oovahakani okumi.

Deuteronomiyo 32:9

Vano muloko Yave aakupanlaawe ti yoola; ekhapira ya Yakobe ti yoohiyeraawe.

2 Timootheyo 2:19

Wa soothesene, nthipelo noolipaxa na Muluku ninkhala nooweemelaxa, ni nookhalihiwa ni yoolempwa ela: ‘Apwiya anaasuwela yaawo ari awaya’ ni ‘Ootheene anlapa Nsina na Apwiya, esuseke sootakhala.’

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

Ethupululo 5:9

ni awo yaahiipa ecipo enyowani: “Moophwanela waakhela elivuru ni ohula iwalelosaya*, niwoko mohiiviwa ni moomuthumela Muluku atthu a epuumba, nuulumo, muloko ni elapo yootheene.