Yesaya 40:2 - Emakhuwa Bible

² Mwalipihe murima oYerusaleemu ni mwalaleiye weera ehuhuwaaya yoovihaxa yoomala, weera sootthekasaya sooliviwa ni weera wohaakhela mmatatani mwa Yave ottaruxiwa iphura niwoko na sootthekasaya.

Yesaya 40:2 Iomraidhean Croise

Epacerero 34:3

Murimaawe waasivelaxiwa ni Dina, mwaana a Yakobe, ni aamusivela mwaamwali ole, anamuulumano amunyeengaka.

2 Nyaha 30:22

Hezekiya aahaavaha masu ooreeraxa aLeevi ootheene yoonihenre wiiwexexa wooreera wa moota woomurumeela Yave. Mmahukuni mathannameeli awosa yaahooca sa sooveleela, enapaka sooveleelela murettele, enamutthapela Yave, Muluku a makholowaaya.

Icipo 32:1

Ooreelihiwa ti yoole sileveleliwe soopakasawe soonanara ni sootthekasawe simalihingwe.

Icipo 85:3

Moohiya isarasanyu sootheene ni moosusa wa onyoonyiwawanyu woowoopiha.

Okhuma 22:3

Vaheera yakhumelela oxeexeloweene, anaakhaleno nthowa na onyala. Namwiiya aliveke iiyalaawe, mene aahikhalano yoolivano, athumihiweke weera alive iiyalaawe.

Namalaleiya 3:4

ehuhu ya wiinla ni ehuhu ya otheya, ehuhu ya wiikhupanyera ni ehuhu ya wiina,

Yesaya 12:1

Vanihukuni nenenenno nyuwo munimweera: “Kinoottottopelani Nyuwo. Vano mwaakinyoonyeriwa, vaheera onyoonyiwawanyu woomala ni mookipepesa.

Yesaya 14:3

Vanihukuni Yave aneeraawe oovaheeni, wiitthuuwa wa ohaawa, makacamiho ni otthukiwa wa oxilili,

Yesaya 27:9

Hiiho nthowa na Yakobe nnoomalihiwa ni soowiima sookwanela sa ovenxiwa wa sootthekasawe nsikhale ha: owo aapwexa altaari* a maluku ootheene mpaka othatuwa ntthupi khasihala nyiri soothipeleliwa Axera, hata altaari* a erubani*.

Yesaya 33:24

Khawoworu mmaki a oSiyoni aneera eere: “Kinoovoreiwa” ni soottheka sa yaale amankewo sinooleveleliwa.

Yesaya 35:4

Mwaaleele yaale amporora: “Mukhaleke oolipeene, muhoove; Mulukwaanyu onimoowa, onimoowa ni ikuhu, ni ottaruxiwa wa wiirimu; Owo onimoowa weera oovuluxeni.”

Yesaya 43:25

Miyo, aani Miyo ti Yoole ommaliha soonanarasanyu moosivelani ni nkuupuwelatho sootthekasanyu.

Yesaya 44:22

Kookwesera ottaiwene soonanarasanyu ntoko nihutte, sootthekasanyu ntoko nikame na oxeexelo. Muhokoleele wa Miyo niwoko Miyo koowoopolani.”

Yesaya 49:25

Vaheera Yave oneera ha: “Aani, anamatthukiwa anootapuxiwa mwa anakhotto ooweraxa ni soohuhula animwaakhiwa mwa atthu oolipaxa; Miyo kinimwaawanano yaale anoowananani ni kinimwaavuluxa anamwaniinyu.

Yesaya 51:17

Mvenye! Mvenye. Mweemeleke, oYerusaleemu, nyuwo ngwunre mmatatani mwa Yave ekoomixi ya isarasawe, nyuwo mminre mpaka nttonyo nookisera ekoomixi yaaveveleihale atthu.

Yesaya 53:5

Ookhomeliwa niwoko na sootthekasahu, oohononiwa niwoko na soonanarasahu; ottaruxa oniwerenle murettele waari wawawe ni noolamihiwa ni makhwattaawe.

Yesaya 53:6

Hiyo ootheene nooriheya ntoko ikhondoolo, khula mutthu a hiyo oohapuwa; ni Yave oomureya Yoowo sootakhala sa ootheene hiyo.

Yesaya 54:15

Akina yoowananani, khookhala mutekwaaka. Yaawo anoowananani, munimwaawina.

Yesaya 54:17

Khawoworu kapwitthi mpakeliwaanyu woonanarihani anaaweereeni etthu ni nyuwo munoomuvaanya khula anawoothereni. Eyo ti yoohiyeriwa wa arumeiyi a Yave, ni wu ti waakiha kimpakelaaka mwaha wa yaawo,” onghima Yave.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yesaya 6:7

Aatavano eyanowaaka, anakeerela: “Moone, nna nootava eyanowaanyu; nthowananyu noovenxiwa ni sootthekasanyu sooleveleliwa.”

Yesaya 61:7

Mulokwaaka onimwaakhela iphura sa ettima vanipuroni na oyevihiwa ni onoohakalalela yoohiyeriwaaya vanipuroni na wuulihiheya muru. Hiiho onimwaakhela iphura sa mweelaponimwaya ni ohakalala woohimala onookhala wawaya.

Yesaya 66:13

Hiiho ntoko maayi onimpepesaawe mwaniye, hiihotho kinimoopepesani ni munoopepesiwa mwaha wa oYerusaleemu.”

Yeremiya 16:18

Kinimwaattaruxa moota woopwahaxa wa sootakhalasaya ni sootthekasaya, niwoko awosa yaaveiha elapwaaka ni icaambulosaya sa mwiikho ni aasariha yoohiyeraaka ni milukusaya sa mwiikho.”

Yeremiya 17:18

Yaale ankisoonda eyeviheyeke, mene kihikhale miyo; awosa yoopopiheye, mene kihikhale miyo. Mwaaruuhele nihuku na erisa, mwaaphwate woomalelaxa.

Yeremiya 29:11

Vano Miyo koosuwela soowuupuwelasaka kiweerelakani nyuwo,” onghima Yave, “soowuupuwela keerelaka murettelaanyu ohikhanle woophwatani, soowuupuwela woovahani oweherera ni sa muhoolo.

Yeremiya 51:10

‘Yave oonaakiha; nrowe, nathalihe oSiyoni yeeyo Yave, Mulukwaahu opankaawe.’

Icipo Soolalamika 4:22

Ii! Esidade ya oSiyoni, nttaruxonanyu nnoomala; Yave khapwahereriha oroihiwawanyu wootthukiwani. Vaheera, ii! Nyuwo mwaana muthiyana a Edomi, Owo onoottaruxa yootthekaanyu ni onimoonihera yootakhalaanyu.

Ezekiyeli 16:42

Hiiho wookhalelaniwaka isara onookhurunuwa ni onyoonyiwawaka woosareya ehaace onimoohiyani; kinoomaaleleya ni nkinnyoonyiwatho.

Daniyeli 11:35

Akina a anamiruku anookwakwathuwa weera awosa etteelihiwe, etotoxiwe ni epakiwe moota wookwanela mpaka ommaleloni wa ehuhu niwoko ommaleloni nlelo onoophiya mweehuhuni yoothanliwa.”

Daniyeli 12:4

Mene nyuwo, Daniyeli, ngwale ni mutthuke masu a elivuru mpaka ommaleloni wa ehuhu. Ancipale anooviravira moothemwene yaasaka miruku.”

Daniyeli 12:9

Owo aakaakhula: “Mukuxere mphironimwanyu Daniyeli, niwoko masu aawaleliwa ni aatthukiwa mpaka ehuhu ya ommaleloni.

Daniyeli 9:12

Mookwanihera masu naalakeleliwaahu hiyo ni anamalamulaahu, muniruuhelaka erisa etokotoko. Mweelaponi moothemwene kheenapakiwe etthu ntoko epakingwe oYerusaleemu.

Daniyeli 9:2

Vano vayaakani yoopacera ya olamulawawe, miyo, Daniyeli, kaahiiwexexa kisomaka masu a Yave aamvahalaawe mprofeeti Yeremiya, weera oYerusaleemu onooheleya nthala wa iyaakha miloko mithannamiili.

Hoxeya 2:14

“Vanonto, kinimwaaruuhatho; kinimwaarongha onikareni kawuulumekeno ni masu oosiveleya.

Hoxeya 2:16

Yave onghima ha: “Nihuku nno, nyuwo munookiitthana ‘aiyinyu’; khamukiitthanatho ‘pwiiyaanyu.’

Habakuki 2:3

Vanonto moonelo oniweereiye mweehuhuni yootthuneya; onghima sa ommaleloni ni ti wa ekhaikhai. Naari opisaka, ngweherere yoowo, niwoko vekhaikhai enoophiya ehuhuwaaya.

Zefaniya 3:15

Yave oovenxa ottaruxiwawanyu, Owo ohaahokoloxa amwiittanaanyu. Yave, mwene a oYixrayeli, ori eriyaraanyu; nyuwo khamoovaru etthu.

Zakariya 1:13

Vano Yave aahuuluma masu ooreera ni oolipiha murima ni ndyelo uuluma ni miyo.

Zakariya 1:15

mene koonyoonyeriwa miloko siniixoona okhala soolipasene. Kaanyoonyeriwa vakhaani paahi, mene iyo saahaandyeerera erisa.’

Zakariya 9:12

Ii!, anamatthukiwa oosareya oweherera, muhokoleele vanipuroniwanyu noolipihiwaxa. Vaanaanova kinlaleiya weera kinimoorehererelani sootheene moota wa iphura.

Miteko 1:7

Owo aaweerela: “Khoontthuneya nyuwo osuwela ehuhu, hata nihuku Atiithi alakenlaaya ni ikurusaya aneenaaya,

aGalata 4:4

Yaaphiyalaaya ehuhu eneeneene, Muluku aamuruma Mwanawe, aayariwa mwa muthiyana, munlamuloni,

Ethupululo 18:6

Munlive ni nikhoobiri nenenenno; munlive veeli wa yeeyo opankaawe, mmwaandyeererele mipatta miili mwa ekoomixaawe mwaneenaawe.