Yesaya 4:2 - Emakhuwa Bible

² Vanihukuni nenenenno ephandi ya Yave eniikhale yooreeraxa ni yoovuwaxa ni soowiima sa elapo nsikhale ovuwa ni nttittimiho na yaawo eniihalahale oYixrayeli.

Yesaya 4:2 Iomraidhean Croise

Icipo 67:6

Etthaya enrunwera soohephasaya ni Muluku, Mulukwaahu onoonireeliha.

Icipo 72:16

Etrigu yaatte mweelaponi yootheene – mpaka mmatthomelani mwa mattumuxa; soowiimasaya sittuve ntoko sa oLibanu ni ntoko malaxi a ntuphini.

Okhuma 28:2

Mumpakele munninyu soowara sootteela sinoonihera ovuwa ni nttittimiho.

Yesaya 11:4

Owo onaareherera oothoiwa mweekhaikhaiyini ni onaalakelela moota woororomeleya oohaawa a elapo ya vathi. Onoomana elapo ya vathi ni ekopo ya eyanowaawe; onoowiiva atakhali ni iphumusawe.

Yesaya 26:1

Nihuku nenenenno enimwiipiwa oYuda ecipo ela: Nookhalano esidade yoolipaxa; Muluku ookhaliha ovuluxa ntoko ixirisaya ni moowiipithamo.

Yesaya 27:6

Mmahukuni a muhoolo, Yakobe onookhala ni mikwankhwaari ni oYixrayeli onoottuva ithutu, osarihaka elapo yootheene ni soowiima.

Yesaya 30:23

Owo onimooruuhelanitho epula wa mmiso muneeraanyu mwaale ni etthaya enooruwera yooca yoowaatta. Vanihukuni nenenenno mihuwosanyu sinimooca moowaatta.

Yesaya 45:8

Nyuwosa erimu osulusulu, murupihe ekhaikhai ni mahutte erupihele vathi ororomeleya. Ehuleye elapo weera ophuwe ovuluwa ni ehuhuweene yeeyo emele ekhaikhai. Miyo, Yave kimpattuxa sootheene iyo.

Yesaya 53:2

Owo unnungwe ohoolowawe ntoko niphuwa nikhaanene ni ntoko mukwankhwaari vatthayani yoowuumelela. Owo khaaphwaneliwaru hata khaattittimiheya weera nimusivele, veekhalelonivawe khayaariworu etthu yoonihaaweliha yoowo.

Yesaya 60:15

Naari muhiiwaka ni muthanyiwaka ahikhalaka ontthuna oviraviramo, kinimookhalihani ovuwa woohimala ni ohakalala wa ikhapira sootheene.

Yesaya 60:21

Vanonto mulokwaanyu wootheene onookhala woororomeleya ni onookuxa elapo wa mahuku ootheene. Awosa ti niphuwa kiphatteiyaaka, muteko wa matataaka ntoko eyoonihero ya ovuwawaka.

Yesaya 61:11

Vano hiiho ntoko etthaya emmelihaaya maphuwa ni nttimbe nimmelihaaya inuku, hiihotho Yave onlamula sootheene onookhaliha ororomeleya ni ottottopela ohoolo wa miloko sootheene.

Yeremiya 23:5

“Anoophiyera mahuku,” onghima Yave, “Miyo kineeraaka kimurehererele Davide Ephuwela ya Ekhaikhai, mwene anaalamule ni miruku ni anaapake yeeyo eri yoororomeleya ni ya ekhaikhai mweelaponi.

Yeremiya 33:15

Mmahukuni awo ni mweehuhuni eyo kinoophuwihatho Ephandi Yoororomeleya ya ekhapira ya Davide; Owo onoopaka yeeyo eri yoororomeleya ni yooreera mulaponi.

Yeremiya 44:14

Khawoworu a ahalahanle a oYuda orongwe okhala wExipitu anoopowe hoye hoye anookhowe weera ahokoleele mulaponi ya oYuda, mwa weiwo anghaawelaaya ohokoleela ni okhalawo; khawoworu anaahokolowe, ehikhanle paahi vakhaani a anamatthawa.”

Yeremiya 44:28

Eniyoopowe ni ekatana ni eniihokolowe wExipitu erowaka elapo ya oYuda khayaatta. Vano ahalahanle ootheene a oYuda arwiiye okhala wExipitu anoosuwela masu a yoole ompwaherera – awaka hoye hoye awayasa.

Ezekiyeli 34:29

Miyo kinimwaavaha elapo yoowiiwanyeyaxa ni soohephasaya, ni awosa kheevoliwatho etala mulaponi, hata kheetthebwiwa ni miloko.

Ezekiyeli 36:8

Vaheera nyuwosa, nyaako sa oYixrayeli, munooruwera iphandi ni soowiima wa mulokwaaka aYixrayeli, niwoko woowaakuveya owo onoohokoleela owaani.

Ezekiyeli 7:16

Ootheene eneera ehale ni eneera yoopowe, anookhala mmanyaakoni yiipulelaka ntoko ikhunda sireene mmareyareyani, khula mutthu niwoko na yootakhalaawe.

Yoweli 2:32

Ootheene eneera yiitthane Nsina na Yave eniivuluxiwe, niwoko vamwaako Siyoni ni oYerusaleemu onuukhale woopoliwa, ntoko Yave aaroromelinghaawe wa yaawo eniihale ni okumi ni wa yaawo aneeraawe awiitthane.”

Yoweli 3:18

Nihuku nno nyaako nsittonye eviinyu enyowani; mmattumuxani onuuvuuve mukaka. Maxaapwa ootheene a oYuda eniitthimake maahi. Mpaani mwa Yave anaakhume naattuuttu ahelelaka nreyareya na oXitimi.

Obadiya 1:17

Vaheera vamwaako Siyoni onuukhale woopowa; mwaako ole onuukhale wootteela ni ekhapira ya Yakobe enookhalano yoohiyeriwaaya.

Zakariya 3:8

Mwiiwe Yoxuwa, mutokweene a asaserdoti*, ni anamakhaviheraanyu akilaathiye ohoolowanyu – nyuwosa ti asilopwana anthoonyera itthu sineera seereiye: Kinoomuruuha murumeiyaaka, Ephuwelo.

Zakariya 6:12

Mwamuleele weera Yave a ikuru sootheene oneera ha: ‘Ori va mulopwana oniitthaniwa Ephuwela ni owo onoophuwa vanipuroniwawe ni onooteka Empa ya Yave.

Zakariya 9:17

Ii! Anookhala ooreeraxa ni oophwaneliwaxa! Etrigu enimwaavaha ikuru amiravo, ni hiihotho eviinyu enyowani aximwali.

Malekiya 3:17

“Vanihukuni kineeraaka kireherere muhakhwaaka” oneera Yave a ikuru sootheene, “awosa anookhala yawaka xaxaxa. Miyo kinoowuurela ntoko tiithi onimuurelaawe mwaniye ommwiiwelela.

Matheyo 24:22

Vano, mahukweene yaawo yahaavukuliwe, saano ahivuluxiwe hata mmoha, mene niwoko na oothanliwa, mahuku awo eniivukuliwe.

Luuka 21:36

Mukhale oowehaweha mahuku ootheene, ni mvekele weera moopowe sootheene sineera sikhumelele, ni weera mweemele vamaithoni wa Mwaana a mutthu.”

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

2 Pedru 1:16

Nuulumalaahu sa ikuru ni orwa wa Apwiyaahu Yeesu Kristu, khaninaatthara andiisi a atthu yaawuupuwelaaya. Ohiyanawaya, hiyo naahoona ni maithwaahu otokweenaaya.